....افتح التلفزيون ....بس ممكن تتصل...!! - زوجــي و زوجتــي عالم الحياة الزوجية

احــــسآآس مرهف ..:: مشطوب العضوية ::..

افتح التليفزيون واتفرج.. بس ممكن تتصل؟

"حاسس إنك لوحدك؟ حزين ومكتئب وجواك شعور بإن الحياة لونها إسود مخطط بكحلي متلون برمادي؟ بتسمع كتير أغنية "عيد ميلاد جرحي أنا"؟ بتشتري شمع ملون وتولعه يوم عيد ميلاد جرحك إنت وبعدين تقف تغني -مع الديابة الوحدانية- "الأيام الحلوة بتعدي في ثواني"؟
عرفت "سوسن" وقالت لك إنها بتموت فيك وبعدين شفتها بعينيك -اللي أكلهم الدود- وهي خارجة حاطّة إيدها في جيب "سيد" صاحبك من جنينة الأورمان الساعة 6 بالليل رغم إنها بتقفل الساعة 5 -"الأورمان" مش "سوسن"!-..
والدك بيبص لك بصة بتحسسك بإنك "هريدي" ولد عمه اللي في الصعيد اللي هيطخه عيارين عشان ياخد بتاره؟.. والدتك دايما بتحط "ورك الفرخة" لأخوك الصغير رغم إنها عارفة إنك مش بتاكل حاجة في الفرخة إلا وركها؟

نفسك تركب أسانسير في بيتكم -اللي هو دورين بس- عشان تركبه مرة فيحصل فيه عطل فيقع بيك فتيجي لك كسور مضاعفة وتروح المستشفى فترتاح من كل الناس الوحشة دول؟

ماتترددش.. اتصل بينا على خط "الفضفض فون" على رقم ".........." هنسمعك وهندلعك وهنشخلعك وهنحميك وهنلبسك وهنكسيك وهنطلعك زي الفل كأنك جوزين حمام بالفريك..

اتصل دلوقتي وفضفض معانا هتلاقينا كلنا بنسمعك.. اتصل بينا على "........" نقول كمان الرقم "........." نعيد كمان الرقم "............" نزيد كمان الرقم "........." ممكن تسمع لنا الرقم "......."!

"لو كنت بتدوري على أقصر الطرق إلى شباب الجامعة، ونفسك تعرفي أسهل الطرق لقلب "هاني" و"تامر" و"لؤي" و"ياسر" و"رامي" و"حاتم" عشان "تأنتمي" مع كل واحد فيهم يوم في الأسبوع وتاخدي يوم الجمعة أجازة! -اتصلي بينا على "........."..

لو كنت بتشعري بالحقد والغل والحسد تجاه صاحبتك "نورا" الجميلة الأمورة الحلوة ونفسك تعرفي طريقة تخليكِ زي القمر وأحلى منها مية مرة اتصلي بينا على "........"..

لو شفتِ نفسك في المراية فحسيتِ بإنك بتتفرجي على فيلم رعب، ولو مشيتِ في شارع جامعة الدول العربية، فمافيش أي عربية وقفت لك، ولو ركبتِ أتوبيس زحمة فمافيش أي بني آدم طلع عنده ذوق قام وقعدك مكانه، اتصلي بينا على ".........."..

لو جربتِ كل أنواع الشامبو المستورد والمحلي، واستخدمتِ كل أنواع الزيوت من أول زيت "شل" لغاية زيت "التعاون" وفضل شعرك زي ما هو أنشف من الليفة وهي على الشجر وأخشن من الحجر وهو لسه على الجبل، اتصلي بينا على "........" خط "ياختي فون" للماكياج والجمال والموضة..

"ياختي فون".. هيروشك وهيأيفك وهيخليكِ أحلى بنات الكون وأرق من كل الكائنات البرمائية والزاحفة.. اتصلي الآن..

"مع ياختي فون.. هتخلي كل الشباب مجنون"!

