بسم الله الرحمن الرحيم
هذه قصة حقيقة حدثت لي شخصياً في أواخر رمضان الماضي 1429 هـ الساعة تشير إلى الثامنة والنصف صباحاً الجو في الخارج شديد الحرارة .
وبدأت القصة قمت أنا بالاتصال على الأخ محمد ألو .....
طبعاً الأخ محمد جنسيته أردني ومعاه مجموعة من المهندسين والفنيين الايطاليين علشان يقومون بتركيب معدات للشركة ( .... )
أبو جوري : السلام عليكم الأخ محمد
محمد : وعليكم السلام ورحمة الله مين معاي
أبو جوري : معاك ( أبو جوري ) وين راح نتقابل إن شاء الله
محمد : آهلين وسهلين راح نتقابل في ( ...... )
وحددنا اللقاء وبعد ربع ساعة تقابلنا ..
أبو جوري : آهلين أخ محمد كيف حالك
محمد : يا آهلين أبو جوري الحمد لله بخير
أبو جوري : متى إن شاء الله تركبون المعدات للشركة
محمد : والله إن شاء الله ننتظر لين تصل بعض المعدات الباقية وهي بالطريق ممكن بعد الظهر إن شاء الله تصل المعدات
أبو جوري : يعني كيف اليوم مافيه شغل
محمد : لا في شغل اليوم بس على المعدات الموجودة
أبو جوري : بس أنت عارف أخوي محمد اليوم حر وصايمين
محمد : لا إن شاء الله بسيطة
أبو جوري : على طاري الصيام الايطاليين اللي معاك يعرفون شي عن صيامنا ويعرفون أننا صايمين
محمد : البعض منهم يعرف عن الصيام والبعض الآخر لا يعرف بس أحب أقولك شغله يا أبو جوري
أبو جوري : تفضل أخوي محمد
محمد : قبل شوي كان واحد من الايطاليين يدور على آكل وقلت له أصبر شوي لين ناصل سوبر ماركت ونشوف لك أكل
أبو جوري : طيب والبقية كيف وضعهم
محمد : فيه أثنين منهم ما أشوفهم يأكلون لكن فيه واحد ثاني حيرني ... وله قصه محيرة
أبو جوري : أي واحد فيهم
محمد : أنت شايف الشايب اللي على اليمين
أبو جوري : أيوه
محمد : هذا ويعلم الله أني ما أقول ألا الصدق يصوم معنا
أبو جوري : شلون !!!!!! شلون يصوم معكم ( هو مسلم )
محمد : لا والله مو مسلم بس يصوم معنا
أبو جوري : طيب ليش يصوم معاكم وهو مو مسلم
محمد : مدري بس أنه يتسحر معنا ويفطر معنا بس للمعلومية يا أبو جوري هو مو صايم صيام فعلي وسألته أنت ليش تصوم معانا قال الشيبة الايطالي أنا أصوم معاك ((( تــقــديــر واحترام للصيام والمسلمين )))
أبو جوري : يالله يالله يالله أسألك بالله هو يقول كذا يا أخ محمد
محمد : أقسم بالله أن الشيبة الايطالي يقول أصوم معاكم ((( تــقــديــر واحترام للصيام والمسلمين ))) والله يا أبو جوري أني ما أقول ألا الصدق ..
أبو جوري : يالله شي مو طبيعي صراحة أخي محمد المشكلة في مجموعه قليله جداً من المسلمين هداهم الله مايصومون ويجي واحد ايطالي ويصوم ...
محمد : والله هذا اللي صاير ونعتذر أبو جوري على الإطالة وهذا السائق وصل ونبي نروح للشركة .
أبو جوري : الله معاك أخوي محمد وإن شاء الله بيننا لقاء ,,,
انتهت القصة
لكن اللي محيرني أنا بعد ايطالي يصوم معانا ويقول أصوم (( تقدير واحترام للصيام والمسلمين )) شي غريب وعجيب ........ !!!!!!!!!!!!!!!!
نقلتها لكم لأخذ العبرة والأعتبار ويعلم الله أن كل هذا ما حصل لي مع مقابلة الاخ محمد
هذا وتقبلوا خالص تحياتي وتقديري الكاتالوني ( أبو جوري ).......
العرض العادي
