هلا وغلا انا عن نفسي مافهمتك عشان اقدر افيدك انتي تبين اشكال سكر ولا تبين سكرياااات للسكر ولا تبين افكار جديده لتقديم السكر
في مجمع الجمعه سنتر محل اواني مرره مرره حلو نسيت اسمه وكان قبل فتره عامل خصم فيه سكريات مره شكله حلو وغريب
وبعد تلقين في السواني في سكريات حلوه والوانها هي الي تميزها
اما عن اشكال السكر تلقينها في سعد الدين اشكال سكر حلوه وفي محلات بجانب استديو بنات ناسيه اسم الشارع يبيعون سكر قوالب مغلف باشكااال حلوه واتمنى اني افدتك
وضحي اكثر للي تبينه وانا ان شاء الله اجيب لك المعلومات الي تبينها

يسلموا يالغاليه انا ابي اشكال سكر غريبه وبرضوا حوامل لسكر بس ابي اسماء للمحلات والشوارع الي وصفتيها ياااااااااوشكثر استانست يوم رديتي يالغلا

سعد الدين ايش قصدك مافهمته قصدك حلويات اوايش انا لسه جديده بالشرقيه والسواني بعد مافهمت استيديوا البنات في اي مدينه الدمام اوالخبر
واي شارع لانه اذاكان بالخبر عطيني اسم الشارع زوجي يعرف الخبر شارع شارع والله ضروري ابي ها ذي الاشياء لانه بعد شهرين راح اسافر برا المملكه لبعثه زوجي راح اقابل حريم زملاءه واخواله بعد الله يجزاك الحنه

هلا وغلا معليش تاخرت عليك
حبيبتي بنسبه لسعد الدين ايوه هو حق الحلويات المعروف يبيعون سكر حلو شكله كانه حلاو مصاص بس سكر كانه بلورات وبالوان مره حلوه يعني يجيك السكر لونه احمر واخضر واصفر وشكله كرستالي وفيه اشكال ثانيه بعد
اما عن السواني هو فيه اواني منزليه انا كنت احسب انك تبين اواني حفظ السكر باشكال حلوه ونادره
اما الي في الدمام او الخبر مشكلتي اني مااحفظ الاسماء كثير انساها بس في بحي الزهور بدمام مخابز المتطوره فيها اشكال سكر حلوه الي تجي مغلفه بورق الماركات ومغلفه بذهبي وفضي والي اشكالها مظله واعلام
واغلب المخابز تلقين فيها انتي روحي لاقرب مخابز وحلويات عند بيتك وراح تلقين باذن الله