السلام عليكم ورحمة الله وبركاته 00تحيه عطره من الاعماق لكم و لكل محبي الانتعاش00
اللي جايين طايرين اول ما قروا العنوان00وبصراحه بعذركم فلا بد من مرور ايام على الزوجين يحسون
فيها بالطفش والملل يبي يغيرون او يسوون شي جديد في حياتهم يجدد الحب ويوقظ البهجه تلاقيهم
ملوا من حركة الهدايا والمطاعم والكوفي شوب والرومنسيه اللي تحوس لذتها المصاريف والوقت00انا من
رايي ندخل في الموضوع بدون فلسفه00


المطلوب من الزوجه المنتعشه مايلي:

-امتار من اوراق الشجر الصناعيه الخضراء موجوده بوفره في محلات الاواني وابو ريالين اشتري الكثير
منها حوالي (سبعين الف متر)!!لاتصدقين لا بس مبالغه علشان ابغاك تملين المكان المخصص لاقامة حفلة
الانتعاش000
تدرين وش المكان اللي بتخلينه مثل الغابه
تدرين؟
(في الحــــــــــــــــــمام)
نعم00
-افرغي الحمام من كل الادوات اللي ممكن تضيع عليكم حلاوة الجو حتىسلات الدرام والادراج او الارفف
الخاصه بالحمامات طلعيها وخلي الزوايا والاماكن فاضيه لتعلقي عليها اوراق الشجر هذي 00على الجدران
والنافذه والهوايه وعلى اي ماصوره وحوض السيفون ايضا احيطيه والباب ومساكته وكل كل كل شي
حتى تصلي صنبور الماء احيطيه ودعي الاوراق تتسلق حتى تصل الدش والمكان الذي يخرج منه الماء
ايضا طوقيه ثم احضري قطعه قماش صغيره خضراء ويفضل ان تكون من التل واربطي بها مكان خروج الماء
بحيث انك اذا فتحتي الماء ينتشر بشكل عشوائي يرشكم ويرشق وجوهكم ويبدا الانتعاش

-اذا كان عندك اي اشجار زينه صناعيه خضراء اضيفيها اوقطع اطقم الحمام خضراء ممكن تملئين الحمام بها
المهم خلي الحمام كأنه او يشبه الغابه بالفعل
-احضري كرسيين خفيفين ودلي عليهما ايضا اوراق الشجر وبينهما طاوله صغيره ضعي عليها عصير كيوي
او ليمون بالنعناع
-اعزمي زوجك على هالوناسه ولا تنسين يكون لبسك متناسق مع الجو مايو اوبكيني بني او مشجر
بالبني والاخضروالازرق حتى زوجك اشترطي ما يجي الا لابس زي ماوكلي ههههههههههههه بس عاد اذا
كان كرشه لا تحرجيه 00
-اجلسوا على الكراسي او فتحوا المويه والعبوا وبربسوا وتمتعوا بالضحكات وانتعشوا بالعصير
والتراشق والشقاوه اللي تحسسكم بالحيويه بس انتبهوا اطفالكم لايشوفونكم تطيح شخصيتكم ترى!!

-ممكن تكملون الوناسه بشي مفيد يعني تقلبونها حمام مغربي كل واحد يفرك الثاني0
-نسيت احرصكم على الاضاءه لازم تكون رومانسيه وخافته شموع او ابجوره محاطه ايضا بالاوراق
بس انتبهي لا تلتمس بالمويه00

يالله واتمنى لكم لحظاااااااااااااااااااااااااااااااااات لا تنسى0