ياهلا وغلا فيك أختي الغاليه

وأسأل الله ان يفرج همك وأن ييسر أمر ويعينك على ما انتي فيه

اختي الغاليه انتي تقولين ان زوجك مريض نفسياً ؟؟

وعند هالنقطه بقسى عليك شوي وأتمنى ماتزعلين مني لأن الحقيقه في

معظم الأحيان مره وتزعل ... بصراحه يالغلا بدل ماتساعدينه وتوقفين جنبه وتحاولين تخريجنه من هالحاله وتهونين عليه وتجذبينه لك تتمنين فراقه ؟؟

وكمان تعتبين عليه ؟!!

يا اختي فيه غيرك حريم أزواجهم بخير وعافيه ومافيهم البلاء لكن مو دارين عن عيالهم ولاهين عنهم طول الوقت اما لعمل او مشاغل الدنيا أو اهمال

والحريم هم اللي حاملين مسؤولية عيالهم وبيوتهم وممشين امورهم وفوق كل هذا يدارون ازواجهم ويدورون رضاهم مو لشيء الا ابتغاء مرضاة الله ويمشون الامور عشان عيالهم عشان مايتشتتون ويضيعون في هالزمن اللي يخوف لأن يكفي أن لهم اب يستظلون بإسمه ..

حبيبتي يمكن كلامي قاسي عليك لكن وربي من محبتي لك .. خليك قويه بإيمانك وبصبرك واحتسبيها عندك ربك وأوقفي مع زوجك وحاولي تهونينها عليه وراح تجنين ثمرة صبرك خير بإذن الله ..

بالنسبه انو يلبي رغباتهم .. حاولي تتفاهمين معاه بهدؤ في هالموضوع بدون عناد وفهميه انو مو من مصلحتهم وخذي واعطي معاه في الكلام بهدوء وراح تشوفين كيف يتقبل .. لاتنتظرينه يقولك انك صح لأ .. انتي عطيه اللي عندك بكل هدوء واتركيه

وهو راح ينفذ بدون مايرد عليك ولو مانفع من اول مره كرري لكن بهدوء وذوق

وراح تشوفين كيف يتغير ويتقبل منك أي كلمه تقوليها

الله ييسر أمورك ويسخر لك زوجك ويشفيه ويرفع عنه ياااارب


ينقل لقسم مشكلتي الزوجيه

اختي الغاليه

كتومه

ما بعد كلام اميره شي اقدر اقوله

لكن فيه شغله ممكن فاتتك

من الواضح ان زوجك مهزوزه ثقته بنفسه بسبب مرضه ومتكل ومعتمد عليك

ممكن هو حاس انو مو قد المسؤوليه او يخاف منها

دورك تعطينه هالثقه بدون الزام

حسسيه انك انتي اللي تعتمدين عليه ومحتاجته بدون ما تشتكين منه او تتضايقين

رجعي ثقته لنفسه

امدحيه قدام عياله

اذا طلبوا شي خطأ قولي انا ما ادري بس اذا ابوكم يشوف انو صح بكيفه

خليه يحس انه المسؤول ولا تعلقين على قراراته

دام انها مو بذاك الخطوره عديها على الاقل قدامه

اسأليه بأشياء وقرارات تخصك وابدي اعجابك بقراره

صدقيني راح يفرح بأنه صار شخص مهم وقيادي

وراح يسعده انك تثقين فيه وموليته قيادة بيتكم

الله ييسر اموركم ويفرج همومك

الله يعينك على المحنة الى انتى فيها واحتسبى هذا الامر عندالله

[align=center][table1="width:95%;"][cell="filter:;"][align=center]
نعم حبيبتي, زوجك حاس بالضعف والتقصير, لهذا السبب ما يقدر يرفض لأولاده أي طلب, هو يعوضهم عن تقصيره بطريقته.
ولا تحسسيه بضعفه ومرضه, وامدحي كل تصرفاته. وإذا سوى أي شي ولو كان تافه, قولي له ما شاء الله عليك ما ادري شو نسوي بدونك, الله يخليك لنا......حسسيه أنه الكل بالكل.
وناقشيه بهدوء, قولي له يا حبيبي لا تشتري لإبنك (كذا) مو من مصلحته ...
الكلام الطالع من القلب يدخل قلبه مباشرة ويخلي الحجر يلين...
وطبيعي أنك تتحملي مسؤولية الأولاد, يكفيه هو يشتغل برى البيت.
وآخر كلامي: الله يسخركم لبعض ويجعل بينكم مودة ورحمة
هونيها تهون, الله يسعدكم
[/align][/cell][/table1][/align][align=center][/align]