تعودني عليك أيام ابد ... ما أفارقك ليلة
وإذا عنك أروح اليوم ... أقولك نلتقي باكر
أنا ما ودي اشكي لك!! ... لكن قلة الحيلة
أليمة غيبتك والله أنا ... على البعد مو قادر
يا شين الوقت من دونك ... دقيقة كأنها ليلة
وش يصبرني وأنا اغليك ... ومثلك في البشر نادر
تعلق قلبي بقلبك ... يسولف له ويحكي له
تدلل..قول..بس اطلب ... وإنا بقول تأمر
أنا مدري إذا قلبي رفض يصبر ... شسوي له
تخيل حالتي بعدك أنا ... تحطمت على الآخر
اكلم نفسي في غيابك وألوم ... القلب و اشكي له
اصبر نفسي بالقوة واقضي ... الليل انا ساهر
أنا أتمنى قبل لا يروح يلمس ... دمعي بمنديله
أبيه يحس بإحساسي أبيه ... يقول لي تأمر
وأقول بصوت به شهقة ... غليتك موت " يا عمري "
يا قلبي اذ اخذ قلبي ... بوسط عيونه يشيله
وأنا أصبحت في بعده حزين ... واكــــسر الخــاطر
:222: