اخذنا محمد ونزلنا الجمعية قلت له الساعه2تعال قال خلاص وراح
ودخلت وسلّمت على الّي بالاداره والمديره ودخلت الصاله
فيهاطاولة الطعام واطفال كثار يفطرون
اولاد بنات غريبه ماشفتهم البارح
احم سلّمت على المراقبات ونطّت بنت صغيره ونزلت لمستواها
عانقتني بقوه كنهاتقول لاتخليني
لمحت سديم متأثره وجت عندي وقبّلتها وسألتهاوش اسمك وماردت بالعكس زادت بضمي
جت الحاضنه وقالت لها:
ذكرى تعالي افطري
وماردت واستمرت بضمي
بحور:ذكرى حبيبي
تبغيني افطرمعك
(هزت راسهابالموافقه)
ابتسمت للموظفه وقلت لها
بحور:بعد اذنك اقدر استحل مكانك دقايق بس ابتسمت
بسمه:اكيد تفضلي
مشيت وجلست في كرسيها وجلست ذكرى بحضني وسمّينا بالله وقعدت اأكلها
ورفعت راسي اتأمل الّي حواليه
جنبي كانت بنوته عسل ملامحهاشرق اسياويه بصراحه وماتضحكوا علي خفت اقول ايش اسمك وماتعرف عربي وانحرج ابتسمت لها وكأنها تنتظر هالابتسامه عشان تكلمني جت لعندي وقالت:ياقمره ياحلوه ياعسله
(ههههه الحمدلله طلعت تعرف عربي ) حبّيتها وقلت لها ماشاء الله ايش اسمك
قالت :ريم
بحور:حلواسمك ياريومه افطرتي
ريم:ايوه
بحور:شاطره حبيتي قولي الحمدلله وغسلي واطلعي فوق الحين بطلع معاكم ونلعب
ريم:حاضر واشرت على سديم هذي اختك
سديم:هههه صح كيف عرفتي
ريم:تشبهون بعض
اشّرت لسديم تاخذها وتطلع فوق معهاوتسولف معهاعبال مايفطرو البقية
طلعو فوق ورجعت اشجع ذكرى تفطر واطالع بالبقيه
ولد صغيراسمراني اعطيه3سنين فيه شي يجذب كل الناس له وابتسامته غير
سألت الحاضنه
بحور:ايش اسم الولدالي بحضنك
ام أحمد:نواف
بحور:يهبل بسم الله عليه
ام احمد:ايه كل الي هنا يموتو عليه
قطع سواليفنا صوت جري لفّيت ورى وشفت الثنائي فهودوصلاح
فهود:عرفتك عرفتك انتي يمه
امس جيتي صح
بحور:هههه صح يابطل
صلاح:صدق يمه جبتي حاجات كثيرات
بحور:ايه صدق من قال لك
صلاح:انا عرفت
فهود:لايمه اقولك من قال لنا
بحور:ايه قول
فهود:هذيك اختك الطويله
بحور:هههههه(وينك ياسديم تجي تسمعي)
بحور:اسمها سديم ياماما
صلاح:هههه اصلاً انا اعرف اسمهاهي قالت لنا
فهود:ياالله يمه نبغا ناكل بسرعه
بحور:لحظه ماما اول شي افطرتو
صلاح:ايه احنا وفهدو اول شي خلصنا
بحور: طيب اطلعو فوق وانابجي الآن
صلاح :لانبغا نجلس عندك
بحور:ذكرى ماما خلصتي
هزت راسها بأيه
ياالله ماما
الكل :ياالله
طلعنا وجلسنا فوق الاطفال نفسهم فهود وصلاح ونواف وريم وذكرى بحضني
عندي حب فضول اسأل
جت بسمه وجلست جنبي معها قهوه وتمر
وتجمعو الاطفال ع التمره حزنوني والله وجلست اعطيهم والبنات يوزعو عليهم
بحور:بسمه كم صارلك هنا
بسمه:اناجديده هذا اسبوع اختبار لي
بحور:الله يوفقك
بسمه:وانتي
بحور:اناماحصلت وظيفه بس جاية زياره
بسمه:باين عليكي حبيبه
بحور:تسلمي من طيب اصلك
انا احب الاطفال مره وعايلتنا اخرالعنقود سديم على قولت فهود هذيك الطويله
بسمه:ههههههه حرام لايعقدها
بحور:احسن تستاهل خليني امسك عليهالقب
بسمه:هههه الله يخليكم لبعض
بحور:امين يارب اقول بسمه
بسمه:هلا
بحور:بسمه اناملاحظه ذكرى تمص ايدها وتقطع شعر راسها ليش
بسمه:لاحظت فيها الشي ذا بس ماسألت احد تعرفين تو جديده وماعرف الا اسمائهم
بحور:مادري احس ذكرى تعاني من شي
بسمه:مسكينه الله يكون بعونها
بحور:الا صحيح المديره قالت فيه كبار موشايفه احدوينهم
بسمه:ايه في مدارسهم الحين بس هذول والنواني
بحور:نواني!!!فيه نواني
بسمه:ايه سعيد وطلال
بحور:وينهم ؟
بسمه:بالغرفه الي بالزاويه هذيك
بحور:اوكيه خوذي ذكرى وانابروح اخذ جوله تفقديه
بسمه:اوكيه
قمت ودقيت الباب ودخلت الغرفه اسرّه كثيره هذي الغرفه مخصصه لحد سن 4سنوات
بحور:السلام عليكم
ام احمد:هلاوالله حياكي
بحور:تسلمي اممم اسفه جيت استطلع وشوف النواني اقدر اشوفهم
ام احمد:اكيد شوفي هذا سعيد
اشرت على طفل بالهزّاز اسمراني
عيونه فيها بريق ولمعه فديته قعدت ابوسه
ام احمد:وهذا فهدالصغير واشرّت على سرير فيه طفل منغولي
ياحياتي رحت له وقعدت ابوسه وامسح عليه
ام احمد :واخر واحد طلال 3شهور نايم الحين واشرّت على السريرالاخير
رحت اشوفه شفت ملاك نايم بسم الله عليه ربي يحفظه ويخليه لأهله (اكيدامه موظفه وحطته بالجمعيةوفي الليل تجي تاخذه)===>هذا كان تفكيري
طلعت من عندهم قعدت عندالصغار( فهودوصلاح وناصر وصالح وريم )مسوين دائره وسديم عندهم وطايحين فيها
جت الساعه 12 جوا طلاب المدارس فهد عزوز سطام علي واماني