"أخي الفاضل.. ندرك مصاعب ومشاغل الحياة التي تعاني منها.. وندرك -أخي الفاضل- أنك بكل تأكيد -أخي الفاضل- لديك الكثير من التساؤلات التي لا تستطيع -أخي الفاضل- أن تبوح بها لأحد خوفا -أخي الفاضل- من أن يمثل هذا لك -أخي الفاضل- حرجا أو يثير حولك -أخي الفاضل- بعض من التساؤلات -اللي كده أو كده- أخي الفاضل..
اتصل بينا على "..........." ونحن في خط "الإيمان الصوتي" سنكون إلى جوارك -الجيم تنطق معطشة كما ينطقها أهل الخليج-

وسنجيب عن كل أسئلتك -أخي الفاضل- الإيمانية، وسيتواصل معك -أخي الفاضل- نخبة من ألمع العلماء والشيوخ الذين يسهرون من أجل راحتك -أخي الفاضل- ويسعون دوما إلى معرفة كل ما هو جديد في عالم الفتوى حتى يقدمون لك -أخي الفاضل- آراء وفتوى تتماشى مع صحيح الدين..

معنا في "خط الإيمان الصوتي".. أنت في القلب.. بس اتصل الأول على "..........."!

لو لاحظت هتلاقي إن الإعلانات دي اللي بتقدم خدمة مدفوعة الثمن مقدما عبر الاتصال التليفوني بتركز على ثلاثة خطوط أساسية...

"المشاكل العاطفية- الموضة والماكياج- الاستفسارات الدينية"..

وده معناه أن الخطوط الثلاثة دول هم بالفعل أكثر الأشياء التي تشغل بال الشباب اللي هم عادة بيكونوا مستهدفين من الإعلانات دي..
الشباب.. حضرتك يعني!

والسؤال المحوري الجوهري هنا:

هل تثق في الخدمات والنصائح التي تقدم عبر خدمة تليفونية مدفوعة الثمن؟

ويا ترى جربتها مرة أو مرتين أو عشرة قبل كده؟

وكانت النتيجة إيه؟""

بانتظـاركمـ ..:biggrin:
بانتظـاركمـ ..:biggrin:
بانتظـاركمـ ..:biggrin:

رمانة فيصل ..:: مبدع ::..

لا طبعآ مو اي قناة ولا اي شخص فيه قنوات وبرامج متخصصه ومعروفه اما قنوات مدينه حمرا وسكانها سود ومفتاحها من حديد ابعدي عنها ههههههههه

توقيع

حاول عشاني ماتغيب ...وتتركني في الدنيا غريب

مابيك تتركني وتروح...وتهد في قلبي الطموح

اصلآ انا مالي احد في الدنيا ذي غيرك حبيب

♡ sαяσиα كبار الشخصيات

ولا عمري بصراحه..

نشوف ردود البقيه..

يعافيك ياااااارب

توقيع

قد تكون للعالم شخصا ما..وقد تكون لشخص ما كل العالم

Ahmed Rasheed ..:: عضو مميز ::..

هههههه حلوة يارمانة
انا يكسرون خاطري هالبنات المذيعات يخلص الكلام ماتعرف وش تقول وتعيد في نفس الكلام مساكين
الموضوع مرة حلو ياميوة بس مش كأنة طويل شوي ؟!

توقيع

مـن بـغـى يـمـشـي.. جـمـبـي لـجـل يـوصـل.. مـسـتـواي ... بـلـغـه خـالـص تـحـيـاتـي
وقـلـه يـسـتـريـح

لست ممن يردد :msn-c8f54a4780: : ( قلبي فيه ألفين عله الحياه بعده ممله وحالي من بعده تدهور ) ببساطه أحمل شخصية متوازنة فـ كل من يحتاجني أحتاجه .. والعكس أؤمن بـ أنه : ( من يذهب !! قد كان زائداً لست بحاجتهـ ومن يبقى !! هو الضروري في حياتي ) .. :msn-2857f63144:

احــــسآآس مرهف ..:: مشطوب العضوية ::..

تفتكر يعنى يا احمد انا فاضية للدرجة انى اكتب موضوع طووويل كدة لا طبعاااا
ميرسي علي مرورك ..........المهم انة عجبك

ممكن, التلفزيون, افتح, تتصل

الموضوع التالي

قد يُعجبك ايضاً

كيف تتصل بمن تريد ذهنياً المعروف ( بالتخاطر ) ؟ حلمت بانك تتصل بي كيف تتصل بمن تريد ذهنيا ..؟‏ تخيل بنت تتصل عليك وتقول لك ممكن قبله؟!! لا تتصل وتقول مبروك بالعيـد]

Adsense Management by Losha

( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )