طريقه رائعه للزوج اذا قال بيسافرلحالي - زوجــي و زوجتــي عالم الحياة الزوجية

تملكني غلاك ..:: مشرفة المنتديات الإسلامية ::..

طريقه رائعه للزوج اذا قال (بسافر بروحي)
الطريقة المثالية للتعامل اذا قال الزوج <بسافر بروحي سياحة>

اغلب مشاكل البنات في هذي النقطة ... وفي منهم اللي تقوووول
عاااااااااااااادي مع انها تدري انه زوجها بيروح لبلد كله فساااااد .... وفي منهم تقوم الدنيا ما تقعدها وممكن توصل للطلاق .....

انا بتكون نصيحتي لكم مطابقا للمثل القوي المتوارث من عهد اجدادنا اللي

يقول <واجه جبل ولا تواجه رجل> ....

اذا جا زوجك وقال والله انا مسافر لوحدي مع الربع تمشية ..<شنو تسوين ؟؟>. في هذي الحالة لا تردين عليه ولا تعلقي خاصة اذا كنتي عارفة

انه رايح لبلد كله فساد ...وفي نفس الوقت لا تزعلي منه ....يعني خلي شعورك غااااااااااااااااااااامض ..... خلي شعورك مخفي ... لا تبيني أي علامات فرح او زعل او غضب على وجهك ..... لا تجي وحدة وتسوي فيها
نشمية وتدق صدرها وتسوي الزوجة المثالية .... وتقول مع السلامة يا حبيبي ترجع بالسلامة وتقوم تجهز له الشنطة والله بتندم على نشامتها

<هذي والله بتتكفخ مننا> لأنك انتي بطريقتك هذي والله كأنك تعطيه الضوء الأخضر اللي من خلالة ممكن يتمادى خاصة اذا كان راعي بنات ومراقص

وغيره ...وحتى اللي واثقة من زوجها ثقة عمياء لا توسع صدرها وتبتسم ابتسااامة عريضة وتقول له مع السلامة لأنه الشيطان للحين حي ما مات . ...

وفي نفس الوقت لا تتطاقق وتعصب وتقط التلفون وتكسر الطاولة وتلم الجيران؟؟...مثل ما قلت لكم خلوكم مبهمين ... خليهم يحتارون في شعوركم .. خليهم ينشغلون فيكم شوية .. لا تظهري مشاعر الفرح والحزن على وجهك ... اوكي يا حلوين ؟؟؟ يعني خلاصة الموضوع امسكوا العصا
من الوسط لا افراط ولا تفريط <بنزلكم امثلة>

وانا اقولها لكم في كلمتين .. والله اللي تزعل من زوجها وتبكي وتنكد وبعضهم يحشروا اهاليهم .. اقولكم منتوا ربحانين من الموضوع شيء غير نكد واهدار اعصااااااااااااااب وفضيحة ومدري وشو؟؟؟ وفي النهاية
بيسافروا ..وليه هذا كله ؟؟؟ عشان بيسافروا؟؟ بالله... ا

ابسألكم بالله اذا

زوجك مفوت صلاته او متهاون فيها راح تزعلوا نفس الزعل وتتطاققون ..؟!

وتكسرون؟؟؟ ولمن يسافرون تسون الهوايل ؟؟ يعني المسألة ماهي مسأل’ دين وعقيدة ... المسألة حب امتلاك وعدم تفريط

والله انه اغلب الازواج اللي حريمهم زعلوا وانقهروا ...هم اكثر الرجال اللي سافروا وعاندوا ومشوا اللي في راسهم وأولهم زوجي صديقتي سافر عنااد

فيها.... يعني لا تتعبين قلبك وعمرك على شيء ما يسوى .. اذا هو
خاين ...طيب من ربه ؟؟؟ انتي ؟؟؟ لا طبعا ربي وربك هو اللي يحاسبة .....

الجنة والنار بيد الله مو بيدك .... واللي من جد من جد تغاااااار على زوجها وتحبه وتخاف عليه وما تبيه يسافر ... تستغفر بينية انه ما يسافر وتدعي ربها كل ما افتكرت الموضو ع ... مو لازم تمسكين السجادة وتنطرين الثلث
الاخير في الليل وتتوضين وتستقبلين القبلة؟؟ لا يا حبايبي المسألة اسهل من كذا بكثير ...من قال لا اله الا انت سبحانك اني كنت من الظالمين ودعا بعدها بأي دعاء استجاب الله لها ... ومن سأل الله بأسمة العظيم اعطاه ..

يعني

وانتي قاعده على كنبتك وتذكرتي الموضوع قولي <اللهم اني اسألك بأسمك العظيم اللذي اذا سألت به اعطيت واذا دعيت به اجبت ان تشتت فكرة السفر عن زوجي وتباعد بينه وبين السفر كما باعدت بين المشرق والمغرب> <A

والله يا بنات المسأله بيدنا احنا ... مالك شغل بزوجك خليه يخطط ويشتري
ويجهز ويحجز ... وانتي قوي علاقتك بربك هو يحجز من هنا وانتي شدي حيلك من هنا وادعي بكل شيء تحبيه ... والله
والله يا بنات زوجها كان يسافر عناد فيها لأنها كانت تزعل منه بس يوم عقلت وهدت وقالت من جد ا شفيني انا ما اقوي علاقتي بربي؟؟؟ حتى يا بنات لو عندكم ذنوب كثيرة وتجي وحدة وتقول امكن ربي ما بيستجيب
لي ...ليش ما يستجيب مو انتي مسلمة؟؟ ادعي وما يهمك ترى ربي عنده

99 رحمة ورحمة واحدة وزعها بين عبادة من خلق ادم الى قيام الساعة ...

وترى الدعاء مخ العبادة .... المهم نرجع لموضوع زوجها...بعد ما سافر السفرة الاولى قعد زوجها سنتين ورى بعضها بيلمح لي ويقول بسافر مع ربعه طبعا تقول انا ما رديت علية وغيرت الموضوع وقلت سمعت اخر نكتة
<عشان احسسه اني مو زعلانة> استغرب مني .... بعدها بكم يوم عاد نفس االموضوع ... وما رديت علية وقلت له : الله يعافيك ارفع صوت التلفزيون هذي الحلقة ما تابعتها ... بعد حسيته صار يفرفر ... <ترى الغموض والله
روعة كأنكم توم اند جيري> <

ومرة عاااااااااااااادها وانا في السياااارة .. مارديت عليه وقلت : بالله لا تسرع على مهلك والله يرزقنا حسن الخاتمة <دقة فيه> وسكت زوجي طول الطريق اظنه يفكر..... يعني ممكن يا بنات تقطون كلمة على الطاير تذكير
بالاخرة .. حطوا مية خط
تحت كلمة <ارموا كلمة على الطاير >مو تقعدون قعه رسمية وفيها كل انواع
السب والشتك بينكم ؟؟ لا لا انتبهوا

المهم ارجع لقصتها ... وصارت تستغفر في اليوم لا يقل عن 100 مرة
وتدعي الله ان كان سفره فيها محرمات ومعاصي انه يباعد بينه وبين السفر

ويشتت موضوعه ... والله يا بنات جات اجازته وخلصت وما سافر ولا
فتح الموضوع معاي ولا انا اصلا سألته <لأني مسوية اني مو مهتمة> والى
الان ماني عارفة ليش بطل .... المهم والسنة اللي بعدها قال بسافر مع
ربعي ... شوفوا يا بنات هو زوجي عارف اني ما احب سفر الشباب
بروحهم ولكن ظليت ساكتة بدون ما احدد موقفي ... مما خلاه يحتااااااااااااار <

المهم السنة اللي بعدها عاد نفس الموضوع وخلاص حجز ورتب كل شيء هو واخوه وربعهم .. وانا والله شديت حيلي بالدعاء .. لمن جاء وقت السفر وكان السفر في الصباح وقال لي في الليل يالله اتجهزي عشان
تروحين انتي والعيال عند اهلك <في شي سويته قبل ما اروح عند اهلي بذكرها لكم بعد شوي> المهم وجهزت الشنطة ورحت عند اهلي ... وراح ينام عند واحد من اخوانه في لأنه خلاص الرحلة الصبح ... وجاء ثاني يوم واتصل علي العصر ... وقلت له وينك؟؟؟ قال ما سافرت <سبحااااااااان الله> وقلت ليش: قال اخوية نسي بطاقته بالبيت
وكلهم بطلوا ... شفتوا انه ربي اقوى مني ومنكم .. والله وجاء زوجي اخذنا ورحنا اتمشينا واستانسناا ..

لأنه السفرة ما اتفركشت بسببي لا اتفركشت من الله .. عشان كذا انا مالي ذنب ... وعشان كذا وكلوا امركم لربي

والله يا بنات .. اذا الزوج بيسافر خلاص الله يحفظة واستودعيه كل يوم وكل شوية كل ما جاء في بالك قولي <اللهم اني استودعتك زوجي يامن لا تضيع ودائعة فأحفظه عندك> والله يا بنات ربي يحفظ عينة واذنه وفرجة عن
الزنا ... وبيني وبينكم ما فيها شيء اذا الزوج راح يتمشى مع ربعه انا كنت نفسكم في البداية ارفض الفكرة ... لكن اكتشفت انه السفر يرفع من معنويااااات الزوج والله يجيكم الزوج كله حيوية ونشاط .. يكفي انك ما نكدين عليه .. يكفي انك ما خربتي عليه ... يكفي انك ما عاندتيه ... وربي يا بنات لو ربي كاتب له يسافر راح يسافر غصب عنك وعن اهلك ...