عزوز و فهد7سنوات
سطام 8سنوات
علي 10سنوات
اماني بسن علي 10سنوات
قامو الحاضنات( الامهات)يحبوهم وياخذو شنطهم قمت انا وسديم سلمت عليهم كلهم وكسرت حاجزالخجل بيني وبينهم
وقعدت امازحهم ويضحكو
طبعاً سديم سلّمت على الكل الا علي كانت مستحية لانهاشايفته كبير
المهم جلسنا وانبسطنا وتعرفنا على بعض وبعدالغدا لعبناووزعنا العصير والشبسات عليهم واستانسو مره وانابعداستانست
الساعه 2 وصل الباص وودعت الاطفال وانا لسى ماشبعت منهم نزلنا تحت وقبل مادق على اخوي عمر
قالو البنات بحورالباص يودي مجانا"تعالو معانا
(بصراحه استانست هذي وسيله مواصلات ضمنتها يعني ماراح يمتنعو اهلي وازورهم يوميا")
دقيت على اخوي واستأذنت منه وقال عادي اروح معهم
واخذت من البنات مواعيده يجي 6ونص الصباح لازم اكون جاهزه
ودّعتهم ودخلت البيت وانا نفسيتي عال العال
سلّمت على امي وجدتي وكالعاده اسولف معهم عن الايتأم
وبعدهاجلست اخطط انا وسديم بالعاب نعملهالهم عشان يستانسو وينبسطو
وقلت لسديم ناخذ معنا حلا وفطاير انا اعمل الحلا وسديم الفطاير
نمنا بدري بعدالعشاء على طول نمت وانا أنتظر بكره لجل اروح لعيالي فديتهم احس كلمة يمه تزلزلني لاقالوها قعدت اتفرج على صورهم بالجهاز واتذكر كل شي صار وابتسم واضحك على مواقف وخصوصا"كلمت فهد لسديم (هذيك الطويله) سميت بالله ونمت
===
اليوم الاربعاء
الساعه6ونص جالسين ننتظر الباص دقايق وجانا ركبنا سلمت على البنات بسمه وام احمد ونوره وهنادي وايمان
خلاص صرت اعرفهم الحين
وصلنا وطلعنا فوق لقسم الاطفال وهناك لفت انتباهي شي حيرني الاطفال كلهم نايمين وكل حاضنه راحت تصحي الاطفال وتلبسهم كنت ابي اسأل بس محد كان فاضي لاسألتي رحت ابدل على البنات رحت ادور ع ذكرى البنت الي شاغله فكري ومصره اعرف مشكلتهاوليش منعزله ودايم بجلس بالزوايا !!!
بحور:صباح الخيركيف الحلوين
ياالله ماما ياالله
سديم تصحي ريومه بسمه تصحي اماني وانا عندذكرى
شلت الغطاء وقعدت اصحيها
بحور :ذكرى ياالله يماما ياالله حبيبي اناجيت وجبت لك حاجات حلوه بس اول قومي نغسل ونرجع نبدل وننزل تحت عشان نفطر
ابتسمت وقامت بسرعه وعانقتني بستها ورحت نغسل كانت فرحانة مره احسن من قبل بس لو ترتاح من تقطيع شعرها ومصها لاصبعها تكون بخير
رجعنا للغرفه وقعدت ابدل لها
شدني علامات بجسمها كي واثار جروح(قلت في نفسي ابسأل وحده من البنات بعدين)
خلصتها ونزلنا تحت وافطرت وطلعو طلاب المدارس
اتفقت مع سديم تجي تاخذذكرى وتلعبها جوا ابي اسأل البنات عن قصتها
رحت وجلست عندهن
صبو فنجان قهوه ومدوه لي واخذته جلست جنب بسمه واحترنا نسئل مين عن ذكرى وقع اختيارنا على ام احمد بما انها لها5سنوات في الدار واكيد راح تفيدني
بسمه:ام احمد نبي نسألك عن ذكرى ليش فيهاحروق بجسمها
ام احمد:ذكرى امها كانت تحرقها وتعذبها وسلموها للدوله وهم تكفلو فيها
بسمه:حسبي الله عليهاالله لايوفقها
بحور:بسمه لاتدعي على احد قولي حسبي الله ونعم الوكيل وبس
بسمه:ياشيخه تستاهل ذي مالها قلب ماتشوفي حال البنت هذا وهي طفله كذايادوب نسمع صوتها وبس تقطع شعرها اجل لاكبرت وش يصير حالها
بحور:وحنا هنا وش دورنا لازم نتعاون ونغير وضعها لسّاتها صغيره وراح تستجيب لنا ع طول صدقيني
بسمه:ياعمري عليها الله يكون بعونها ان شاء الله
بحور:الا ام احمد تعالي ليش هم نايمين هنا!! حتى لو امهم وابوهم اتوفو معقوله مالهم عمام خوال ياخذوهم ويربوهم
بسمه: بحور هذول لقطاء
بحور:ايـــــــــــش
بسمه:لقطاء لاام ولااب
بحور:بسمه تكفين لاتعورين قلبي
بسمه:والله صادقه كل واحد له قصه
بكيت وبكن البنات معي الحين عرفت ليه يقولو يمه ياربي انا كنت اعرف ان فيه لقطاء زي مسلسلات اول يلقاه واحد عندالبحرولاعندمسجد ويربيه
بس ماكنت اعرف ان لهم مبنى
آآه يارب يارب ارحمنا يارب
قمت ودخلت غرفت النواني
سعيد وفهد نايمين طلال طلال صاحي اخذته وحطيته بحظني وجلست اصيح آه ياطلال وش ذنبك يمه وش ذنبك تعيش هالحياه الله يسامح من كان السبب
طلال كان في حضني يبتسم وانا ابكي ع حاله
ناضرت الساعه وحصلتها 11 وقت رجعت اطفال الروضه مسحت دموعي وانا عندي عزيمه خلاص بصير ام لهم كلهم بربي واعلمهم كل شي صح واول شي اغرسه فيهم الايمان بالله طلال بدا يتحرك سبحان الله كأنه يأيدني بقراري ضحكت
بحور:فديتك يمه ياالله قوم معي نستقبل اخوانك الحين يجون
دخلت ام احمد تشوف وش صار علي
