السلام عليكم
أبدأ موضوعي بأنني أحتاج للنصيحة....ممكن، او لحل.....ممكن ،او للمساعدة.....ايضا ممكن.
المهم اني مليت ووصلت لحالة خلينا انقول بداية يأس وعلى مشارف اعتراف بالفشل. :crying:

انا امرأة متزوجة من فترة طويلة ،وعندي من الأولاد 3 ذكور. اكبرهم بالجامعة سنة اولى طب صيدلة. متعلمة تعليم جامعي عالي، اهتم بنفسي وبرشاقتي حتى ان الناس لاتصدق انني متزوجة( يعني باختصار لا اهمل بحالي من اي ناحية). قد تعتبرونه غرور ان قلت اني جميلة.

تذوجت عن حب وما زلت بموت في زوجي حتى اننى لا أرى في الدنيا رجل غيره وكأن حياتي توقفت عنده(بصراحة بحبه).

الموضوع هو:
انا زوجي يعمل بالتجارة وشريكا لأخوانه في العمل الا انه الوحيد الذي يعمل منذ بداية عمله وضعنا امام اعيننا هدف لتحقيقه وهو ان نحيا نحن وأبنائنا حياة سعيدة ورغيدة ولتحقيق هذا الهدف قررت ان اساعد زوجي وأتحمل بعده عني وعن اولاده لدرجة انني ربيت اولادي لوحدي انا المسؤولة عن لبسهم وعلاجهم ودراستهم وتحصيلهم العلمي العالي .مع العلم اني كنت في بداية حياتي عايشة بعمارة مع اهل زوجي واخوانهم والبيئة هناك ما اقولكم والتربية عدم الا انني كنت كمن يحفر بالصخر بأظافرله لأربي اولادي التربية الصالحة ةالحمد لله الله كان معي ووفقني والكل بشهد بأخلاق اولادي وتربيتهم ولا ابالغ ان قلت انهم احسن اولاد في عائلتهم.
يعني باختصار عشت كل هذه الفترة لحالي احل مشاكلي لحالي اسرق الأوقات الحلوة من زوجي سرقة وامتع نفسي في الحياة لحالي وزجي مشغول بعمله ويوم عن يوم بزيد شغله وبياخده الشغل بعيد عنا .
ان كان على الشغل بس بيقول الواحد مش مشكلة يالله علشانا وعلشان اولادنا .
لاكن الشغل مش اله وحده يعني بيشتغل علشان الكل والكل متمتع الا انا ، الكل عايش حياته الا انا لأنه الكل مركن عليه في الشغل وهم عايشين وبيدخل عليهم مدخول متلنا واكتر.
بسأل نفسي مرات طب انا شو ذنبي ؟ ليش انا اتحمل؟ طب انا بدي أعيش ؟
وزيادة على هيك هم أهله ، ومشاكل أهله كلها........................................ ممكن يفكر فيها ويشيل همها ول كمان يشيلني اياها معاه الا همي.
انا مريحاه في البيت من كل المشاكل والهموم وحالة مشاكلي ومشاكل اولادي بدون ميتدخل ويقوم هو يشيل هم الناس ويجيبلي اياه لعندي والله حرام!
ممكن تقولوا انتي ماالك دخل ،ابعدي عن مشاكلهم . بقولكم انتم ما بتشوفوا حالة النكد اللي بكون هو فيها.
انا زوجي بيطلع للعمل الصبح الساعة 6 صباحا وبيرجع للبيت الساعة10 مساء وبكون انا بصراحة متل الولد الصغير اللي بيستنى شيئ بحبه كتير بالدقيقة وهو لما يكون في مشاكل عند اهله او مشاكل في الشغل بيرجع وجهه مقلوب ومنكد وما بيحكي ولا كلمة وان كلمتيه ما بيسمعك وما برد عليك ومن ثم بيتعشى وبنام وهكذا..........
ممكن اتقولوا صارحيه احكي معه صدقوني تعبت من الحكي وعلى الفاضي . بيمشي منيح يوم ،يومين..............اسبوع
وبعدين برجع . المشكلة اني بحبه ودايما بخلقله اعذار بس ملللللللللللللللللللليت وزهقت كتير كتر
بدي أعيش.
لسة في اكتير حكي بس الأن تعبت وبكمل بعدين



شو رأيكم؟؟؟؟؟؟