الله يعافيك ويخليك لاتهدم حياتك وتقلبها رأسآ على عقب ولاتخلي حبك القديم وعاطفتك هي اللي تتغلب عليك

بالله عليك وين كانت جرأتها قبل وين كان حبها لك قبل ليه قدرت تسكت كل ذيك السنين

والحين جاية تقول هالكلام

اقول ياخوي انت باين عليك رجل عاقل وفاهم ماشاءالله عليك

لاتهدم حياتك وبيتك وتخسر الزوجة اللي انت بنفسك تحمد فيها

اقطع مع هذيك مررررة وحدة قولها لاتتصلين علي ولاتكلميني ولا ابي اي شي

منك لارسايل ولا اي حاااجة ..الحين بعد ماتطلقت فتحت عينها عليك ياويلي من بعض

الحريم ويلاه

الله يرضى عليك اهتم بزوجتك وبنتك وبيتك وعطي ضهرك للشيطان اللي يبي

يخرب حياتك

وربي يوفقك وينصرك وينور بصيرتك ياااارب

لا تهدم بيتك و تخسر زوجتك و بنتك و حياتك و استقرارك عشان وحده اصبحت من ذكريات الماضي .. و هل تضمن انك لو خربت بيتك عشانها بتكون مثل زوجتك اللي جربت منها الراحة و الاهتمام و حسن المعاملة .. للأسف هذي وحده شيطانه خربت بيتها و ما عرفت تحافظ على زواجها و الحين جايه تخرب بيت غيرها ..
و يبدو عليك انك رجل مخلص و محافظ على عشرة زوجتك و الا لما استشرت احد في الموضوع و لاتحسب أن زوجتك رايحه تكون معاك مثل الأول لو إنك بدلت عليها مع كل ما قدمته لك من سعادة خليك معاها مخلص مثل ما هي مخلصة لك و لأسرتكم الجميلة و اطرد هذي الشيطانة من حياتك .. اللي راح تقلب حياتك جحيم و على الأغلب إنها تفعل معاك مثل ما فعلت مع زوجها الأول من عدم الصبر و طلب الطلاق و في ذاك الوقت تكون خسرت كل شي و تندم في وقت ما ينفع الندم ..

سبحان الله،، في نظري ان اكثر النساء دنااااءة هي من تبني قمة سعادتها (وهو يوم فرحها) على قاع تعاااسة امرأة اخرى .. فيوم زواج زوج المرأة عليها اتعس بالنسبة لها من تقديمها لساحة القصاص لشنقها دون ان تكون ارتكبت اي جريمة .. خاصة اذا كان زواجه نزوة او فراغة عين كما يحصل في أيامنا هذه..
وهذه المرأة تمثل نموذج (المرأة الشيطان) التي لم تتذكر هذا الرجل الا عندما عرفت ان زوجته تعيش معه في سعادة وراحة فغاااارت منها وارادت ان تخرب بيتها وان تنتزع زوجها منها..
صدقوني مثلها لن يوفقه الله لأنها انانية وعديمة التربية لدرجة ان تفرض نفسها على هذا الزوج بهذا الشكل الفج البذيء الذي لا تراعي فيه عرف ولا تقاليد.. والله اعلم لو أعجبها شخص بعد حصولها على هذا الزوج لسارعت بعرض نفسها عليه وتركت هذا الرجل من اجل هواها وسعادتها لأنها أنانية لا تفكر إلا بنفسها.
انتبه أيها الزوج لبيتك وزوجتك التي تغار منها الاخريات لسبب أكيد انت تعرفه ونجهله نحن،، ولا تهدم بعد ان كافحت للبناء من اجل اي شخص ولو كان امك او ابيك فما بالك بحثالة لا تستحق نظرة.

السلام عليكم اما بالنسبه لرأيي فانا اشوف انها كانت تبحث عن شي ولا لقيته في زوجها وقالت خلني ادور عند غيره لانها يمكن انها كانت عارفه انك تحبها بس ماحبت انها توضح لك انها عارفه لان اللي يحب شخص يبن عليه وهو مايحس ويمكن كانت تشوفك قبل الزواج ولا شي وبعد الزواج مالقيت اللي تدور له فقالت اضمن لي ارجع للي يحبني احسن لانها عارفه انها لو تطلقت ماراح تتزوج الا انسان متزوج او كبير سن او يمكن ماعاد تتزوج علشان كذا تبي تضمن مستقبلها....معليش على الاطاله لكن ايش اللي خليها تسوي كذا يمكن انها شافت زوجتك مرتاحه معك وتبي تشاركها هالراحه وهو العكس راح تقلب حياتك