ناظرت لها وانامبتسمه انابخير ام احمد خوذي طلال شوي بستقبل عيالي(وبعدها ابتسمت ع كلمتي ايه عيالي دامهم ينادوني يمه فأنا امهم)
اول ماطلعت جو يركضو كانو واصلين قبل اطلع بدقايق
ريم :تعالو هذي هيه يمه هذي هيه هنا
طبعت قبله ع خدها وقبل ارفع راسي نط عزوز ع ظهري وفهد برقبتي وقعدو يضحكو علي وصلاح وفهود عجبهم الوضع ونطو معهم
بصراحه ما استحملت طحت وطاحو معي طيحه خفيفه وقعدنا نضحك
صلاح:هههه يمه طاحت حنا اقو منها
فهود:اناحبك يمه
بحور:واناحبك بعد
فهد:وانابعداحبك كثير
ريم:حتى انايمه احبك اكثرمنهم
عزوز:وانايمه احبك كثير كثيرمره
بحور: قد ايش يعني
عزوز:قد الكتب
كلنا ضحكنا وهو ضحك معنا (ياعمري متأثر بالدراسه )
فهد:غبي عزوز
عزوز متعقدمن الكلمه ذي يصيح لاسمع اخوانه يقولوها له
كشر عزوز وكان على وشك انه يصيح
وبسرعه قلت :عزوز جبت لك حاجه
عزوز:استانس ايش يمه
والباقين :يقولوا وحنّا يمه
بحور:جبت لكم كلكم بس اول شي نبدل ملابس المدرسه وننزل نتغدا
واحنا نازلين
جاءعلي وسطام واماني
اماني:اول وحده ضمتني
وطبعت قبله على خدها وهمست بأذنه اذا تبي هديتها بسرعه تبدل وتخلص غداها ما امداني اخلص الاوبسرعه راحت
ابتسمت
ورحبت بعلي وسطام
بحور:اهلن اهلن حي الله عيالي
علي:يمه قربي اذنك بقولك شي
بحور:هاه يمه قول
علي:ايش قلتي لاماني
بحور:ههههه تبي تعرف
علي:يضحك ويهز راسه
بحور:واذا ماقلت لك
علي:عشانك تحبينا هتقولي
بحور:فديتكم وانتا سطام ماتبي تعرف
سطام:الا بس استنى تقولي لعلي عشان بعده تقولي لي
بحور:اممم البارح ايش طلبتوني
سطام:أم أم أس
علي:جبتيها
بحور:اكيد
ونطو علي يبوسوني
(الطفل يفرح باي شي تقدمه له حتى لو شي بنظرك انت بسيط بس بنظرهم هم شي كبير)
(اتق النار ولو بشق تمره)
==
الى هنا ينتهي الجزء الاول

يتبع الجزء الثاني ...........

رواية.. جميله البلوي
اللقيط
الجزء الثــاني

بعد ثلاث اشهر
الأشياء الايجابيه الّي حصلت
1-اتغيرت حالت ذكرى للأحسن
والفضل لله وحده ثم بمساعده الاخوات والايتام نفسهم؟ بتسئلو كيف؟
شئ بسيط كل ماهنالك إنّا نبهنا عليهم يتوددو لها ويخلوها تشاركهم اللعب
2-صاروالاطفال متعلقين فيني لحد الجنون
3-طلال انا المسؤوله عنه ابدّله واحممه يعني هو لي أنا لحالي وصارو ينادوني ام طلال
طبعاً زيارتي لهم كانت فترة الصباح وفي يوم جاني علي
علي:يمه ثاني مره ماتجي الصباح
بحور:ليش يمه
علي:الصباح نكون بالمدرسه يادوب نجي ساعتين وتروحي مانبغى كذا
سطام فهد عزوز :ايوه يمه تعالي بالعصر
عزوز:ونامي عندي
فهد:لاعندي
بحور:خلاص انابشوف اخوي واذا وافق راح اجي خلاص
علي:ان شاءالله يوافق
بحور:قولوا يارب
الجميع:يارب
روحت البيت وبعد اقناع وجلسه طويله وافقوا اهلي
لحظه نسيت نقطه اكيد بتقولوا بحور انتي حكيتي في بداية قصتك ان مالك دخل مادي هنا الجواب
السر هوجدتي
(ام الخيرههههه)
كل اربعاء وخميس يجون خالاتي وعماتي الّي تجيب لها كرتون بسكوت والّي تجيب عصير والّي كيس شبس وجدتي توزع علينا وعلى عيال خوالي الصغار ومن يوم ماجيت الجمعية وانا ناشبه فيها كل ماجابوا شي ووزعت علينا ماارضى بحبّه (افكر بعيالي)
بحور:ياجدتي عطيني 14 حبه لعيالي
وبما أن الكرتون فيه 24حبه فمايبقى شي لعيال خوالي فيضطروا يقسموا كل حبه بين اثنين
اول مره عطتني برضاها والثانية برضاها والثالثه صرخت على خالاتي
جدتي:اسمعن من اليوم ورايح ان جبتن لي احسبن حساب عيال بحور جيبوا لها كرتون مثلي
ههههههه وه بس ياحليلها جدتي اثاريني مجننتها
ومن بعدها صار لي نصيب من الغنايم
المهم اليوم الثاني فاجئت الاطفال بحضوري وقت العصر فرحوا مرّه بعدالمذاكره نطلع ونلعب
وبصراحه جو المساء روعه واحلى مافيه وقت النوم
انابالنسبه لي الكبار(علي_سطام _عزوز_فهد) مايتنازلوا عني ويقهروا اخوانهم اني دايم عندهم
وطبعاً ماادخل غرفتهم الاوطلّولي معي
اجلس احكي لهم قصص ونتكلم عن امور الدين
طبعاً اتناقش معهم على حسب سنّهم نفرش بالارض واكون متربعه وهم متوزعين حوالي كل واحد معه مخدته وبطانيته اشكالهم تجنن كذا
نسيت نقطه ثانيه(عدّت فتره علي كان يضايق اختي سديم بقوه مو يضايقها لا يعني يحب ينكد عليهاويخوفها ليش مادري)
المهم كانو حاطين روسهم بحضني علي وفهد وسطام وعزوز واناكنت اقص عليهم ويدي اليمنى امسح فيها روسهم واحد واحد
سديم جت جنبي وهمست بأذني:بحور لاتتحركي ابمسح على راس علي نفسي امسح على راسه ..
