زوجــي و زوجتــي عالم الحياة الزوجية المنتديات الزوجية دليل حواء المميزة و الانيقه اربع سنوات وانا اسأل بنت جيراننا عن سر بياضها !!وأخيرا قالتلي اختها الصغيره عن السر !!برخص التراب
توتو22 ..:: مبدعه و مميزه ::..

بدخل بسالفه ؟؟؟؟؟؟


بنت جيرانا كانت سمرا ملامحها مو حلوه يعني بس مو جذابه ........


وكانت تدرس معي ايام الثانويه ......... المهم بعد سنه جديده الى البنت متغيره



صارة تجنن وبيضه على وردي كان بياضه جنان ........ وشعرها حلو وكثير وطويل بعد ..

ماشالله عليها ............ تخيلو قبل ماكانت حلوه .......ز تعرفون الممثله ميساء المغربي وربي تشبها تقول كانها مسويه عملية تجميل ..........

المهم جاء وقت الطلعه وكانت راكبه معي بالباص قالو صديقاتي اسئليها وش الي مغيرها تمونين انتي عليها علشان بنت جيرانكم

سئلتها ........... قالت ولا شي ماسويت شي بس اكل قلت حنا بعد ناكل اول وحده تقلط على الاكل واخر وحده تقوم ولاصرة مثلك ماشالله

عيت تقولي مدري ليش يادفع البلاء خايفه ناكلها ........ المهم


بعد ماتخرجت من الثانويه .......... وصارة حفله وجت وهي وخواتها الا اختها الي اصغر مثلها انقلب بيضاء مثلها وهم كانو سمر ............ وبعد سنه الا اختها الثالثه صارة مثلهم


ياربي وش الي يقلبهم بيض وحلوات وربي جنان كل ماوحده تكبر وتبلغ تصير مثلهم

الا مره تقابلنا بعرس وجلست اسولف معاهم الكبيره ماعلمتني وش الي قلبها كذا بس سئالت اختها الي اصغر منها بالعرس وقلت لها وش الي قلبكم كذا حلوات

تدرون وش قالت لو اقولكم ماتصدقون


قالت ........... الحلبه

قلت الحلبه وع ............ قلت الحلبه ماغيره..
هي الي قلبتنا كذا كل صبح نشربها مع الحليب لنا تقريبا اكثر من سنه وحنا عليها ...............

المهم طرة طيران وقلت لي امي اشري لي حلبه بشربها .......


امي قالت بسئل حرمه تعالج اخاف الحلبه تخرب البنت ومن هالكلام ........

جراتنا الثانيه معالجه تعالج .......... راحت لها امي وقالت لها بنتي تبيي تشرب الحلبه

انها تبيض ومن هالكلام بس خفت عليها تخربها هي تخرب الحلبه قالت الحرمه لا ماتخرب الحلبه الحلبه زينه

انا اشرب بنات حلبه كل صبح ولا وقت المغرب براد حليب وحلبه

عاد بناتها ماشالله وربي والي خلقني كلن تقول البياض عندي ............ وجسامهم وحده نفس الجسم هم ثمان بنات .......... بياض وشعر طويل فوق الركبه بشوي وكثير قسم بالله والي خلقني من زود بياضهن وطول شعورهن وجمالهن حتى ال سعود جب يخطبونهن

عاد امهن تقول لي امي لولا الحلبه ماشفتي بناتي كذا ............

عاد تقول انا قلت لي فلانه تشرب بناتها حلبه الي هي ام بنت جارتنا الي اترجاها تعلمنيني وش سر انقلابها

وامي من درة ان الحلبه تسوي كذا على طول من الحرمه الين العطار تجيب حلبه

داخله علي بكيس وش كبره من الحلبه


انا لي اسبوعين وانا اشربها كل صبح ولا وقت المغرب حليب بحلبه


وربي احس شعري خف التساقط واحس طلع لي اخدود ........... انا بيضه بس احس فتحت شوي عن بياضي الي قبلي ابستمر عليه ماني تاركته

تقولون في ريحه وربي مافي ريحه الي تنظف كل يوم وتعطر بعطور مركزه .......... اما الي ماتنظف وتقول في ريحه مالومها يوم تقول


السمنه ماشفتها سمنتني بس الي تبي تشربها وتخاف على انها تسمن تسوي حمام سونا كل اسبوع وماتسمن


والي ماهي مصدقتني تروح لي حرمه تعالج وتسالها عن الحلبه

اكثر الخلطات فيها حلبه


عاد انا سويت بحث في قوقل عن فوائد الحلبه وربي طلع فوائدها جنان


سبحان الله ماينمت شي في ارضه الا وفيه فايده



وبس انتهى سالفتي 00000منقول

__________________

منقووووووووووووووووووووووول
محبتكم توتو22

القلب المرح ..:: عضو مميز ::..

يسلموو بس والله انا سامعه من كم وحده ان الحلبه تسمن بالذات الصدر يكبر
بس انا راح اجربها مو من شان اصير بيضاء لأني بيضاء الحمدلله
بس باشربها لأنهم يقولون حلوه للي تبغى تحمل
انا اكرهها الحمدلله بس ايش بلاك على المر قال اللي امر منه

توقيع
يااارب أرزقني الذريه الصالحه ولاتحرمني رضاك ثم رضا والديّ وزوجي إنك سميع عليم،،
{ربي لاتذرني فردا وأنت خير الوارثين}
اعشقه بصمت ..:: جديد ::..

جزاك الله خيرا

ملكه احساس ..:: جديد ::..

يسلموووووووووووووووا على الموضوع الحلو

توتو22 ..:: مبدعه و مميزه ::..

سرني مروووووووووووووووووركم الحلووووووووووو....شكرا لكم...


Powered by: vBulletin
 ©2000 - 2024, Enterprises Ltd.
المنتدى برعاية مميزون العرب للخدمات الرقمية
www.z777z.com
Adsense Management by Losha
( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )
جميع الحقوق محفوظة زوجــي و زوجتــي عالم الحياة الزوجية
جميع الحقوق محفوظة زوجــي و زوجتــي عالم الحياة الزوجية