ملكه بطيبتي ..:: عضو مميز ::..

طريقتي في ازالة شعر المنطقة الحساسة بالحلاوة ..خشي ولن تندمي باذن الله
يا اخوات انا بقلكم تجربتي في شيل المنطقة بالحلاوة اللي فادت معايا وانا جدا سعيدة بنتايجها
وامانة عليك اسألك عنها يوم الدين ( اللي تخش وتقرأ موضوعي تحط رد وان ماعندها رد تحط لي دعوة اوكي )انا بعد البلوغ كنت اشيل الشعر بالموس وانتوا عارفين الموس وفعايله
أول شي سوااااااد الله لا وراكم
شعر قاسي أقسى من شعري
الجلد صاير قاسي جدا طبقات جلد مو طبيعية
وغير كدا كمان المعاناة بعد ما يطلع الشعر
حيث انه يطلع اليوم التاني واحيانا في نفس اليوم
وكنت اضطر اشيل كل 5 ايام تقريبا (حشا صاير ذقن رجااال هههههههههههههههه)
غير كدا حجم الشعر اللي في المنطقة صاير كثيييييير يعني بعد ماكان اسفل فقط صار يطلع الين فوق
وصار لي على هذا الوضع سنين
اذا شلنا مشكلة واذا ماشلنا ريحة وقرف ورطووووبة
وبعدين زميلتي قالت لي شيلي بالحلاوة حيث اني متعودة اني اشيل شعر الابط بالحلاوة
قلت الم ومدري ايش قالتلي الألم رح يروح وبعدها رااااااااااااحة وحتشوفي النتايج وتدعيلي
وفعلا سويتها ومسكت نفسي وحمست نفسي وهادا الأهم لأنك لما تتحمسي مارح تحسي بالألم
واتركي عنك الدلع هههههههههههههههههتحمسي (صاير مباراة)
الأدوات :علبة حلاوة مضمونة
ثلجة
فوطة للتجفيف
كرسي
بيبي اويل (زيت جونسون للأطفال بالباونج رهيييييييب )
واول شي نظفي المنطقة ونظفي يدك انتي كمان وهاذا اهم شي
وادهني المنطقة بالثلجة لتخفيف الألم ثم جففي
وخذي حلاوة نظيفة ومضمونة الصنع
خذي قطعة صغيرة منها بحجم الكورة الصغيرة (البرجونة)
وياليت يكون عندك كرسي ارتفاعه بسيط حق نص متر
ويلا ارفعي رجل وحده وحطيها عليه هاذا يساعد انك تقدري تشوفي و تشيلي الشعر الأمامي والخلفي (هههههههههههههه عيب يا بنت )
ويلا بالتوفيق ابدأي شيلي وخليكي رقيقة جدا وانتي تشيلي وياليت تكوني مروقة واعصابك هادئة (خلي جنبك عصير ليمون هههههههه)وكل ماتحسي بالألم اتذكري النعومة اللي بعدها
وعلى فكرة لاتعيدي عالمنطقة الوحدة اكثر من مررررررة حتى لو كان الشعر ما انشال منها عشان لاتجهدي بشرتك ولا تتكون بقع بعد الشيل (زي البقع اللي تظهر في الوجه بعدالفتلة )وكمان الشيل في المنطقة الوحدة اكثر من مرة يؤدي لللترهل (حسب كلام اختي الدكتووورة )
وحطي الحلاوة على منطقة بسيطة من الجلد وافرديها واهم شي تكون مفرودة مظبوط على الجلد مو عالشعرة لوحدها لأنه لو على الشعرة رح يسويلك الم مبرح ورح يصير شكلك كداولما تجي تسحبي شدي الجلد بيدك مظبووط وبعدين اسحبي ..ويلا بالتوفيق استمري
اذا شفتي نقط دم لاتخافي في البداية كدا لكن بعد ماتشيلي لمرات عديدة مارح تنزل نقطة واحدة(زي شعر الابط عندي كان اول ينقط دم بعدها وقف مع تكرار الاستخدام)
وبعد ماتخلصي حمد الله عالسلامة
اليك الجزء التاني من العملية وهو :المسامات بتكون مفتوووحة والبعض منا يتركها هكذا للأسف وهي السبب الرئيسي في ظهور الحبوب
فلذا انا اسوي التالي :
هنا يجي دور الليمونة افركي المنطقة بالليمونة ===>>>>بتقولي يحرق بقلك ايوة لكن والله انه مفييييييييد جدا وربي لما افركها بالليمونة اول شي ما تطلع حبوب وتاني شي قفل المسامات وتالت شي تفتيح للون المنطقة مع الحذر من ذهاب الليمون للداخل (انتوا فاهمين مايحتاج اشرح
ولما تنشف قومي خديلك دش دافي
وبعدها حطي زيت بيبي جونسون بالبابونج ريحته ياسلام تجنن مررررررة
والثلاث الأيام اللي بعدها افركي المنطقة بالليمون وادهني زيت جونسون كما قلن
ورح تدعيلي
واهتمي بالنظافة الشخصية والبسي ملابس داخلية نظيفة واحذري من الرطوبة لأنها مناخ مناسب لنمو الجراشيم والفطريات
ملحوظة نفس الطريقة اللي اسويها لتحت اعملها لفوق..............
وكمان اضافة بعد الشيل وخلافه تخف عملية شيل الشعر كل مرة انا في البداية كنت اشيل كل شهر ونص الآن اشيل كل 3 شهور يعني 4 مرات في السنة والشعر اللي يطلع يكون خفيف وناعم جدا
في وصفة ودي اني اسويها قرأتها من كتاب عندي فيه وصفات حلوة للجمال وما اسوي منها وصفة الا وتكون في محلها اسمه #علاج الشعر بالأعشاب #ل محمود جودت صوان
الوصفة هي :1- مقدار من النشادر أو النشا ملعقة صغيرة
2-مرارة ماعز مذبوحة شرعا
الخلط جيدا
ازالة الشعر اولا بنتفه
مسح الجزء المنتوف شعره بالخليط
النتيجة عدم ظهور الشعر ثانية في هذا المكان
وانا بس بنتظر مرارة الماعز وبعدها رح استخدمها في المرة القادمة اللي رح اشيل فيها الشعر
واللي بتسويها لو كانت متزوجة رح تفرح بنتايجها واللي ماتزوجت(الله يرزقني ويرزقها والجميع بالخير ان شاء الله ) تبدأ من الآن عشان تتعود وبرضو عشان يخف الشعر
ادعولي اني اتفوق واجيب اطفال حلوين وانو الله يوفقني ويدخلين الجنةتحياتي وآسفة عالاطالة وباذن الله تعم الفايدة