فالوحدة تاخذها براسها من البداية لا تقولوا دايما لأزواجكم <لا لا لا لا لا >

بكذا تعودوا ازواجكم انهم دايما يكسروا كلامكم .. في مثل يقول <اذا اردت
ان تطاع فأمر بما يستطااااع>

يعني الوحدة لا تسوي قوية وتتفرعن على

زوجها وهي عارفة انه ما يخاف شعرة منها .... نفس ما قلت لكم يا بناااااااااااااااات اذا فتحوا موضوع السفر .. مافي زعل مافي فرح ....عاااااااااااادي يعني لا تنكدين ولاتستانسيت ... اوكي ....؟؟؟؟

في نقطة حيل مهمة مهمة جدا ... وهي اللي اول قلت لكم بقولها بعد شوي .... اذا جاء وقت سفرة وخلاص صار الموضوع
جاااااااااااااد ..... هنا امسكي زوجك من الايد اللي توجعه ... قولي له المرة الثانية بسافر <اختاري أي دولة نفسك فيها> طبعا هنا عشان لا تزعلين وتنكدين عليه بيقولك ان شاء الله ... انتبهوا تختارو ا <استراليا> يقولوا :
اشفيها هذي تستهبل؟؟ لا يا بنات دوله يعني تحسين انه في مقدوركم تروحون لها .. وطبعا مو كل الرجال يوافقون على هذا الطلب ..... بعضهم ما يعطي رد او خبر .. عادي يا حبيبتي لا تزعلي ترى المسألة ماهي فيفتي فيفتي ..

كل شيء بالنص ؟؟ عادي اذا رفضوا يسفروكم ترى ما انتهت الدنيا عند كلمته ... في شيء اسمه استغفااااااااااااااار بنية تلين قلب الزوج عليك ...

والله يا بنات بالاستغفار تقدرين تحصلي على كل شيء كل شيء ... اوكي؟؟ <

يعني اذا قالك مافي سفر ... بدون ضيقة خلق .. اصلا اذا قال لا <وربي كاتب انك بتسافري ... راح تسافري ...عشان كذا اقولك قوي علاقتك بربي>

المهم النقطة اللي بعدها ....في الفترة اللي يقول زوجك فيها بسافر .. قولي بعدها بكم يوم نفسي في جوال الفلاني ...نفسي في العطر العطر الفلاني عاد هو ومرؤته ....واذا شاطر بيفهمها وهي طايرة <اصلا عقدة الضمير بتخليه يحيب لك> وبعضهم بصراحة ماعندهم ميزانية يجيب لها جوال او عطر ...

يعني لو اخذك مطعم او حديقة جزاه الله خيرما زال يثمر فيهم العشرة و كل واحد على قد ميزانيته ... وبعض الرجااااااااااااااال مفوتين تفكيرهم بطيء ...ما يفهمون بسرعة .. هذولا يبيلهم تشدون عليهم بالدعاااااااااااااء ....
والله يا بنااااااااااااااات مثل ما قلت لكم .. كل كلامي هذا من خبرة وتجارب وقراءة كتب ودكاترة علاقات زوجية من كل شيء استفدت منه قلته لكم ...

اغلب الرجال سواء شرقي او غربي او حتى قطبي هههههههه ... بيناسبهم الزوجة الغامضة اللي ما تعبر عن فرحها وحزنها ... ويكرهون الحرمة اللي تخرب عليهم لو كان حبها واصل السماء ترى النكادة تكره الرجال في
الحرمة ... وفي نفس الوقت لا تدعسي على كرامتك واطلبيه فلوس او أي شيء قبل لا يسافر يأمن لك انتي وعيالك مو عشان شيء بس عشان يحس بقيمتك انتي وعيالك ... واذا ما اعطاكي مو تسوي فيها مشكلة لا بس اهم

شيء عرف انك تطلبي وتاخذ ي وتدلعي نفسك .. واذا ما اعطاك الحين بيعطيك بعدين ترى الصبر حلو وانا اختكم ... واللي ما تقدر تتحمل زوجها يسافر مثل ماقلت ما قلت لكم دعاء واستغفااااار وتفرج من عنده... بس اهم شيء ما يكون في احتكاك وشرارة بينك وبين زوجك .... واذا سافر ترى ما بتقوم الساعة .... وامكن يكون باب فرج لكي انتي وهو ومن
بعدها ما يفكر يسافر الا معاك

جربوا كلامي ... امكن تجيب نتيجة مع أي وحدة فيكم