يا مغروره عسى ما شر .. علامك شايفه حالك ؟
ابي افهم انا حاجه على ويش انتِـي مغـروره ؟
اذا غرّك كثر مالك .. نصيحه حطّي فـي بالـك
ترى اللي يتبـع الدنيـا اكيـد اخطـاه معثـوره
ترى قارون من قبلك عقب ملكـه غـدا هالـك
لزوم الحـال تتبـدّل بعـد مالحـال مسـروره
واذا من حسنك وزينك غرورك صابك وطالـك
ترى اللي خالقك حلوه خلـق مليـون سنيـوره
حسافه وقتي الماضـي يضيـع برفقـة امثالـك
خساره صورتك كانت بوسـط القلـب محفـوره
ترى ما عدت لـك فـارس ولا بكـون خيّالـك
وترى منتي على حبّـي بعـد هاليـوم مجبـوره
يا مغروره على فالي ابمضي وانتي فـي فالـك
واذا عندك حكي ثاني كفايه هـرج مشكـوووره
ترى تلقيـن فـي دربـك مـع الايـام اشكالـك
تعشقيـن ويعشقونـك وكـلٍ يـبـدع بــدوره
على احـلام وهميـه خفوقـك يرسـم آمالـك
إليـن تفـزّي بليلـه مـن الاحـلام مـذعـوره
تعزفيـن الالـم نغمـه يكـون الحـزن موّالـك
تعيشيـن العمـر تاليـه ندمـانـه ومقـهـوره
بخلّي قصّتـك قصّـه واشمّـت فيـك عذّالـك
وانا بمضي على فالي وابلقا ( 1000) سنيوره
!!
العرض العادي
