[poem=font="simplified arabic,5,darkblue,bold,normal" bkcolor="transparent" bkimage="" border="double,5,darkred" type=2 line=0 align=center use=ex num="0,black""]
حلفت أقطف لك الغيمه .. من اغصان السما .. لرضاك=و اجي و اعصر .. لك مزون الغلا .. و ابل لك هالريق

مع ان الغيم .. من شافك تحت ظله .. بدا يضماك=شف نجوم السما .. لا من غفَت عينك .. عليك اتويق

تعال .. آعلمك كيف القصايد تحتري .. لقياك=تعال .. انسولف بقصة هواك .. و رحلة التشويق

كتبت الشعر لجل ارضي .. شعور ٍ داخلي .. ما جاك=و جاك ..!! و ما كسبت الا الولَه .. مع ضجّة التصفيق

غمّض و اركب احلامك .. و شفني محتريك .. هنااااك=لعل الحلم يجمعنا .. و اضمّك من قبل .. لاتفيق

طموحي بالحياه اكبر .. من المعقول و الإدراك=و انت اكبر طموحاتي .. و حلم ٍ يرفض التحقيق

انا و قلبي نضيق .. ولو بغيت .. القاك ..؟ ما ألقاك=و انا .. أوّل من بتلقى .. لو الدنيا عليك اتضيق

روح بدنيتك كانك .. سليْت و نسّتك دنياك=حبيب ٍ شالك بقلبه .. كما شال .. الرياض .. طويق

عزمتك داخل ضلوع ٍ .. تصافق من غلا .. و حيّاك=تعال .. إختر من اعماقي مكان .. و خابرك ( ذوّيق)

تعال إلعب على روحي .. تمون و ماحد ٍ ينهاك=تعال .. ( إعرج ) على عيني وانا بكون لك ( صدّيق )

ترى هالشوق ضج ّ بداخلي و اهتز ّ .. من ذكراك=مثل ما زاد .. دهن العود .. طيبه كثرة التعتيق

تعبت آعاتب احساس ٍ .. بقلبك ما قدر ينهاك=و تقفي ْ .. و انت غارق في جفاك .. و ساهي التحديق

تروح و تترك بدربك .. خفوق ٍ للقى .. يضماك=ياااخي .. ما أبي .. أروى .. انا ابغى بس ( بلّة ريق ) ..!! [/poem]

مما رآآآق لي
تحياتي ..