كسرت خاطري وهزّيت لها راسي بالموافقه وكملت قصتي لهم
وهي مدّت يدها بشويش وقبل تاصل له رفع راسه وهو رافع حاجب
بحور:هههههههههه
سديم:هههه انانفسي اعرف علّوي ليش انت تحب تضايقني وماتخليني اجلس عندك ولا العب معك
سكت علي فتره وقعد يطالعها بدون مايتكلم وبعدها
علي:اقولك ليش
سديم: ايه قولي نفسي اعرف
(انا كنت ساكته واتابع نقاشهم وبصراحه شدّني اسلوب علي ونفس الوقت أبعرف ليش يعامل سديم كذا وانربط لساني من رده)
علي:لأنك من اول ماجيتي عندناسلمتي عليهم كلهم الا أنا ليش؟؟؟؟؟؟؟؟
سديم:دمعت عيونها ياويلي علي والله ماقصدت
بحور:علي حبيبي ماماسديم كانت مستحيةمنك عشانك كبير يمه والحين تعودت عليك
سديم:نطت لعلي وضمته وهو عادي تركها وماطردها زي اول وكانت تصيح وبعدين تضحك وترجع تصيح وتضحك
عزوز:ماما سديم مجنونه تضحك وتبكي
الكل:ههههههههههههههههههه
انتهى اليوم بعد ما
تصالحوا علي وسديم
ووعدته سديم بكره تجيب له ليز كبيره وحمضيات وحلاوه(وام ام اس )كل هذا رضاوه عشان يسامحها
ناموا وشلتهم بأسرتهم واستودعتهم الله
واخذت طلّول حبيب قلبي لي فتره اضغط علي اهلي ياخذوه عندنا ويرفضوا
(قبل فتره لمحت وحده من المشرفات ان الصغار الّي مثل طلال وسعيد مايطولوا يجو ناس وياخذوهم يرضعوهم مع عيالهم ويصيروا اهله)
ومن بعدها وانا اضغط على اهلي لكن مابيدي حيله
واستمرت حياتي معهم على هذا الحال وحبي لهم كل ماله يزيد في يوم استوقفتني وحده من الموظفات :بحور لوسمحتي ابيكي بخدمه
بحور:ابشري
الموظفة:تسلمي بحور بصراحه اناموضوعي متعلق بعلي
بحور:خير ان شاءالله
الموظفه :علي جاي من المدرسه متضايق مادري وش فيه حاولنا نكلمه ومايرد على احد وبما انهم يحبوك حاولي تعرفي ايش مشكلته
بحور:حاضر هو وين الحين
الموظفة:بالسيب الخلفي
بحور:انارايحه له الحين
طلعت من عندها وتوجهت للسيب الخلفي كان جالس عندالزرع ويحفر له باين انه متضايق مره
بحور:علّوي انت هناياماما وانا جالسه ادور عليك تعال سلّم علي يمه
عانقني حسيته تعبان وانا ماأبي ابين له اني مرسوله
ابيه لحاله يفضفض لي
بحور:علي الجو حلو شرايك ماما نطلع انا وانت لوحدنا بالسطح
هز راسه وجلسنا فوق
بحور:علي اناامك حاسه ماما انك متضايق قولي حبيبي ايش مضايقك
علي:يمه قولي لـماما نوره (المديره)تشيل اللّوحه ماابغاها تكون فيه
بحور:ليش ياماما
علي:اصحابي يمه والّي بالباص كلهم قالوا لي يمه
بحور:وش قالوا
علي:يمه انا عارف اناماعندي ام ولا اب عارف ماله داعي تكذبوا
بحور:علي تبغاني ازعل منك
علي:هز راسه بالنفي
بحور:خلاص اناقلت لك انا أمك بعدين ياماما اناموقلت طنش كلامهم وتوكل على الله.. الله معانا ودايم يشوفنا
ياماما الرسول صلى الله عليه وسلم قال(اناوكافل اليتيم كهاتين فالجنه)
علي:يعني حنا نروح الجنة
بحور:لما نؤمن بالله ونتوكل عليه ونحافظ على الصلاه ونبتعد عن السيئات ندخل الجنه بإذن الله
الحين ماما طنش كلام اصحابك
وتعال معي ننزل تحت ابغى اتغدى جيعانه
علي:اناكمان جيعان
بحور:ياسلام اناوش قلت قبل كذا ماقلت لازم نتغدى
تبغاتزعل مامامنك هاه
علي:لاخلاص الحين بخلصه كله
بحور:ايوه كذا
نزلنا وتغدى علاوي وبعدها لعبنا وجلسنا جلسه كبيره احناوالحاضنات نقول قصص والاطفال معانا
روحت البيت واناتعبانه ارجولي تعورني من الركض صليت ودعيت الله ونمت ورئيت منام
(رأيت اني واقفه وعلي واقف جنبي ضامني واقوله هاه يمه مبسوط اني معكم يرفع راسه وهو مبتسم ويقول ايه ويرجع يضمني واقول ماراح اخليكم يمه)
الظهراتصلت على مفسرالاحلام٠واخبرته بحلمي سألني :عن علاقتي بالطفل فأخبرته
الشيخ :ماشاءالله الواضح لي بان الله قد يفرج هم كبير عنك بأذن الله
حمدت الله
اللهم لك الحمد ولك الشكر
قمت وتجهزت لعيالي وجهزت الاغراض الّي باخذها معي
جيت وكان فيه اجتماع ونادتني المديره :بحور تعالي
(بصراحه خفت لان بعض الموظفات كانوا يتضايقوا من تعلّق الاطفال فيني من بين الجميع وخفت احد يكون ناقلّها شي غلط)
اناماسويت شي غلط اناكل الّي سويته تركت اسلوب الامروالنهي وحكّمت عقلي وعاملتهم كأم
أم تخاف على ابنائها
ام تدافع عن حق ابنائها
ام تسعى ان يكون ابنائها على احسن وافضل حال
دخلت الاداره وكانت المديره توبخ بعض الحاضنات خصوصا" المسؤلات عن الاطفال تحت سن السادسه فقد اصبحت ترى بعض التمرد والالفاظ وعدم الاحترام
احسست بأني سأكون التالية بعدهن
فقمت اتحدث مع نفسي (بحور انتي مافعتلي شي خاطئ خليك واثقة من نفسك )ايه اناواثقه من نفسي
انتبهت على صوت المديره ونظرات الموظفات لي فرددت بسرعه
بحور:هلا
المديره:بحورالله يعطيك العافية بصراحه الكل اثنى عليك وعلى عملك
بحور من اليوم اعتبري نفسك بوظيفه رسمية وراتب ثابت
فرحت كثير وتذكرت رؤيا الامس سبحان الله الوظيفه كانت اكبر هم شايلته يارب لك الحمد تصدقون كنت اتسلف كثير لجل اوفرلهم الّي يبغوه والحين صارلي راتب معناته بقدر اخذهم الألعاب وامشيهم معي براتب من تعبي وشقاي يعني مافي شي اسمه سلف بعد كذا
بحور:الحمدلله مشكوره استاذه نوره
المديره:العفو حبيتي تستاهلي كل خير بس بحور انابكلفك بمسؤليه ثانيه راح اسلمك القسم الّي تحت (فهودوصالح ناصروصلاح)==>الله يحفظهم بيطلعون لي قرون هههه
بحور:ايه استاذه نوره بس الكبار راح يزعلوا
المديره:ماعليش انابسلمك
هالمهمه والكبار خلاص كذا هم تمام التمام
بحور:انامابقول مابي الصغار انا بس ابيكم ماتمنعوني من الكبار
المديره:مو مشكله لاخلصتي شغلك من الصغار تقدري تروحي للكبار
بحور:ابي على طول اكون معهم كلهم
شوي دخل ناصر ماما بحول(مامابحور) وجاء يجري نزلت لمستواه ورفعته وطبع قبله على خدي وانا رديتهاله بالمثل
المديره:خلاص ماعاد فيه نقاش وشهد شاهدا"من اهله هذا ناصر جاكي
بحور:مو حبن فيني الا يبي الّي بالشنطه
الجميع :هههههههههههههه
المديره: خلاص كل وحده تروح تشوف شغلهاومابي الأخطاء تتكرر وانتي بحور خوذي عيالك وابدئي فيهم من الآن ولاتطلعي فوق
بحور:حاضر
اخذت ناصر وقبل لاأدخل قسمهم اصواتهم واصله لبرا واسمع صوت خبط وتكسير
تنهدت وسميت بالله ودخلت
بحور:السلام عليكم
فهود:جت ماما جت يمه جبتي لناحلويات
ناصر:ماما بحول نام عندنا(ماما بحور بتنام عندنا)
صلاح:صدق يمه
ناصر:الا سح وناضر فيني سح ماما
بحور:صح يماما
صالح:اناحبك ماما
بحور:وانااحبكم كلكم
نزلت تحت بالارض وجلستهم حوالي وجلست اكلمهم
بحور:امممم انتو تحبو ماما
الجميع:ايوه
بحور:طيب الّي يحب ماما ومايبغاها تزعل منه مايسوي حاجه غلط
فهود:حنامانسوي غلط صح صلاح
صلاح:صح
وصالح قاط معهم وقال:صح
بحور:حرام ماماالكذب شوفوا مين الّي حوّس الغرفه
وبدا كل واحد يحطها في الثاني
بحور:ياماماخلاص المره هذي انامسامحتكم ماتعودوها ثاني
الجميع:خلاص
بحور:شفتوا ماماع ايده(مسؤله النظافه) مسكينه ترتب وتنظف وتخلي كل حاجه نضيفه واحنا نخرب مايجوز كذا
فهود:خلاص يمه مانعودها
بحور:طيب اشرايكم نساعد بعض ونرتب الغرفه عشان لاجو ضيوف يقولوا ماشاء الله هذول الاولاد مرتبين ويجيبوا هدايا
وكل واحد قام يشيل شي وانا اشيل الأشياء الثقيله واعدّلها
وبدقايق خلصنا
بحور:شفتوا ماما ماحلو كذا شفتو كيف طالعه تجنن غرفتكم
صلاح:ايوه
بحور:قوموا ابصوركم عشان اوريها صديقاتي واقول شوفوا عيالي مؤدبين جيبو لهم هدايا
لماكنت اصور انفتح الباب بقوه وعضيت شفايفي وانا اشوف الّي داخلين ومعصبين وانا وعارفه ليش(علي:سطام:عزوز:فهد)
علي:ليش يمه
سطام:صدق بتجلسين عندهذول وتخلينا
بحور:لاماما من قال اناوعدتكم مابخليكم
فهد:بس انتي عندهم بالله ليش هاه
صلاح وفهود لقوا لهم وسيلة تسليه وجا وقت انتقامهم منهم وقامو يقهروا الكبار
صلاح:اناه ممابحور عندنا ياحرام
فهود:احسن وجابت لناهداياويغمز لصلاح صح صلاح
صلاح: ايوه
فهد:شفتي شفتي يمه
:بحور:ههههههه حبيبي الاستاذه نوره قالت لي اصير عندهم عشان شقاوتهم
لازم ماما اكون عندهم
سطام:خلاص انابصير شقي عشان اصيرمعك
بحور:لاماما لاتزعلوني منكم بعدين انامعكم على طول راح نلعب مع بعض ونسوي مسابقات عادي ماراح يتغير شي
والحين اطلعواالبسوا جزماتكم (تكرمون)عشان ننزل بالحديقه ونلعب لعبة الكنز ترى جبت الكور الّي نخبي فيها الاوراق يعني الحين اتحداكم تفوزوا
طلعوا وكل واحد يسبق الثاني تنهدت وخلصت عيالي الّي انامسؤوله عنهم وطلّعتهم وجت كل حاضنه واطفالها
جاب علي طلال ياويل حالي كيف نسيته
اخذته وبوسته وقعد يضحك وحطيته بحضني
البنات يقولوا انه يشبهني (تمنيت امي وابوي ياخذوه ويعيش معنا على طول لكن مابيدي لاحول ولاقوه واكره شي اسمع هالكلمه ....الناس ايش تقول؟؟احنا مالنا ومال الناس شي انت مقتنع فيه وعارف انه صح سوه واجرك على الله قولي وش بتاخذ من الدنيا غير عملك هذا حنا نشوف حكام وملوك وفقراء وأغنياء يموتوا وتركوا مو مليون بلايين كان حريص يجمعها بالدنيا لكن اليوم جاته سكرت الموت وماعاد تنفعه بقبره تصدقون انا استغرب حال بعض الناس عندهم خيرات ونعم وماكلف نفسه يكفل يتيم ولا يساعد اسر فقيره ماراح يخسر شي اجره يكون مضاعف وهالشي نقراه يوميا"في كتاب الله لكن القلّه من يطبق)
جابوا وجبه العصر كانت شبس وعصيرالموظفة تنادي كل حاضنه وتعطيها على عدد الاولاد الّي معهاونادتني واخذت (لفهود وصلاح وصالح وناصر)
ورجعت للفرشه كان جالس جنبي فهد وسطام يركبوا اللعبه الّي معهم
ناديت الاطفال الّي مسؤله عنهم
بحور: وين عيالي ياالله تعالوا ناكل الوجبه
وسمعت الّي بجنبي يتكلموا
فهد:سمعت سمعت ياسطام شف قالت وين عيالي يعني خلاص تصير معهم على طول
ولفيت لجهتهم شفت سطام عابس وفهد رافع حواجبه
(فهد فيه طبع يحب يتملك الشي)
(وسطام غيور ويغار بقوه من خوانه واحسن شي يقول الحق ومايخاف من احد)
ناظرت فيهم
بحور:سطام
سطام:اكتفى بنظرات
بحور:ايش ريكم نكلم ماما نوره
وانقنعها تروحو معي حديقه الالعاب ونقعد فيها لساعه٨ونص ونجي
(كنت ابي اشيل الافكار الي بدت تعشعش براسهم)
سطام:دقي الحين
فهد:يمه تاخذين عيالك معنا
بحور:ههههههه اكيدباخذكم فهد ياماما كلكم عيالي الاسبوع ذا باخذك انت وسطام وعلي وعزوز
والاسبوع الي بعده اخوانك الصغار اتفقنا
الجميع:ايوه
واتفقنا ايش بنقول بعدهااخذت الجهاز ودقيت على المديره



يتبــــــــــــــــــــــــــع ....

