السلام عليكم
انا متزوجه لي شهرين ع 23 جامعيه متخرجه وزوجي 25 ثانوي وموظف عسكري مشكلتي ...
ان زوجي بدوي احنا من نفس القبيله لكن انا ساكنه ف مدينه وزوجي اهله بدو ساكنين ف خيمه وهو متوظف ف نفس المدينه الي انا ساكنه فيها وسكني ف شقه قريب من شغله ....
انا قبل اتزوجه كنت متردده عشانه بدوي وعشان شكله بس اهلي قالو البدوي يتطور ف رضيت وتزوجنا :( ....
بعد م تزوجنا ف الايام الاولى كنت انفر منه اذا كان يبغى يجامع لان اسلوبه كان همجي ف الدخله ف بعدين صرت اوافق وماصارت الدخله الا بعد اسبوعين وشوي وبمساعدتي له وارشادي تمت الدخله :/ وف الجماع م انبسط معاه لانه ع طول ايلاج مافي مقدمات وطلبت منه وشرحت له كيف ممكن يسوي مداعبات وكذا لكن كان يقولي ماعرف وكمان ف مشكله ف الجماع عنده ضعف انتصاب ومن بعض حركاته اثناء الجماع اتضح لي انو كان مدمن للعاده السريه وكمان يستحي م يبغى اطالع فيه وهو يجامع ف اسلوبه سيء ف الجماع ... وكمان اسلوبه سيء ف الكلام م احب اسولف معه حتى مزحه ثقيل مثلا .. كنت حاطه رجولي ع الطاوله ومعاي كوب شاي ساخن يسحب الطاوله ويطيحني كان بينكب علي بس الله ستر واذا مشيت يمد رجوله عشان اطيح واذا طلبت منه شي يرميه علي بقوه واذا مسكني يمسكني بقوه ويطقني ع ظهري بقوه احسه يعاملني كاني واحد من الشباب .. ف م احب اجلس عنده او اسولف لان اذا سولفت معاه ف موضوع يجلس يستهزء فيني وف كلامي ويردد كلامي ويضحك واقوله ليش تستهزء يقول م استهزءت خلك جدي معاي مايفهم وبرضو احيانا اذا قلت بروح لاهلي يستهزء فيهم ويقلل من احترامه لهم ، و كمان اغلب شي م ناكل مع بعض لان الاكل الي اكله م يحبه و لما اطلبه يجيب لي اكل م يعرفه ف اكتبه له ف ورقه مايعرف للاكلات الي ابغى ومايعرف للمطاعم الي اقوله عليها .. وبعض الفاظي م يفهمها وانا بعد م افهم بعض الفاظه واذا قعدت ع التلفزيون اشوف بس افلام اجنبيه انا يقولي وش تبغين بالكفار غيريه ويحطه ع مسلسلات بدوبه 24 ساعه عليها احسه متحجر مره
ف كنا م نتكلم كثير ولا اجلس عنده كثير هو بغرفه
وانا بغرفه ورفضت اروح معاه شهر عسل او اطلع معاه لان خواتي كانو يتريقون عليه ويقولن بيفشلك وين م تروحين م يعرف شي حتى لبسي كانو يقولو لا تلبسي الا ساتر م يعرف شي بيخاف و بيهج منك وفعلا يعيب ع لبسي ويقولي البسي تنوره طويله .. كلام خواتي هذا ايام الملكه لما قرب زواجي بصراحه تحطمت وندمت ع موافقتي له ....
وطلبت منه الطلاق ف الملكه ورفض وهاوشوني اهلي ووقفو ضد طلاقي ..
المهم ضل كذا حالنا لمده شهر م نقعد كثير عند بعض ولا نتكلم كثير كل واحد ف ديره ولا نطلع اذا طلعت معه طلعت عند اهلي وكان اغلب هذا الشهر اجلس يوم يومين ثلاث عند اهلي وهو يروح لاهله ف البر ...
