بوصى انا حقولك نصيحه خبيره
اولا لما ابنك يعمل حاجه غلط متزعقيش
دا بيعرفه انك انزعجتى ويمكن يكون دا اللى هو قاصده
كل اللى تعمليه وجربى مش حتخسرى
خدى خطوات ونظرات حازمه باتجاهه
والاهم انزلى بجسمك لحد طوله حتى لو اضطرك الامر انك تقعدى على ركبك المهم ان عينك تبقى فى عينه ومتبرقيش بس بصى نظره حازمه
وفهميه الغلط دا اللى هو عمله وحزريه ان المره الجايه هو حيتعاقب
ولو ينفع يصلح الغلط دا خليه يصلحه
يعنى لو وقع حاجه خليه يشيلها
اما لو كرر غلطته لازم تعاقبيه زى ما توعدتيله
اما عن نوع العقاب فمش الضرب
كل اللى عليكى تعمليه تحطى كرسى فى مكان معين من البيت والعقاب انه يقعد على الكرسى دا لحد ما انتى تسمحيله يقوم
وحدديله حسب كل غلطه بيعكلها حيقعد اد ايه
يعنى متلا لو كسر حاجه قوليله حتقعد على كرسى العقاب دقيقه
فى الاول حيقوم من على الكرسى ومش حيقعد
تروحى شايلاه وحطاه تانى
مهما قام تقعديه وتبينيله انك مش حتياسى
لما تشيليه متتكلميش خالص بس نظره الحزم تستمر على وشك بون كلام لانك خلاص قلتى اللى عندك وعرفتيه غلتطه وحددتى العقاب
بعد ما يستجيب للعقاب اللى انتى حددتيه
روحيله وقوليله اعتزر وقول كذا ومتعملش كده تانى
بعدها لازم تحضنيه وتقوليله انك بيحبيه وعاوزاه كويس وسبيه يلعب
كررى دا فى كل اخطائه وحتشوفى النتيجه
ومتقوليش انا ابنى مش زى باقى الاطفال
سيكولوجيه الاطفال واحده تقريبا
المهم انتى متياسيش
ملحوظه:
الكرسى او المكان المحدد للعقاب متخليهوش يستخد فى غير العقاب
يعنى ميقعدش عليه لاى سبب
سواء للاكل او اللعب اة اى حاجه
علشان يكون عنده المكان دا منبوذ وهو دا مكان العقاب اللى ميحبش يقعد فيه
وعلى فكره كل ما كان الطفل اشقى يبقى اذكى دا مؤشر مش وحش بس التربيه مهمه فى المرحله دى