منقول للفائده وبجربها ان شاءالله

توقيع
[flash1=http://im3.gulfup.com/2011-05-14/1305341032841.swf]WIDTH=400 HEIGHT=350[/flash1]



سبحان الله وبحمده سبحان الله العظيم

اللهم صلي وسلم على نبيا محمد
معاني ..:: عضو ::..

ربي يسلمك ع الوصفة لسحرية تحياتي لك

سنين حبي وروحي ..:: عضو مميز ::..

الله يعطيك العافية

في زيت النمل يمنع ظهور الشعر

مووفقة

توقيع
سهم الموده كواني ..:: جديد ::..

يسلموقلبي على هالوصفه

والله سوفقك ويحقق لك كل ماتتمنين في حياتكم ان شاء الله

ج ـــلــنار ..:: نائبة المشرف العام ::..

الله يسلم ايديك ويعطيك العااافيه ياارب

أشكرك جزيل الشكر على الوصفه الراائعه

توقيع
سبحان الله وبحمده
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

Powered by: vBulletin
 ©2000 - 2024, Enterprises Ltd.
المنتدى برعاية مميزون العرب للخدمات الرقمية
www.z777z.com
Adsense Management by Losha
( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )
جميع الحقوق محفوظة زوجــي و زوجتــي عالم الحياة الزوجية
جميع الحقوق محفوظة زوجــي و زوجتــي عالم الحياة الزوجية