السلام عليكم اخواني قبل لا ابدا ابي أعلق على حاجه من هم المطاوعه طبعا مطاوعه بلغتنا , ولكن هم المستقيمين كما قال الله تعالى (فَاسْتَقِمْ كَمَا أُمِرْتَ ) هود:112 والخطاب يشملنا الله يرحمنا برحمته كل ذكر وانثى ووينا عن الاستقامه الا من رحم الله تعالى , صح اني ماني مطوع ولكن يا زين المطاوعه فيهم من الاخلاق الي سبحان الله تجذب الواحد طبعا انا ما اتكلم عن المتشددين اصلا هذولي مخالفين سنة الرسول صلى الله عليه وسلم , انا أعرف كم شخص من المطاوعه اخلاقهم مع الناس عجيبه سبحان الله :-
القصــــــــــــــــــــه
قصة صبر هل المطوع على زوجته يمكن ما تصدقون ولكن هذا الي حصل, المطوع هذا توه متزوج وزوجته في البدايه كانت صامته وساكته وبعد فتره صارت اخلاقها سيئه جدا ً ماااااااااااره وهو أخلاقه ياعيني عليه ماااااااااااره راقيه مؤدب محترم ولسانه يقطر عسل ما شاء الله عليه , كانت زوجته تستحقره هوقادر يطلقها ولكن شفق عليها , وقادر يتزوج عليها ولكن خاف يجرحها وكان هل المطوع من حبه لها اذا اكلوا على نهاية الاكل يقول شبعت وهو ماشبع عشان لا ياكل لقفمه تكون نفس زوجته فيها , حتى ثيابه يكويها بعض الاحيان بنفسه عشان ما يتعبها مع انه كان في بيت اهله يلقى ثيابه جاهزه مغسله ومكواه , غير نمط حياته عشانها , ورغم كذا كان ما يخش البيت الا وتهاوشه وتسويله مشكله
" انتظروا لا تحكموا عليها بسوء اوتسبوها او تدعون عليها سبب معاملتها له بهل الطريقه ....؟؟؟؟ حتلاقوه لا تستعجلوا ولان هل الزوج مايرضى لها الا كل خير حتى لو آذته هذا من قوة حبه لها زوجته حبيبته سكنه . قال تعالى ( ومن آياته أن خلق لكم من أنفسكم أزواجا لتسكنواإليها وجعل بينكم مودة ورحمة إن فيذلك لآيات لقوم يتفكرون ) الروم : 21 . كانت الزوجه تطلب منه الطلاق بكثره رغم انها ما شافة منه الا كل خير ناسيه ان الزوجه الي تطلب من زوجها الطلاق بدون سبب والعيذ بالله تحرم عليها الجنه . والحديث الدال على ذالك قال النبي صلى الله عليه وسلم قال ( أيما امرأة سألتزوجها طلاقاً من غير بأس فحرام عليها رائحة الجنة )رواهأبو داود والترمذيوحسنه،وابن ماجه. طبعا ً هذا مو عذر لها حتى لوكان سبب معاملتها له عشان ... ؟؟؟؟؟ " كملوا السبب جاي " , طبعا هذا المطوع ماشاء الله عليه متعافي ومستصح بيد وحده يكتفها وهذا بدون مبالغه , اصلا قبل يتطوع كان راعي مهاوشات يعني مو خايف منها , والرجال شخصيته جيده له كلمته بين ربعه و ربعه يستشيرونه في امورهم يعني شحصيته مو مهزوزه , ووقت زوجته ترفع صوتها عليه تخيلوا اخواني كان يراضيها ويهديها واذا ماااااارررره زودتها معه كان يقول في نفسه يارب سامحها ولا تآخذها فأني مسامحها " يعيني عل الاخلاق " ماشاء الله عليه و كان ما يرفضلها طلب ويعاونها في شغل البيت وووو...الخ وكان يمشيها بكثره حتى اذا يبي يجيب عشا من المطعم ياخذها معاه واذا قالت له مشيني حتى لو كان مشغول يوقف شغلته ويطلعها ووووووو .... الخ . واذا طلبت منه اي حاجه لو كان ما عنده فلوس يتدين عشان يجيب لها الي تبي ولا ينكسر خاطرها , تدروا ليش الزوجه كانت تعامل زوجها بهل الطريقه ؟؟؟؟ هنا تلقون السبب لانها في حالة ( وحم ) كان وحمها عليه كره ههههههه ترى معذوووووووره مسكينه هل شيء خارج عن ارادتها ويمكنها في الاستقامه احسن منه بس هذا ( الوحم ) لذا على الازواج انهم ينتبهون من الوحم خاصتا الازواج الجدد ولان وقت ( الوحم ) تكثر حالات الطلاق لان بعض الازواج مع احترامي الشديد لهم موفاهمين . طيب ليش المطوع هذا صابر على زوجته رغم انه ما يدري ان زوجته تتوحم عليه كره يحسب ان هذي اخلاقها وهذا طبعها ؟؟ لحظه : ما قلتوا لي ليش صابر ليش ليش ليش ليش هااااا تدرون اخواني ليش لانه يطبق ماوصاه به الله تعالى وقال ( وَعَاشِرُوهُنَّ بِالْمَعْرُوفِ فَإِنكَرِهْتُمُوهُنَّ فَعَسَى أَن تَكْرَهُواْ شَيْئاً وَيَجْعَلَ اللّهُ فِيهِ خَيْراًكَثِيرا ً )النساء:19. وما وصاه به الرسول صلى الله عليه وسلم وقال ( استوصوا بالنساء خيراً .... )متفق عليه . وقال ( إن أكمل المؤمنين إيماناً أحسنهم خُلقاً، وخياركم خياركم لنسائكم ) رواه أحمد . وبس .
آسف عل الاطاله. . . . تحياتي . .
توقيع
حديث قدسي روى الرسول صلى الله عليه وسلم عن ربه انه قال ( ألا قد طال شوق الأبرار إلى لقائي واني أشد شوق لهم , ألا من طلبني وجدني ومن طلب غيري لم يجدني ......... ) .
سر النجاح في الحياة هو ( التوكل على الله مع الأخذ بالاسباب )
العرض العادي
