هلا فيك أختي الغاليه ..

حنا هنا أخوات وعايله وحده أي شي مضايقك إن شاء الله بنساعدك وماراح نقصر ...

الله يوفقك ويرزقك بالزوج اللي يستاهلك ويقدر يسعدك ويحقق لك أحلامك ..

صدقيني الزواج كله بالنصيب .. وماهو أبداً بلون البشره ..

هذا خلق الله ومايصير نغير فيه شي ..

السمار مرررررررره حلو مين قال لك إنه مو حلو ..!!

أعرف كثير بنات بشرتهم سمرا وتزوجوا والحين عايشين ومبسوطين ..

وبعدين كل إنسان بالدنيا حتى لو كان مو حلو لازم سبحان الله تلاقين فيه شي جـــذاب ومميز..

وتذكري " لا فرق بين عربي ولا عجمي إلا بالتقوى "

مو حنا بدين الإسلام ؟؟؟

أبداً ما نفّرق بالجمال وإلا باللون ..

العريس إللي يجي وهمه الجمال والشكل بس مو كثير علاقتهم تدوم ..

فيه عرسان يدورون ع القلب الطيب وين ممكن يلاقونه في ها الزمن عشان يعيشون مبسوطين ...

أهم شي الحب والتفاهم وطيبه القلب هي اللي تخلي الناس عايشين بسعاده ..

لا تستعجلين ع الزواج ولا تعقدين نفسك عشان شي ما يستاهل ..

أنا متأكده إنك بنت طيبه وحلوه ..

خليك أكثر ثقة بنفسك وبجمالك طنشي كلام الناس وماعليك بأحد ..

" كلام الناس وجع راس "

ياما بنات حلوين بلحظه وحده جمالهم كله راااااااح .. وش فادهم الغرور ...؟؟

الله يوفقك حبيبتي ويسعدك ويحقق لك أحلامك وأسمع قريب إنك صرتي عروسه ...

أتمنى أكون قدرت أساعدك بشي ...

ن ج م ــة

غلاتي هلاااا بك...
اقرررب و احب و اصدق و احن صديقاتي وحده سموووره عسوووله طيووبه
احبهااا جدآآآآآآ ..
اتركي عنك هالسوالف..
و تاكدي ان نصيبك ما بعد انكتب لك لحكمه من ربك...
انتي اهتمي بجمالك و جسدك و انوثتك,,,,
و ارضي بلونك,,,,,
الطبيعه اجمل مليوووووووووووون مره.
و مو يقوولوون ((( السماره اماره)))
و لا لااااااا؟؟؟؟؟
حبيبتي..
خليك وااثقه برووحك .
و ادعي ربك يرزقك بولد الحلال.
اللي يقدرك و يشيلك فوووووووووق رااسه.

هلا حبيباتي

بصراحه اسعدني ردكم

بس الكل يقول كلام حلو ولما نجي للواقع يرفضون السمار

الحين لو اجي لوحده فيكم اقولها تتزوجين واحد بشرته سمراء غامق


بتقول لااااااااااا بعدين عيالي يطلعون سمر وهيك وهيك

ولو جيتو تخطبون لاخوانكم تقولون لا مانبيها سمراء

خلونا واقعيين

وبعدين انا راضيه وهذه خلقة ربي

انا اعتراضي على كلام الناس

الوحده اكون معها بنفس المجلس وتقول السمار وع وع

طيب راعي ان انا جالسه وسطكم


:)

احبكم واشكركم

مفتقده زوجها ...........
كيفك يا حلوه...
ما عليك من كلام الناس ...كلام الناس لا بأدم ...ولا ياخر ...(جورج وسوف على غفله)
اهم شئ انتي خليك واثقه من نفسك ....
ومو شوط تتزوجين بعد ابيض ....يلق ...
تزوجي واحد ...اسمراني حليوه
شوفي ...النجوم السمر ...بيونسيه.....وميشيل اوباما ..وتايرا.....وغيرهم كثير .....ماهم مثال لنا عساهم البلا ...لكن ما اشوف الا هم ...
ليش ما قالوا احنا مو حلوين ...
بالعكس الا طايرين فيهم طيران العالم بجمالهم وانوثتهم الطاغيه ...وعندك اوبرا ....ياعيني يا ليل
منزلين فيها معلقات...
لكل لون جماله ...اذا عرفتي تتعاملين معاه ...بالاناقه ..واختيار الالوان المناسبه للون بشرتك
تحيتي لك مفتقده زوجها