السلام عليكم ورحمه الله وبركاته

راح ادخل في الموضوع على طول
انا والده لي ثلاث شهور ونص وهذي اول ولاده لي
رحت المستشفى عندي طلق كل5دقايق والرحم مفتوح 2سانتي فقط
ولاني بكريه وما اعرف ولحالي دخلوني التنويم وبهذلوني بالكشف كل شوي
الطلق جاني من10بالليل وكان كل ربع ساعه
وبدا معي كل5دقايق من4الفجر ولا ولدت الا 3:30العصر
اللي صار معي اني بدات ادفع من1الظهر ولاولدت3:30 وكل شوي الممرضه تجي تحط ابره في المغذيه واسالها وش ذا تقول مسكن
وبعدالولاده بشهر كشفت في مستشفى خاصلاني كنت تعبانه قالت عندك هبوط في الرحم سالتها ليه وانا بكر وماولدت قبل قالت انتي طولتي وانتي تدفعين قلت ايه من وقت جاني دفع وجلست ساعتين او اكثر ادفع وبغت تطلع روحي قالت هذا سبب
اللحين ابغى استشيركم
علاج الهبوط التمريخ ولازم وقت الدوره
اللحين من يوم ولدت ماجتني الدوره من الاربعين
تنصحوني اخذ دوا ينزلها عشان ابدأ اتعالج واتمرخ
ولا اجلس كذا
مع العلم اني تعبانه مره ما اقدر اقوم ولا اجلس الابصعوبه لانه اكتشفت الدكتوره ان مع الهبوط ميلان للرحم للخلف وكنت اعاني من قبل احمل بسنتين من الام مبرحه في الظهر وامتد الالم للارجل
وتاكدت ان الظهر سليم وفقراته سليمه بعمل اشعه وتحاليل
اللحين انا في حيره اخذ دوا ينزل الدوره او انتظر
ساعدوني بآرائكم وتجاربكم ولاتحرموني من نصائحكم