جاي تسأل عن مكانك !! هو بقى فيني مكان ؟ - زوجــي و زوجتــي عالم الحياة الزوجية

هدوء فتاة ..:: عضو مميز ::..

ما تغيَّر شي .. لكن .. صار فاضي هـ المكـان

يعني إنتَ شفت قلبي طحت مِنْ عيني وعينـه

[ كان ] لك قلبي مدينه ولاحظ إني قلت : كان

يعني إنتَ الحين واحد خارج حدود [ المدينه ]

ليه مستغرب كلامي وليـه أعطيـك الأمـان

وليه تَكْذِب في كلامك العـذر وينـك ووينـه

ما ألومك كان قلبـك ثـارت أمواجـه وخـان

الخطا منَّي لأني صرت فـي بحـرك سفينـه

والسؤال اللَّي كتمته وما نِطَـق فيـه اللسـان

كيف إيدك إطعنتني وآنا أحْسِبْهَـا أمينـه ..؟

جرحي ما يرضيه قلبك لو يجـي كلِّـه حنـان

لو تبوس الجرح فيني ولـو تقبلهـا إيدينـه

يُوم أحبك قلت كلمه : ( يكرَم المرء أو يُهان )

وإنتَ قلبي ما كرمته وما قدرت إنِّـك تهينـه

[ عزِّتي ].. ما هي جديدهـ آنا شامخ من زمان

إغسل إيدك من رجوعي وروح يا إبن اللذينه

طاب خاطر قلبي منِّك وهذي الفرقـى رهـان

وحتَّى لو قلبي يحبـك ربِّـي بـ فراقـك يعينـه

تدري لما قلت أحبك قلت وما عنـدي ضمـان

وإختياري كان خاطىء تجربه بالحيـل شينـه

كنت تخطي وكنت أسامح مرَّهـ مرتين وثمـان

أدمح الزله عشانك وأكتـم أنفـاس الغبينـه

كنت أحبك وكنت أعزك والغلا فينـي جبـان

خاف تزعل لو ألومك ضعت ما بينـك وبينـه

في عيون الناس عادي بس في عيني جنـان

وكان قلبي من يشوفك تفضحه نظـرهـ حنينـه

ماني أوَّل من يحب ومنتَ آخر شخص خـان

المحبه في زمانك [ بحرها ] من غيـر مينـه

[ الفشل ] .. كان النتيجه وأعتقـد آن الأوان

أبني مستقبل حياتي وأنسى قصتنـا الحزينـه

وخطوتي الأولى غيابك وراح أطبقها عشـان

يبكي قلبك لا فقدني والندم .. يملـي سنينـه

جاي تسأل عن مكانك !! هو بقى فيني مكان ؟

الله يرحمها المشاعر اللي كانت لـك رهينـه

قلت لك [ قلبي مدينهـ ] فيها لك حشمه وشـان

لكن إنتَ الحين أغرب شخص في هذي المدينــه

راقت لي

هدوووء

توقيع

ورده فواحه ..:: كـــ vip ــــبار الشخصيات ::..

رااقت لي

يسلموو ع طرحك الراائع

توقيع

ضحكة من قلب ..:: عضو مميز ::..

رووووووووووووووووعه هدوء فتاة ...
تسلمين ... يعطيك الف عافيه
فيها عبارات مؤثرة جدا..

الهاوِي موقوف مراجعة الإداره

قمة العزة والشموخ في هالقصيدة ،وأحسنت في طرحها ،وشكرا لك هدوء

العاشق الولهان ..:: عضو مميز ::..

طرح اكثر من رائع ويعطيك مليون عافيه خيتو هدوء فتاة

توقيع

مكان, مكانك, بقى, تسأل, جاي, فيني

الموضوع التالي

قد يُعجبك ايضاً

خليجية تسأل لبنانيه‎ جاي تسأل من تكون؟ أم تسأل ولدها على خارطة القلوب حدد مكانك الى كل شاب او رجل خدع فتاة .. من فضلك قف مكانك !!

Adsense Management by Losha

( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )