اشتاق لك بكره وقبل امس والحين‎ - زوجــي و زوجتــي عالم الحياة الزوجية

بنك الحب ..:: ذهبي ::..

والله وجالك قلب وتغيب شهرين
يعني بخيالك بالغلط ماصدفتك..؟

وانت تعرفني زين لو غبت يومين
اخاف انام واحلم ولاشفتك

يعني سكنت العين هذي وهالعين
واحسب اني مقصر ولانصفتك

كنك مديني ولا ادري وش الدين.؟
وكني بعد هالعمر ماعرفتك

اشتاق لك ماهوب شوق المحبين
لو انك تسابقني الشوق طفتك

اشتاق لك بكره وقبل امس والحين
ياللي مع كل عرق ينبض اضفتك

شوصف غلاك وشلون ابداك ومن وين...؟
وانا لو وصفتك لاحشى ماوصفتك

يالسكر المخلوط بالتوت والتين
يا اصفى عسل صافي بعد مارشفتك

تدري وش احسن شي فيني ووش الزين..؟
اني من ( ورود ) الصبـايـا قطفتك

وتدري وش اسوأ شي فيني ووش الشين..؟
انــي بعد كـل هـ السنين .. اكتشفتك

ايه اكتشفت انك تبي البعد والبين
بالعربي تبي تفارق وتفتك

صدقني بتندم مو هاليوم بعدين

لما تلاقيني بمكان وصدفتك

تجي تبي تسلم سلام المحبين
واقول لك ..عفوا.. منو ماعرفتك ..؟

السفير ماااجد ..:: مشرف دليل الوسائط ::..

روووووووووووووعة بنك
الف شكر لك على طرحهاااااا

توقيع

طيب الفال ..:: كـــ vip ــــبار الشخصيات ::..

قصيدة رااااائعة واختيار مميز

اشكرك بنك الحب على طرحك الجميل ودمت بخير

توقيع

بنك الحب ..:: ذهبي ::..

السفيـــر الرائع هو تواجدك في متصفحي وردك الذي اعطى مشاركاتي جمالا اخر

بنك الحب ..:: ذهبي ::..

اخوووووي القحطاني الف شكــــــر على مروووووووورك وردك

قد يُعجبك ايضاً

Adsense Management by Losha

( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )