:angry8:بس فكرشوي
بسم الله الرحمن الرحيم
السلام عليكم ورحمة الله وبركاته
الى كل المتزوجات
ماااافي زوج كاااااااامل
وغالبا اي زوجة راح تلاقي اشياء واشياء تضايقها من زوجها
مثلا
وحده تشوف صديقاتها واخواتها روحات وطلعات ومطاعم فطلبت من زوجها يمشيها وافق بعدين طلبت منه يمرون مطعم رفض وقام يهاوش مافي مطاااعم او هذا الي ناقص ووووووو وعلا صوته
هنا الزوجه راح يكون لها خيارين
الاول انها ترد :ليش مانروح مطاعم ووش فرقي عن الناس؟ وودي ادخل هالمطاعم واكل فيها زيي زيهم !!
وطبعا راح يرد عليها وممكن هي تزيد الطينه بله وتقول اييييه طول عمرك ماسك قرشك !! من عرفتك وانت بخييييل!!
متحسف تطلع القرش علي لكن لو مع ربعك كان انواع الصرف !!
طبعا بعد هالحوار الجمييل هل الزوج راح يرحمها و يقولها اسف حبيبتي وحقك علي وين مشتهيه تتعشين؟
ابدددددا
مستحيييل الزوج بعد ماترادين عليه في الكلام راح ينفذ لك اللي تبين!!
بالعكس راح يعند اكثر واكثر!!
وراح يثبت في راسه الشي اللي تهاوشتوا عليه ويستمر معه طووووول العمر!!
اذا الهواشه على روحة مطعم فأنسي انك بتدخلين المطاعم!!
اذا الهوشه على المصروف فأنسي انه بيعطيك في يوم من الايام !!
وهكذااااااااااااا
طيب اجل وش المفروض اني اسوي ؟ اسكت عن حقي؟؟؟
ابداااااااااااااااااا
هنا نجي للخيار الثاني
اولا من حرم الرفق حرم الخير . أو من يحرم الرفق يحرم الخير كما جاء في صحيح مسلم يعني اتركوا عنكم الهواش والرد على منابحه بنباح اعظم منه لانه ماراح يفيدك بشي!!
ثانيا نجي للقاعده الذهبيه التغااااااااااااافل!!
اسوي نفسي ماسمعت واسكت يعني مااقول بعد كلامه المزعج ولاااا كلمه واحتسب الاجر!!
واذا وصلنا البيت اقول الله يجزاك خير على التمشيه الحلوة..
ادري انها صعب تطلع منك بعد ذا الخناقه لكن صدقيني انه بيستحي ويتمنى انه مارفض طلبك وبيقول في نفسه يالله وش قد هي احسن مني ووش قد هي اخلاق وبيفكر في اخلاقك الحلوة!!
ولو رفض مثلا يعطيك مصروف كل ماعطاك مبلغ بسيط اشكريه وقولي انت دايم ماتقصر معي والله يخليك لي ومن هالكلام وصدقيني يمكن لو فتحتي موضوع المصروف مرة ثانيه معه يمكن يوافق!!
ثالثا دايم احتسبي الاجر وانتي تتغافلين وفي الحديث (عجبا لأمر المؤمن . إن أمره كله خير . وليس ذاك لأحد إلا للمؤمن . إن أصابته سراء شكر . فكان خيرا له . وإن أصابته ضراء صبر . فكان خيرا له )
الراوي: صهيب بن سنان الرومي القرشي المحدث: مسلم - المصدر: صحيح مسلم - الصفحة أو الرقم: 2999
خلاصة حكم المحدث: صحيح
رابعا لو شاكستي وتهاوشتي مع زوجك وش راح تكون النتيجه؟ خناق!! وهواش!! ومقاطعه !!ويمكن ماتكلمون بعض لايام وايام ! وفي النهايه هل بيتم الي انتي تبغينه غالبا لا الا من رحم ربي!!
خامسا فيه حريم مااقول الا الله يعظم اجر زوجها عليها ماسكت له على الوحده ان كثر جلوس في البيت قالت الله يعيني عليك اذا تقاعدت!! ليش ماتطلع !! دايم في وجهي!! انا مليت وووو
وان صار دايم طالع قالت ماتحبني ليش ماتجلس معي !!
واذا طلع قامت ترسل في ذا الرسايل اللي كلها عتب وقرف!!
ولو صار في زوجها طبع ماتحبه قامت تعلق وتدقق لحد زوجها مايقول في نفسه الله لا يدقق علينا الحساب!!
تدقق اذا صار يحب يعلي على صوت التلفزيون
وتدقق اذا طول جالس على النت مثلا
وتدقق اذا صار يلاعب اطفاله بطريقه ماتعجبها
وتدقق اذا ماسوى علاقه مع الجيران
وتدقق اذا ماجاب لها هدايا
وتدقق اذا كان صوته عالي
وتدقق اذا كانت ضحكته ثقيلة دم
وتدقق اذا حلاقته في دقنه موعاجبتها
وتدقق في لهجته انه مو زي اهلها
وتدقق في سواقته وفي طريقته في الشراء واشياء واشياء
صدقيني كثر العتب تلغي الموده .. وبيمل زوجك منك ..
وغير كذا انتي راح تتعبين!! راح تتعبين من كثرة المشاكل وبيوجعك راسك!!
هاوش خانق او مااعجبتك تصرفاته تغافلي ..مشَي .. لان الحياة بتمشي وماراح توقف عند مشاكلكم
اعرفي انه لو كان يومك زين او شين بيمر بيمر ان كانك مكتوبه من الحيين
ماراح يتوقف اليوم ابداا فخليه يمشي على خير
خلي زوجك يهوش وينافخ ويغلط وانتي تغافلي واحتسبي
وفي جلسة هدوء وشفتيه مروق قولي لي بهدوء باللي في قلبك ان سمع لك الحمدلله وان ماسمع لك فالشكوى الى الله
افرش سجادتك تالي الليل واشكي لربي
ابكي واشكي لربي
اشكي له هو اللي سبحانه بيده الحلول
وربما كان اللي انتي فيه ابتلاء من الله
ودايم الواحد يشوف غيره ويحمد ربه انه احسن منهم
ودايما رددوا
ربنا هب لنا من ازواجنا وذرياتنا قرة اعين واجعلنا للمتقين اماما
والسلام عليكم ورحمة الله وبركاته
العرض العادي