بحور:مرحبا
المديره:هلابحور
بحور:هلابك احم فيه ناس يبغوا يكلموك
المديره:مين؟؟؟
سطام:يمه
المديره:هلاحبيبي مين انت؟؟
سطام:انا سطام يمه
فهد:وانا فهد
المديره:هههه ايش عندكم
سطام:نبغى نطلبك طلب
المديره:ايش هوه؟
سطام:اول قولي اناموافقه
فهد:ايوه يمه قولي بش لا أآ بش ؟؟مامابحور ايش الكلمه نسيت كنت ابقول بشير
المديره+بحور:ههههههههههه
بحور:قول قولي ابشر
فهد:ايوه هيه نفسها
بحور+المديره:هههههههههههههههههه
المديره:طب قولها قول ابشر
فهد:ابشر
المديره:ابشروا ايش تبغوا
سطام :نبغى نروح مع مامابحور الالعاب من الحين لين نتعب
المديره:حاضر بس عطني بحور
سطام:خوذي ماماتبغاكي
بحور:هلا
المديره:مين بتاخذين ؟
بحور:باخذ عيالي الّي حشرتوني عنهم ساعتين وقالبين الدنيا فوق تحت
المديره:هههه ماعليه بيتعودوا
بتاخذي الاطفال الباقيين
بحور:لا هم ابرتب لهم وقت ثاني ان شاءالله
المديره:خلاص بس على الساعه 8ونص تكونوا هنا
بحور:اوكيه يعطيك العافيه
قفلت وحصلت سطام وفهد مو بمكانة توقعته راح يلبس
وخاب توقعي وانا اشوف الجيش الّي جايني وفهد وراهم يضحك اكيد فهد قايل لهم
بديت اضحك احبهم ياناس احبهم في زعلهم و برضاهم
صلاح:ليه يمه تاخذينهم
فهد:احسن
فهود:اصلاً هي حقتنا مامانوره قالت
وقطعت كلامهم قبل مايشتد النقاش
بحور:بس يامامااسمعوني
فهود وصلاح وناصر وصالح انتم الاربعاء الجاي اخذكم نروح رحلتين خلاص الحين باخذ الكبار بس عشان السياره صغيره وراح اجيب لكم الّي تبغوه (كان سهل علي أقناعهم بس البنات انامقصره معهم بالطلعات ماقداخذتهم معي نهائي)
بحور:اماني وريم روحو جهزوا حالكم بتروحوا معنا
ريم:شكرا ياعسله ياقشطه ياقمره ياحلوه(هذي دايم تقولها للداخل والطالع)
اماني:شكرا"يمه
بحور:عفوا"ياالله بسرعه معكم خمس دقايق اماني جيبي معك عباتي وشنطتي
اماني:حاضر
وناديت فهدوصلاح وناصر وصالح وعطيتهم نصايح قبل امشي لاتهاوشوا اخوانكم واحترموا امهاتكم واذا وحده دقت علي وقالت مايسمعوا الكلام ماراح اجيب لكم شي
وسجلت ايش الي يبغوه وقالو لي اخبيها فب مكان اذاحصلتهم نايمين
ركبنا مع سايق توصيل سعودي
علي وسطام قدام والباقي ورى
وكان الله يصلح حاله حاط اغاني
واناماقدرت افتح فمي بكلمه
لكن هيهات عزوز يسكت
عزوزبصوت عالي:يمه حاط اغاني
وانا ساكته
عزوز بصوت اعلى
يمه شوفي هذا حاط اغاني
حرام الله يحطه بالنار
وقام يسكر اذانه بيده وكل الاطفال سوو مثله
السايق انحرج وسكر التسجيل على طول
(واناكاتمه ضحكتي وعاجبني الّي سواه عزوز )
دقايق وبعدها طلّع السايق بكت دخان
لو الحيا تكلمت مابيه يسوي ذا الشي قدامهم وانا شايفه نظرات علي وسطام متجهه للسايق
واول ماعزوز شم الريحه :يوه بعد دخان حرام الله يحطك بالنار انت ماتفهم
يمه شوفيه غبي قولي له يمه حرام حرام
(فديت عزوز ههههه)
وعلى طول رمى السايق الدخان
وبقلبي اقول السايق ذا بيتوب بعد كذا يمر من قدام شارع الجمعية بعد كذا
وصلنا ونزلنا واعطيت علي يدفع عشره للسايق وراح
اعطيتهم نصايح محد يبعد عني والالعاب راح نلعبها كلها الالعاب هناغالية ارخص لعبه سعرها للشخص الواحد6 ريال وهي للاطفال الّي تحت سن 6سنوات والالعاب الباقيه ب12ريال وانا جايبه 6من الايتام وسبق وقالو لي البنات انهم راحو يكلموا الاداره عشان يسمحوا يلعبوهم مجانا"أو يخفضوا السعر عشان نقدر نلعبهم لكن رفضوا قالوا بس التأهيل الشامل مجانا"(مااعتقد السوق راح يخسر ولا الآله راح تخرب وتنكسر لو لعّبوا طفل يتيم مجانا" !!!)
المهم كان معي 500ماخذتها سلف 350لعب ومشتريات والباقي عشى خفيف
لعبوا وانبسطوا وخلصت فلوس الألعاب
بحور:تعالوا نجلس عشان نطلب عشى ايش تبغو بيتزا ولابرقر
سطام:لايمه مانبغى نبغى نلعب
علي:ايوه يمه
بحور:ياماما خلاص ماعاد بقى الا فلوس العشاء
علي:مانبغى نتعشى تبغو تتعشو ولاتلعبو
كلهم:نلعب
(مستحيل احرمهم من الوناسه بس لازم يتعشو طاحت عيوني على اسم محل وعرفته على طول وجت في بالي عبير)
عبير وحده من صاحباتي تشتغل مندوبه لنفس الشركه والدها توفى قبل ثلاث سنين
بحور:مرحبا عبير
عبير:ياهلا بحور
بحور:اي نعم
عبير:كيفك ياشيخه كيف دنياكي
بحور:تمام الحمدلله عبير احتاجك بخدمه
وحكيت لها القصه
بحور:ابيكي تكلمي الشركه يعطوني 200من نسبتك عندهم وانا نهايةالشهر ارسلها لكي
عبير:ابشري والله دقايق وادق عليكي
انتضرتها
ورن جوالي
عبير:بحوره روحي المحل وخوذي المبلغ ووقعي على اوراق سند قبض
بحور:الله يجزاكي خير مشكوره عبير نردها بالافراح انشاءالله
عبير:تسلمي بحور متى تروحون
بحور:ساعه ساعه ونص كذا
عبير:خساره كنت ابجي واشوفهم ياالله الجايات اكثر
بخليكي الحين واذا روحتي اتصلي احتاجك
بحور:على خير ان شاءالله
الساعه 9 اكون في البيت 9ونص اتصلي
عبير:اوكيه خلاص
رحت المحل ووقعت واخذت المبلغ ورجعت لعيالي الّي اول ماجلست وقبل اتكلم قاموا وحبوني على راسي واحد واحد!!!
