السلام عليكم ورحمة الله وبركاته كيف الصحه يارب بالف خير--------- اول شي انا جديده ومدري اذا موضوعي في مكانه الصحيح اولا بس ان شاء الله في مكانه:clap: انا عندي مشكله اصلا مدري هي مشكله او لا راح اعطيكم نبذه ع حياتي:angry8:اقول اخلصي بس ----- انا متزوجه من 8 سنوات وعمري 20 وعندي بنتين وحياتي الزوجيه الحمد لله جد حلوه بس مشكلتي اني خجوووووله انا اسميها خجل وهم يسموها انطوايه انا راح اقولكم وانتو احكمو والله انا احب الجمعه والوناسه والطلعات بس استحي من الناس الي اول مره اشوفهم يعني ودي تكون عندي صديقاات وجمعااااات بس؟؟؟طبعا الحلو اني مو ع طول يعني اذ طلعت عند احد للضروره اول شي اكون مستحيه وخمس دقايق وخلاص احس انو عادي بس لو جيت بروح مره ثانيه :crying: الله لا يوريكم احس اني راايحه لمكاان مجهول احس بخوف بقلق قلبي يدق بقوه جسمي ينتفض وبس ادخل واجلس وشوي واي احد يبدى يكلمني خلاص ارجع لوضعي الطبيعي يعني اكون رلاكس طبعا هذا الشي مو مسبب اي مشكله لاهلي بس المشكله زووووووجي لنو زوجي له جمااااعه ياااااا كثره جماعه يعني اقاارب وكل اسبوع يسوى جمعه عند احد زوجي عمره ماقالي انتي ليه كذا او وش فيك بس احس او مضااايق من الشي هذا وانا والله ودي اروح معه بس:spying: ونسيت اقولكم انو زوجي الوحيد الي ماخذا برا العايله لنو مصييييبه احد يتزوج من برا المجموعه حشى اسود ماهم بشر:shocked2: يعني متحدي الكل ع شاني فديته انا:sunshade:ودايم يقولو اني مغروره وشايفه نفسي والله ضالميني مايدرو وش كثر اعاني من الشي هذا بتقولو حاولي والله حولت وحولت بس------- انا علاقتي مع اهله تمااااام بس المشكله في الباااقي الي هم عيال العم والخااال والجد والجده مو قلت لكم يبي لهم مدينه بحالهم يمكن تقولو ماعليكم منهم اهم شي زوجك واهله صح بس اهل زوجي مو عندي يعني في مدينه ثاني والبااقي هنا ودايم جمعاات وطلعاات واسترحااات وتخييم يا حضهم:crying: وزوجي اذا قالو له يستحي يقول لا او مقدر اروح مع انو كلهم متزوجين مااااكو عزااب شفتوو اهي اهي والله مدري وش اسوي واوقات يكلم زوجي قدامي ويقول ايه هو الطلعه عوائل او عزااب يعني افهمي وانا:questions2: انا ودي اسال في احد ممكن يكون نفس وضعي او ممكن الاقي حل او نصيحه والف شكر مقدما وسفه ع قرقرتي بس والله ودي الاقي حل
العرض العادي
