بسم الله الرحمن الرحيم "مهما ابتعدت يرجعني الحنين للمنتدى ارجع وانا شايله معي همومي واوجاعي واسئلتي الي لايمكن اطرحها على احد غير كم الى جانب ثقتي فيكم "المهم سبب غيابي اني من كم شهر وتحديدا في شهر 3 غيرت طبيب النساء الي اتعالج عنده والي حاول معي بالكلوميد ومانفع وقال لي علاجي بعد الله في الابر المنشطه وانتو عارفين كيف تستهلك ماديا ؟المهم تركته ورحت لدكتور ثاني وفعلا وصف لي الابر ورفضت وكتب لي الكلوميد ورحت له بعد ماخلص وقال انه حجم البويضة 10 ولكن كنت معه استخدم خلطة سمعتها من كم وحده والله يستر علي من نتايجها وهي "بودرة لقاح النخل مع عسل"كنت اخذها مع الكلوميد وحتى بعد ماخلصته ظليت اخذها شهر كامل المهم في هذي الفترة وبعد ماقال لي الطبيب انه التبويض ضعيف وانه ماراح يعطيني ابرة تفجيرية للبويضة في نفس اليوم رحت وزوجي لمكه واعتمرنا وكانت احلى ايام قضيناها دعاء وعبادة ووناسه المهم رجعت وظليت انتظر الدورة ومانزلت كعادتها تتاخر بس كان عندي احساس اني حامل لكن كنت اكذب نفسي وجتني انفلونزا حادة واخذت ابر ومضادات حيوية وسويت حشوة لاسناني بالليزر يعني كنت شايله من بالي احتمال اني اكون حامل .المهم ظلت متاخرة 13 يوم وهذا عادي بالنسبة لي لكن الالام كانت تذبحني وفي يوم تعبت وكنت بروح للمستشفى اخذ ابرة تنزل الدورة بس قلت يالله بحلل منزلي وفعلا طلع خطين طلعت لزوجي وانا ارجف والله انه حتى الجهاز مانشف من البول "الله يكرمكم" وفرح وحضني لكني كان عندي احساس انه الالامي مو طبيعية وفعلا رحت للطبيب سوى لي سونار وشفت وجهه تغير وقال لي انتي فعلا حامل لكن .................................... وآآآآآآآآآآآآآآآآآآآآآه من لكن عندك كيس كبير على المبيض الايسر ؟وش الي سببه ؟هل لاني مااخذت الابرة التفجيرية؟او الخلطة الي استعملتها ؟ومالقيت جواب لاسئلتي .المهم منعني من الحركه ولبس الضيق وطلوع السلم والجماع .وقال لي ضروري تتنومين في مستشفى وفعلا ارسلني لمستشفى حكومي ورفضو تنويمي بحجة انه حالتي ماتستدعي حسبي الله ونعم الوكيل وحددو لي موعد بعد شهر "شوفو العناية"المهم الامي كانت تصحيني من النوم وامي المسكينة تعودت تجلس على صراخي واذا قالو لي روحي للمستشفى قلت لا ابنتظر موعدي ؟وقبل اسبوع واحد من موعدي جتني الام والله لاتوصف ظنيت اني انشليت كان جنبي الايسر من عند القلب الى القدم مااقدر احركه وكنت اصرخ واقول لاهلي انا خلاص بموت وماراح اوصل للمستشفى وحملوني وخذوني للمستشفى الساعه 5 الفجر واول ماوصلت ابر مهدئة ودخلوني مباشرة للعمليات وقالو المهم انتي اما الجنين مانضمن يعيش او لا ؟وانه الكيس الي عندي التف على المبيض وابتدت تطلع منه افرازات داخل البطن واحتمال نشيل لك المبيض وتبقين بمبيض واحد هنا انا كنت تحت تاثير الابرة المهدئة ووالله ماادري وش الدنيا فية بس اذكر اني كنت اقول لزوجي وقع على العملية انا ابي ارتاح وخليهم ينزلونه والله ماكنت ادري عن شي بس اذكر كان زوجي كان معي لغاية غرفة العمليات وكان يبكي .المهم سويتها وطلعت وانا ماادري وش صار معي وثاني يوم جاني الدكتور نيجيري وماتفهمين له كلمه بس الي عرفت انه قال لي قدرنا نرفع الكيس من على المبيض ونترك المبيض الحمدلله اما البيبي فالعلم عند الله وظلو يعطوني ابر تثبيت وحبوب لانه العملية كبيرة مرة على البطن كامل مثل القيصرية تماما وجلست اسبوع وسوت لي الطبيبه سونار وكان نبض البيبي ياحياتي ضعيف وطلعت من المستشفى بعد اسبوع وطبعا على بيت اهلي وجلست شهر كامل مع المعاناه من تاثير البنج والكحه الي تحرمني من النوم والله اوقات انام وانا جالسه بسبب الكحه لانها تالم كثير مع الجرح .ورحت لمستوصف خاص وسالتها عن تاثير البنج والمضادات الحيوية لاني ظليت آكلها مدة طويله على البيبي وقالت لي انها تاثر عليه اما على تكوينه الجسمي او العقلي "الله يحفظه من كل شر "ورجعت لامي وانا ابكي واقول لها خلاص بنزله لاني خايفه عليه وامي تهديني والحمدلله صبرت واحتسبت وفوضت امري وامره لله وحده.ورحت لموعدي بعد شهر والحمدلله قالت فيه نبض وان شاء الله يكون بخير .والى اليوم وانا في بيت اهلي صار لي تقريبا شهرين .لانه لازال التعب معي وماعندي قدرة اقوم بواجبات بيتي وزوجي المسكين الي صابر علي .ادعو لي وادعو للبيبي محتاجه لدعواتكم وعندي كم سؤال للي عندها خبرة"صار لي اسبوع احس بالم في الجهه اليسرى وبعدها تنزل مني افرازات كثيرة لونها ابيض في البدايه كانت كثيفه مثل الزبادي والان خفيفه مثل الحليب "الله يكرم النعمه"هل هي طبيعية .ومتى البيبي يتحرك وكيف احس بحركته لانه توني داخله الرابع من يومين ؟وهل العملية تؤثر على تمدد البطن مع الحمل او تؤثر على الولادة ؟والى متى يكون الجماع ممنوع ؟"زوجي المسكين تعذب ".ونفسيتي من اشوف زوجي تصير زفت ومااتكلم معه ومااحب اجلس معه او اروح لبيتي ,هل وحامي جاء في زوجي ؟؟؟؟؟؟؟؟الشي الوحيد الي اتفاعل معه اثناء الجماع احس برغبة شديدة لكن اثناء المداعبات وبعد الجماع ترجع نفسيتي مثل ماكانت سيئة "حصل بيننا جماع 3 مرات تقريبا من حملت"انصحوني خايفه ينفر مني بس والله مو بيدي صايره مااطيقه هو واهله ؟والي حملت من قبل ياليت تعطيني من خبرتها. اللهم لك الحمد كما ينبغي لجلال وجهك وعظيم سلطانك .اللهم احفظ لي مارزقتني واجعله سليما معافا كامل الخلقه والخلق واجعله من الذرية الصالحه واجعله قرة عين لي ولوالده وبارا بي وبوالده .اللهم اني استودعك مارزقتني انك تحفظه من كل شر برحمتك ياارحم الراحمين.اللهم آآآآآآآآآآمين