علي:شكرا" يمه
بحور:عفوا" حبيبي بس على ايش
سطام:انتي دقيتي على صديقتك واخذتي فلوس على شانا
بحور:فديتكم ياالله طيب قدامي نكمل لعب وبعدها نطلب عشى لنا ولأخوانكم خلاص
الجميع :ايوه
خلصنا وصلنا البيت على 9الاربع دخلت اشوف عيالي نايمين بوستهم واحد واحد وحطيت لكل واحد تحت مخدته هديه استودعتهم الله وطلعت ابي طلّول اخذته وجلست واناتعبانه ومكسره تكسير لكن التعب كله راح بابتسامه وحده من طلّولي
جاء الباص ورجعنا لبيوتنا
وسلّمت على اهلي وبعدنص ساعه جوالي رن(عبير تتصل بك)يوه نسيتها دخلت جوا
ورديت عليها
بحور:هلاوغلا
عبير:هلابك هاه كيف عيالك
بحور:تمام فديتهم تصدقين عبير ودي انام عندهم على طول
عبير: هههه يابنت خفي شوي ارحمي حالك
بحور:صدقيني عبير انا اول كنت اقول مافي شخص عاش الهم والحزن مثلي شوفي كم صار لي سنة وانا ادور على وظيفه كم صار لي سنة وانا اعاني من وقت الفراغ والملل والضيقه
صدقيني عبير كل شي راح عني من اول ماعرفت هالاطفال رجعت بحورالاولى البشوشه صرت احكي للناس الّي اشوفه
واسمعه اخاف تضحكي على كلمتي احس اني صايره عضو فعال في هالبلد
عبير:ياحياتي كلك خير وبركه آآه يابحور لاتشكي لي عشان ماابكي لك والله للآن فاقده ابوي الله يرحمه لوكان عايش ماكان ذا حالنا
بحور:عبير اسمعيني هذا شي مقدر ومكتوب مالنا اعتراض على قسمةالله وكلنا ماشين بنفس الطريق وان شاءالله بنجتمع في جنةالفردوس الحزن مايرجّع شي انتي مسؤله عن اخوانك واخواتك لاتبيّني الضعف قدامهم ازرعي فيهم الخير
عبير انتي فقدتي ابوكي
وفلانه فقدت امها
وفلان فقدهم الاثنين
ترى حالكم يهون جنب غيركم
لاتطالعوا فيني صدق الّي بقوله
مات ابوك ولا امك ولا الاثنين
لك اسم لك عايله لك قبيله معروف نسبك فلان بن فلان الفلاني
غيرك لا
لانســـــــــــب
لاظــــــــهر
لاعــــــزوه
ققط
اســــــم
اســـــــــــــــــم فقط هو الي يحمله احمدي ربك واشكريه
عندك نعمه غيرك يتمنى يملكها
عبير:الحمدلله والشكر صدقتي والله من شاف مصيبه غيره هانت عليه مصيبته
الله يجزاكي خير بحوره
بحور:دعواتك ياقلبي
عبير:الله يوفقك بستأذنك بحور بجهز عشى اخواني موتقاطعيني دقي عاد واذا احتجتي شي انا حاضره
بحور:مشكوره ياقلبي ابي سلامتك في امان الله
عبير:في امان الله
قفلت من عبير وانا استرجع شريط حياتي
غريبه كيف هي الدنيا تجمع ناس وتبعدناس...
غريبه احوالهابالحيل تحير من سكن فيها ...
تحاكي من نساهاوراح وانا بالمشاعر جاس...
وتهمل في سؤال الي قضى عمره يحاكيها ...
غريبه ليه تبخل دوم على من حبها بأحساس...
وتجزل في عطاياه لناس مادرو بيها...
غريبه حيل هالدنياصعيبه تكتم الانفاس...
ندراي طبعها لاكن عجزنا كيف نرضيها...
يادنيا كيف نرضيكي وندمح ثورة الهوجاس...
ونوقد بالامل ضيك على دربك ونضويها ...
يادنيا ليه مايكفي على مرك شربنا الكاس...
ولايكفي على ضلمك تحملنا مساويها...
الاياقلبي الموجوع الايافكري المحتاس...
الا وش حيلت العاجزليا زمة بلاويها...
نعم لاباس ياقلبن تجرع بالهوى لاباس...
تصبر واصطبر واصبر عسى بالصبر نبريها...
تصبر واصطبر واصبر عسى بالصبر نبريها....
(شتان بين حياتي قبل وحياتي الأن اول يائسه محطمه والآن كلّي امل وتفائل املي بالله كبير)
هذه الدنيا فلا تهتم.. ابهج ناظريك بألون الطيف تجد نفسك سعيدا.. أدر ظهرك للشئ الذي يتعسك.. ابتهج.. ابتسم.. غيّر من نمط حياتك.. تجد الدنيا تبتسم لك.. اجعل الشئ الذي يكدرك.. من توافه الأمور.. واستخدم الوان الربيع تفتح لك ابواب السعاده

الى هنا اختم الجزء الثاني

اعذروني ان قصرت بداأت بكتابتهايوم الاثنين بتاريخ٢٣/٧ وانهيتها ٢٤/٧
المواقف كثيره اعدكم ان اعطاني الله عمر بان اسعى جاهده لكتابةجزاء كامل
اعذروني ان اخطئت وتقبلوا تحياتي
..أم طــــــــــلال
استودعكم الله الذي لاتضيع ودائعه
بحــــــور
>>>>>>>>>
اتمنى ان تكون القصه حققت الفائده
المرجوه منها..
و ان تكون قد حازت على اهتمامكم

الرجاء التثبيت .. لكي يتسنى للجميع قراءتها
وحصول الفائده
تحياتي
أخوكم/فيصل الروقي