[align=center]
سكرت الخط بوجهه ومو ندمانة ولا راح اندم احبة على عيني وراسي بس انعل ابوه حب الي يخليني بهالحال رمضان ماجا ومن الان يقولي تطبخين في شقتنا انا ماتزوجتك علشان اكل من المطاعم ...

ليش هو انا حمارة عنده اوامر اوامر بدون تقدير ... انا جدولي في رمضان للعمل لسة مانزل ... ولو نزل اكيد اسبوع او اسبوعين بكون افطر فيهم بالشغل هذا اذا لقيت وقت افطر ...

مو هنا المشكلة ... انا لسة ماطلعت من بيت ابوي علشان اروح اطبخ له في الشقة يعني كلا يبي حقوقة مني

امي اكيد تبيني معها في رمضان

وزوجي يبيني معة في رمضان

وشغلي يبيني اكون معه وبقمة الانانية وهذا حقة لاني انا الي محتاجة له ولا الشارع ملفاي لااهل ولازوج راح ينفعوني


امي وبتتعب بس علشان شغلي ممكن تتغاضي عن بعض حقها وحتى لو تنازلت عنة كله راح تجي تلمح تلميحات اوتضرب ضربات لي انا ماقصرت وربي رواتبي مال شغلي الخاص عطيتها اياهم كلهم علشان تجيب شغالة ضحك عليها الي في بالي بكلمتين <<< ماتبغا تظلمة بس اكيد يد بالموضوع وقالت تبي تفتح فيهم مشروع هي حرة بس انا مابي اكون بيوم من الايام انا الشغالة وانا ساكتة لاني عطيتها رواتبي بطيب نفس وهذا حقها واحس ان لما اشتغلت انا صارت بنعيم وبطلت المشاكل بينها وبين زوجها <<<وعلى الاقل حسيت اني لي قيمة مو مجرد عدد ... ماعلينا

زوجي وشي اكيد مابتنازل عن حقة وماراح يهمه لاشغلي ولا اهلي وهذي هي مشكلتة يحبني مووووووووت لدرجة انه يبي كل الي يقولة اوامر تتنفد مو مشكلة والله لو على كيفي ماعصيتة بس انا شسوي بعمري علما بان امي متضايقة مني ومنة علشان انا كل بطايقي الخاصة من بنك وغيرة عطيتها اياه والشهاده لله الرجال مو مقصر عني بشي ويعرف يمسك لفلوس علشان ماتطير في خرابيط واي شي اطلبة صحيح يعطيني محاضرة بس مايقدر يكسر لي كلمة ويحاول يسعدني قد مايقدر ... امي متضايقة وتقول من الان سلمتي له الخيط والمخيط <<<قصدها بطاقة البنك <<<وانا ارد عليها انا الي عطيتها اياه لانه هو الي بيدبر اموري <<تقول لي ولو ماتعطية بطاقة البنك <<<قلت لها ومتى انا مسكتها اول كانت عندكم انتو تصرفون فيها مثل ماتبون والان صارت عنده لاني انا عطيتها اياه واحنا متفاهمين <<<وقصد كلامي لاحد يدخل بيني وبين زوجي <<<وقصدي من الي سويتة مع زوجي اني احسسة بثقتي وتقديري له وانا بصراحة تقدرو تقولو عني بنت فقر لفظا <<<اخاف من لفلوس لما تكثر بيدي ماعرف شلون اتصرف فيها تلاقيني اوزعها يمين وشمال ونهاية الشهر لو محتاجة قرش ماحد عبرني <<< ولا سال ايش محتاجة <<<بس مع زوجي اي شي احتاجة او ابية بس اكلم زوجي الاقي الي ابية عندي ثاني يوم <<جوالي من غير ما اتكلم هو يشحنة لي في كل طلعة يصرف علي شي وشويات هذا غير اذا نزلت البيت لازم يعطيني مصروف لشغل كل اسبوع واحيانا يعطيني زود بس انا اقولة اعطيني على قد لسبوع بس مابي تعودني على الترف <<< مو متعوده على هالشي <<<وكل هذا من راتبة ... صحيح هو عصبي ومزاجة صعب ويطلع روحي لما ابغا شي مالة لزمة كرغبة في الدلع والتباهي قدام صحباتي مثل كل شهر ابي جوال شكل يصرخ فوق راسي بس مايقصر واذا الي اسوية غلط يحاول ينصحني <<<مع انه عارف اذا حطيت شي براسي صعب اتنازل عنة <<<وهو يقول مايقدر يتحمل وجهي اذا تدلعت مثل الاطفال

حاليا انا مرتاحة من اخلاق زوجي معي بس الي يكدرني عصبيتة وتحكم اهلي بكل صغيرة وكبيرة كلا يبي حقوقة مني وانا مو عارفة ايش اسوي <<< امي من كم يوم تسالني ماكلمك يبي سلفة او قرض او شي من هالاشياء أوعك تطاوعية <<< هو مايتكلم معي بهالاشياء ابدا ...وهو ولد عز بس الدنيا ماترحم ... ليش مو راضيين يقتنعون انة زوجي وان احنا واحد ... وكنت حاسة ان اهلي قبل كانو يبون يزوجوني بس الان ندمو انهم زوجوني علشان من تزوجت توظفت حكومة وكل اهل يقولون في بالهم نتعب ونربي ونصرف ونصبر وفي النهاية كل الخير يروح للغريب <<<مع اني حتى لو رحت بيت زوجي حاطة في بالي امي لها حقوقها شهريا ومصروفها الخاص مني

بس مو عارفة ايش الحل الي اسوية ويرضي الجميع انا مابي شي لنفسي انا تعودت على الحرمان من يوم ولدتني امي انا بس ابي ارضيهم ومابي احد يزعل من التاني ويحس اني من حقة هو ومن حق غيرة

انا ابي اتمسك بشغلي وزوجي وما اخسر اهلي لان بصراحة كلا يبي مصلحتة وماهمه فيني اموت انطق دايما انا على الهامش وبرغم اني حنونة على اهلي الا اني اقل وحده عندهم ممكن يفكرون فيها

مع زوجي حسيت بقيمتي وان لي سند وظهر واحد لو غبت بيذكرني وان لي قيمة عنده

<<<<كاني تشعبت من مشكلة وحده لعده مشاكل ونسيت اني لازم اقوم اصلي والبس بروح شغلي

بعد عمري هالرجل سديت الخط بوجهه واتصل يراضيني ويقول لي ابيك بس تطبخين لي مابي اكل من المطاعم تعبت انا عندي مرة مو زي قبل <<قلت له وربي مابقصر اذا ماقدرت اروح لك الشقة ومتواجده في بيتنا مو بالشغل وربي بطبخ لك وبتصل لك تجي تاخده

مع السلامة بنات لازم اقوم ولا كلامي مابيخلص وبتاخر <<<< كل الي فيني واضحك وابتسامتي ماتفارق وجهي مالت علي:rotate1::spying:

احبكم فالله وقولو لي ايش اسوي وين الغلط بحياتي يمكن اكون غلطانة وانا مادري:138:


[/align]