بنك الحب ..:: ذهبي ::..

فديتك ياهوى نفسي مع الشدات خاويني
فديتك لاقسى وقتي علي وناحت أشجاني
**
أبيك في لحظة الفزعه تحط يديك بيديني
وأبيك لياشكيت الياس تكون بساحة أوطاني
**
أبيك البلسم لجرحي وأبيك النوم في عيني
وأبيك اللي ليامني صحيت ألقاه بأحضاني
**
طلبتك يابعد ذاتي أماااااااااانه لاتخليني
تراني لو رحلت أبقى ضحية كيد عدواني
**
سألتك بالله الواااالي سألتك لاتجافيني
لأني أمووووت بغيابك ياروحي وجثماني
**
معي واصل مشاويرك أواسيك وتواسيني
معي إبقى مثل ظلي حذااااري لاتعداني
**
أبي منك الوعد إنك على غيري تبديني
وأنا هذا وعد مني ماأبيعك وأشري الثاني
**
وإذا بلسانك الصادق نطقت وقلت تغليني
أنا بأعلن خبر عاااااجل تعالوا إقروا إعلاني
**
أبكتب داخل الإعلان إلى من صار يغليني
إلى قلبي إلى عمري إلى من صار يهواني
**
إليك أهدي نغم شعري وكل عرق نبض فيني
وإليك أهدي شذى عطري وياسميني وريحاني
**
وأبكتب داخل الإعلان وصيه كان شاريني
معي بالطيب عاملني ولاتجرح بهجراني
**
ومهما تقسي الدنيا علينا لاتعاديني
ولاتسعى أبد في يوم في عندي وعصياني
**
أبيك دكتور لآلامي من أحزاني تداويني
وأبي لاكفت أبصاري تكون النور لأعياني
**
وأبي لافاضت أنفاسي تكون أول معزيني
وأبيك بيدينك الثنتين تلف الجسم بأكفاني
**
وبعد ماأكون في قبري تذكرني وتبكيني
وأكون حزن على بالك ماتغفل وتنساني
**
أبي لاقالوا العذال وش اللي بينك وبيني؟
تبسم وتدمع عيونك من الحسره وفقداني
**
وتجاوبهم إني حي وبالأضلاع تخفيني
وإني سلوة الخاطر معك لاصرت وحداني
**
أبيك تقول هو مامات أحاكيه ويحاكيني
أبيك تقول هو موجود وخبيته بوجداني
**
أبيك تقول هو دمي اللي في شراييني
لأنك دمي اللي كان يضخه عرق شرياني
**
وأبي لازادت جراحك تخيلني وتناديني
وتفتش داخل شعورك وتهمسلي وتلقاني
**
وإذا طال السفر إقرا كتاباتي ودواويني
وقل ياكثر ماخلي كتب لي شعر وأهداني
**
ترى لو للقصيد عيووون والله ماتقديني
لأني للقصيد عيون وإسمك رمز ديواني
**
وترى لو للحروف أهداب تعجز لاتغطيني
لأني للحروف إيحا ووحيك سر لإذعاني
**
تداركت الزمن يمك الا ياليت يمديني
أخاف أجيك متأخر وسيف الوقت ياطاني
**
نسيت من أجلك الصادق اللي الروح يعطيني
ونسيت الأول والآخر والقاصي مع الداني
**
وجاري المسح للباقي وأنت اللي تكفيني
حرام أحط معك غيرك وأحبك وأظلم الثاني
**
كفايه أنت في دنياي أمل باقي يسليني
أمل صوته إذا ضاع الأمل ألقاه بأركاني
**
كفايه همسك الحاني إذا جاني يدفيني
ويبدد وحشة ظروفي وتشرق فرحة أكواني
**
تراك بعالمي شمعه تبدد ظلمة سنيني
وتراك بدنيتي دنيا لها لون وشكل ثاني
**
ودنيا" مابها حسك ماأبيها وعمرنا فاني
أنا سميتك الدنيا وأنته وش تسميني؟

ج ـــلــنار ..:: نائبة المشرف العام ::..

الله عليك وعلى روووووووعة اختيارك أخوي بنك


كلمات رااائعه الله يسلم ايديك ويعطيك العاااااافيه ياااااارب

توقيع
سبحان الله وبحمده
ميمي التميمي ..:: مراقبة عــامه ::..

مبدع يابنك رااااائعه تنضم لرواااائعك التي تتحفنا بها دووووم .

يعطيك العافيه على إختيااااارك الرااااقي رااااقت لي .

توقيع
بنك الحب ..:: ذهبي ::..

اميرة الاحلام الف شكر اختي ع المرور والطلة المميزة في صفحتي

بنك الحب ..:: ذهبي ::..

ميــــــــــــــــــمي التميــــــــــــمي عطــــــــــــــــرتي صفــــــــحتي بمروركـــــــــ وعسى ربي يسعدك

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

Powered by: vBulletin
 ©2000 - 2024, Enterprises Ltd.
المنتدى برعاية مميزون العرب للخدمات الرقمية
www.z777z.com
Adsense Management by Losha
( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )
جميع الحقوق محفوظة زوجــي و زوجتــي عالم الحياة الزوجية
جميع الحقوق محفوظة زوجــي و زوجتــي عالم الحياة الزوجية