شوفي حبيبتي انا مابي انصحك لانك تقولين كثير نصحوني ومافي فايده بس اللي بقوله لك شوية افكار بس انا استغرب تحبينه وماقلتيله احبك انا اتوقع اللي ماتقدر تقوله كيف حالك تقدر تقوله احبك كذا استنتجت انا بس ابي بقولك شي انا متملكه ولله الحمد جريئه وترى زوجي يحكي لي سوالف اخوياه اللي مملكين زيه فيه منهم يشتكون من زوجاتهم يقولون انهم مايتكلمون او باردات او جامدات فترة الملكه كثييييييييييير حلوه وانتي للاسف ماستفدتي منها فيه رجال بعد الزواج تبرد رومانسيته وانتي اذا ماستفدتي الحين متى بتستفيدين اذا انتي مو عارفه تجيبين سوالف اسالي عن يومه وش سوا بيومه اساليه عن اخواته اهله كيفهم ساليه عن اثاث البيت كيف بتاثثون انا اقولك صيري جريئه فاجئيه بكلمة احبك والله والله والله احيانا الحياء ينقلب عالواحد ساعات زيادته مو حلوه ولا تخلينه ياخذ عنك فكره انك انطوائيه وانه ابتلش فيك انا لو اشوفك قدامي بنفس حالتك معه بغتث بقول ياربي وش هالانطوائيه الغير اجتماعيه خاصه اذا هو فرفوش ويحب السوالف احكيله عن سوالفك مع صديقاتك احكيله عن روتينك بالحياة احكيله وش تحبين وش ماتحبين اساليه عن مواضيع في الحياة اساليه عن احلا حاجه فيك واشين حاجه او وش عاجبوه فيك انا من رايي والله والله السكوت يطفش ويجيب الملل انا حبيت اعطيك فكرتي واسفه اذا طولت وانشالله الله يشرح لك صدرك وييسرها معاك ويجمعكم على خير ويخليكم لبعض