الحمام المغربى

--------------------------------------------------------------------------------

الحمام المغربى يعتبر من اجمل انواع تنضيف الجسم والتخلص من الخلايا الميتة المتراكمة على الجسم واستخدامة باستمرار بيفتح البشرة ويوحد لونها بصورة رهيبة واهل المغرب بيداموا على الحمام كل اسبوع ولكن عندنا بيتعمل فى مراكز التجميل واغلب اللى بيعملوة العرايس علشان اسعارة بتكون غالية وانا اليوم هقولكم على طريقة الحمام المغربى باسهل الطرق واسهل المواد المستخدمة وهنستخدم اكتر من بديل للمنتجات المستخدمة اللى بتجيب نفس النتيجة ويمكن احسن كمان وبلاش نجرى وراء اعلانات مراكز التجميل اللى هدفها الربح فقط يعنى لما يقولون ماينفع تستخدمى غير الصابونة المغربية السودة اللى تمنها غالى ... هذا كلام المراكز التجميلية اللى هدفها الربح المادى بس المهم هنعمل اكتر من طريقة والله لافرق حتى اسالوا مجرب ونشوف المكونات اللى نحتاجونها للحمام المغربى

المكونات

ليفة مغربى تباع فى الصيدليات على شكل جوانتى وفى الدول الخليجية نوع من بودى شوب ايضا جوانتى او قفاز ايضا نفس النتيجة والناس اللى معندها فيه طريقة رخيصة ونفس النتيجة وممكن تكون احسن كمان العطار اللى هتشترى منة المكونات قوليلة اريد قطعة خيش من اللى بيحطوا فية العطارة عارفينة الخيش البنى المهم تجبيها وتخيطيها على شكل مربع مزدوج علشان تدخلى ايديكى جوا
الصابون المغربى السايل يباع عند بعض العطارين المشهورين هو اسمة صابون مغربى سايل حبايبى اذا ماوجتوة ماهو مشكلة كل مراكز التجميل ماعندها وشوفوا بيستخدموا اية هاتى صابونة لوز او صابونة زيت زيتون او صابونة بابايا او صابونة كركم كلهم عند العطارين المهم ابشروها فى المبشرة اليدوية عارفينها الخاصه بالبصل ايام زمان المهم بعد البشر هاتى الصابون وحطية فى عاء وعلية نص كوب ماء ورد واتركية طول الليل الصبح حطية على النار شوية وقلبى لغاية الصابون ماتلاقية زى الكريم بالضبط
قطعه ورق من عند اى عطار واطحنيها لغاية ماتبقى زى البودرة فى مطحنة الخلاط لو ماوجتموها مطحونه قولى للعطار اريد نوع حنة سايب يكون صافى ماتخفين العطارين لما يعرف انك فاهمة يعطيك طلبك من غير غش بس الاول اطلبى قطعه الورق الناشفة موجودة عند العطارين الكبار
عصير اربع لمونات واى حمام كريم لشعرك زيت طبيعى بيو بوينت اى نوع بتستريحيلة بس انا بفضل زيت زيتون وزيت خروع وتدفيهم على النار علشان الشعر يشربهم وكمان بونية محكم للشعر
اى مرطب للجسم انا بفضل كريم جليسوليد الاحمر الاصلى هو جلسريين مجمد واعصر عليها لمونة للصغيرة ولمونتين للكبيرة او جلسريين شفاف وعلية لمونة او بيبى جونسون اويل طبعا انا بقولكم الحاجات اللى فى متناول ايدينا وبتجيب نفس النتيجة واحسن وصدقونى العلب المستوردة اللى فى مراكز التجميل جواها حاجات طبيعية مخلوطة بجزء من الكريم
حجر للقدم يباع عند العطارين او فى طبى فى الصيدليات اللى يريحكم يا بنات استخدموة
طريقة الحمام المغربى بالتفصيل
اولا افتحى الدوش فى الحمام على الماء الساخن جدا واقفلى الابواب والشبابيك علشان البخار وادخلى الحمام وانتظرى حتى يملؤة البخار اعملى حمام الزيت او الكريم لشعرك والبسى البونية وخدى بالك ماتخلين زيت حمام الشعر ينزل على جسمك وانتظرى 10 دقايق فى البخار علشان المسام تفتح واملى البانيو بالماء الساخن وانزلى فية ربع ساعة لو ماعندكم بانيو افتحى الدوش ربع ساعة على جسمك وبعدين اطلعى من البانيو وهاتى الصابون اللى عملناة السايل وحطى علية عصير الليمون و البودرة اللى طحناها واخلطيهم وادهنى جسمك كلة بالصابون واقعدى نص ساعة فى الفترة هذى اعملى ماسك للوجة اى ماسك بتستريحيلة وبعد النص ساعة ادعكى الصابون من جسمك بايديكى بغير الليفة بحركة دائرية فى اتجاة القلب يعنى لاعلى ادعكى جسمك دائريا لاعلى وبعدين انزلى تحت الدوش الساخن واغسلى الصابون وبعدين بالليفة المغربى ابداى فرك الجسم جزء جزء بحركة دائرية بالضغط على البشرة ولكن بلطف ايضا لاعلى فى اتجاة القلب لتنشيط حركة الدم وتدفقة ولزيادة سرعة الاكسجين فى الجسم وبعدين ادخلى ثانى تحت الماء الساخن واغسلى جسمك مرة ثانيه ونشفية وبعدين ادهنى جسمك كلة بالكريم الجليسوليد المضاف الية عصير الليمون او الجلسرين السايل او البيبى اويل وانتظرى ربع ساعة واثناء الانتظار قومى بدعك لقدم والاصابع بالحجر جيدا الجلسريين هيسعدك وبعدين ادخلى تحت الدوش واغسلى شعرك وجسمك وياريت تغسلى شعرك بنوع شامبو خفيف زى بيبى جونسون وسيبى الشامبو ينزل على الجسم من غير استخدام الليفة وبايديكى نزلى الجلسرين الزائد على الجسم وبعدين نشفلى جسمك وشعرك وشوفى النتيجة ولو استمرتى كل 15 يوم على الحمام هذا هتشوفى فرق كبييييييييييييييير جدا فى البشرة وتوحيد لون الجسم واختفاء البقع ويابنات نادى واحدة من اخواتك او مامتك تدعكلك ضهرك بالليفة لو مش طايلة وهتشوفى الجلد الميت وهو بينزل معاكى فى الليفة ........ انا بقول ان احنا نعمل كل حاجة فى البيت لان حرام ان احنا نروح مراكز التجميل وواحدة تعملهولنا لان رؤية المراة للمراة حرام .......