أباابــــدي للغضي ما بي أبدي لــه خفايا الروح
أبا ابدي همٍّ بقلبي له سنينن مخاوينــــــــــي
أبا اكتب له شقـــا خــلٍّ عليل ودايــــــمٍ مجروح
عشيق الليل واسهر به ولا به من يواسينـي
ومع اجروح الهوى بعده جعلنــــي عاشقٍ للنوح
أحبّه حيل وادموعي علـــى خدّي ملاييني
حياتي ما بها زينٍ ولا فيها فـــــــــــرح وامزوح
تعوّدت القسا منها واشوفه دوم تشقينـــــي
وصل صبري ترى حدّه ولالي بالهوى مصلوح
مدام الناتج ألاقـــــــي فراقٍ منه مظنوني
هجر واصدود واجروحٍ بقلبـــي بانيات اصروح
نحل جسمي وانا ادوّر علـى سيد المزايني
أبي حبّه أبي قربه أبـــــــــــي مرضاته المملوح
ولكن ما بـــي محبوبـــــي حياةٍ منه تشفيني
ذبحني والله الغالي وأنـــــــــا من سبته مطروح
أعاني واسكب العبرة واقول الله لنا يعينـي
وأنا صابر على جروحي ولو كان الغلا مفضوح
أناظر يومي القادم عسى بــــــه مايداويني
العرض العادي