ف تعبت نفسيتي جدا وبس ابكي واقول لنفسي اناما انبسطت نفس كل عروس ماكاني تزوجت ف لما اروح لاهلي قلت لهم بتطلق تعبت معاه ويقولو انتي م عشتي معه اعطيه فرصه بيتغير ويتطور م تحملت وقلت له يطلقني ورافض وصرت اهاوشه وارفع صوتي عليه وعادي عنده م يقولي شي وقلت لنفسي مفروض م يسمح لي اقل ادبي وارفع صوتي عليه ليش م يهاوشني وقلت بضربه بشوف ردت فعله خخخ وضربته وانا معصبه وبرضو عادي عنده م في رده فعل يقولي ضربك دوا ماحبيت ردت فعله قلت شكله بارد ومره لما طلعنا برا كنت رايحه للمستشفى وكان اول مشوار تعمدت م اغطي عيوني بشوف رده فعله وماقال شي :( ابغاه يهاوشني لكن مافيه واثناء لما كنا ف السياره كان يقولي اكشفي نقابك ويكشفه واقوله مجنون ترا احنا بالشارع يقول عادي مافي احد ويمسكني وهو يسوق مو منتبه لسواقه كان بيصدم واحد بس انقض نفسه الرجال بس يسوي حركات استهبال وطولنا واحنا ندور المستشفى ضايع م يعرف الطريق واليوم الثاني طلبته نروح ع الصيدليه برضو ضاع صار يدخلني ف حارات وطرق مظلمه ومهجوره ويقعد يلفلف فيني ساعه وقلت هذا ضاع هنا ف المدينه الي ساكن فيها له اكثر من سنه عاد كيف اذا سافرنا ...
ف فقدت صبري واصريت يطلقني طنشني م يرد علي ورحت واضربت ع الاكل وكان يكلم اخوه ويقوله ع الي يصير بينا كل شي اخوه متزوج وفهمته انو مفروض م يقوله هاذي اسرار زوجيه تعال قولي انا ايش الي فيني مثل م اقولك ينكر يقول م قلت لاخوي بس استمريت ف الاضراب ودق ع اخوي وقاله وجى واخذني وجلست عند اهلي اسبوعين ونص قال لهم اذا تبي الطلاق رجعو المهر اهلي قالو الناس بيتكلمو عليك اذا اطلقتي وانتي م كملتي شهر عنده و ماعندك سبب مقنع لطلاق وانتي كنتي بعيده عنه وماطلعتي معه ولا اعطيتيه فرصه ارجعي له واصبري شهر شهرين اذا م تغيرتي معه بنطلقك وفكرت بكلامهم وصرت اصلي استخاره بنيه الطلاق ورجعت له كان اواخر رمضان قال لاهلي بوديها للعمره ورحت معاه وسالني قال اذا رحنا كيف نسوي ف العمره
:( قلت روح ابحث بقوقل كيف نسوي لكن م رحنا اجلها صار عنده دوام طبعا بعد غيابي م تغير فيه شي لا اسلوبه ولا كلامه ولا مزحه هو هو بس انا تغيرت وصرت اجلس كثير عنده واسولف معه مع ان سوالفه كلها استهبال وغباوه مافي كلام حلو مافي رومنسيه مافي كلام جدي مافي حنان مافي شي والجماع نفسه بس ايلاج وانا صابني برود معاه افهمه اكثر من مره انو مااخد حقي نفسه لكن يقولي شسويلك اذا رفضت اخليه يجامع يسحبني غصب واحيانا يقرصني ويدفني ع راسي ويضربني بشويش ويهددني بالضرب ويسحبني من رجولي ويطيحني ع الارض :(
وبعد م رجعت معاه م طلعت الا مشوارين مره لسوق ومره قلت له بروح اتعشى ف مطعم طلعنا وجلس يلفلف يدور مطعم م يعرف وين يروح وقال مافيه غير مطاعم رجال ورجعني للبيت
اوف منه م تغير شي وانا مليت وزهقت قلت بنفذ كلام اهلي واصبر شهرين واصلي استخاره وادعي واشوف يايتغير او اتطلق
وهو طبعا م راح يتغير من نفسه الا اذا انا حاولت وانا بصراحه مو عارفه كيف اغيره وكيف اتعامل معاه وكمان احس م في شي يدفعني اني اغيره واطوره لان م في حب اتجاهه مافي لا اسلوب ولا شخصيه ولا كلام حلو ورمنسيه ولا تطور وتعلم ولا وسامه وانا بصراحه يهمني الشكل ولا رجوله ولا دين ولا احترام اشوفه بنظري كله اكس قاعده ادور فيه شي عشان اتنازل عن شي بس مافيه :(
انا تعبت نفسيا م ادري هل اصبر عليه ولا اتطلق اهلي مخوفيني من مساله الطلاق يقولون محد بياخذها المطلقه الا شايب وانا م ابغى شايب لان بندفن بالحياه مع الشايب ... الله يعين
ادري طولت ف الكلام مرررره قصه طويله مدري ايش كتبت بس فضفضت :( اسفه جدا ع الاطاله
انا طرحت مشكلتي ابغى رايكم هل استمر معاه واذا استمريت معاه كيف اتحمله واغيره او هل انفصل ؟
وجزاكم الله خيرا :111: