اشلونكم يا حلوين يا شطار؟؟؟؟؟؟؟؟
اليوم بقولكم عن حوار :conversation: دار بيني وبين زميلتي بالعمل من فترة
مسكينة يتني ضيق خلقها ومبين عليها الحزن :sad: واشتكت إن زوجها من بداية زواجهم من 11سنة داااايما اذا صارت بينهم مشكلة يهددها بالزواج عليها!!!! لرجة ان يقولها شعرج ليش خشن شكلي بتزوج عليج ( طبعا عباله البنات صافين دور عند بابه ناطرينه ) المهم انا عصبت وارتفع ضغطي :angry2: لكن ما بين علي وحاولت اصبرها وانصحها انها تبعد عن المشاكل وتحاول اتصلح اخطائها ( مسكينة والله الحرمة دايما هي اللي تتنازل ودايما غلطانة):angry8:
هاذي القصة خلصت ....
والحين عندي شوية كلام حق الزوج اللي يهدد زوجته بالزواج عليها :
1- ياخوي الله سبحانه وتعالى وضع للزوج طرق لتعليم الزوجة وذكر الوعظ ثم الهجر بلافراش ثم الضرب (غير المبرح ) ولم يذكر ابدا التهديد بالزواج فقد يكون الهجر والضرب ( اكرر غير المبرح ) ارحم واهون !!!!!!!!!
2- وبعدين ياخوي انا اشوف ان الرجل لما تكون شخصيته قويه وعقلة كبير ويتعامل مع زوجته بحنان مع شوية حزم يقدر بهالطريقة يحل كل المشاكل ويغير زوجته لانها تحبه مو لأنها خايفة من زواجه عليها
والمرأة اذا حبتك ووثقت فيك وحست بتقديرك وحنانك راح تسعدك سعادة ما تحلم فيهاوتكون عن اربع اربع زوجات:diadem2:
3- وتذكر ان الحياة الزوجية ليست معركة تستخدم فيها التهديد والهجوم والدفاع ونقاط الضعف والقوة !! الحياة الزوجية حياة رائعة تحتاج الى اسلوب راقي واحساس مرهف ورقة في الكلام
4- وحط في بالك ان باسلوب التهديد راح تتعب نفسية زوجتك وتعيش معاها في دائرة من الشك والقلق والتجريح والمشاكل وبذلك ستخسر السعادة والراحة مع زوجتك وانت اصلا لم تتزوج عليها بل جعلت شبح الضرة:evildoer: يحوم في رأسها ويدمر حياتكم الزوجية:angry8:
5 - وبعدين إذا تبي تتزوج تزوج وخلصنا :pain:ولا تخلي زوجتك عايشة بقلق طول هالسنين وعلى قولة المثل انتظار البلاء اشد من وقوعه
6- بس لا تنسا :nono:اذا فكرت تتزوج عليها إنك احتمال تطيح على وحدة أردى ألف مرة من حبيبتك أم عيالك الغالية وتقعد تنوح طووووووووول الليل وتقول ( آآآآآآآآه الله يرحم ايامج يابعد عمري ):crying:
مع تمنياتي للجميع بحياة زوجية مستقرة وراااااااااااااقية وباي باي :bye: