السلام عليكم ورحمة الله وبركاته


الحب عند النساء الله يهديهم
• اغلب النساء وليس جميعهم عندها معنا الحب
1- ان يحبني ولا يحب غيري
2- ان لا يمدح غيري
3- ان يمطر علي من الهدايا في كل مناسبه( عيد او ولاده او عيدالزواج هذا اللى ابتلشنا فيه او مرور خمس سنوات على زواجنا وغيرها...)
4- ان يمشيها ولا يبقي بها ارض
5- ان يكون رومنسي وحنون وكله ورود في الروحه والجيه
6- ان تكون طلباتها اوامر
7- ان يعشيها ويغديها بعد كل فتره في مطعم كله رمنسيه ونعومه
8- ان يكون في كلامه سوري رمنسي لبق والاخ والد في الصحرى مدري كيف تجي هذي؟
9- الشي المهم ما يمرض ولا يتعب يكون نشيط جدا لتحقيق رغباتها الجنسيه
10- ان يقدر ضروفها في الدوره الشهريه وفي الحمل ( يطبخ عشانها الاخ عشان ترتاح)
11- ويقدر عصبيتها ومزاجها الفاتن
12- ان يصبحها بتبويس وينومها بتبويس ما ناقص الا يعطيها حكايه ويطبطب علىيها ويكون ذوقه رومنتك والموسيقى او الانشوده يكون فنان او فنانه كله رمنسيه يبكي ويحزن وشاعري وكلماته كلها حب لكن لو طاحت في واحد ما يعرف الا الفنان عيسى الاحسائي وقنوات الساحه وش الحل؟
13- ان لا يتركها وحيده في البيت والله من العلم والجمال الذي ما يفارقها
14- والبعض الله يهديهم تبيه يكون لبناني في شكله او تركي وسوري في كلامه عاد هذي يبيلها كتالوج
15- ان يوديها السوق وياخذ لها كل ما تتمناها( من عيال الراجحي مسكين)

هــــــــــذا بختصار لبعض الاشياء التي تتمنها الزوجه في زوجها
نحن نقول نوافق على بعض الاشياء والبعض نمشيها لكن هل ممكن تتوفر هذي الاشياء والمميزات الغير طبيعيه في شخص وخاصه اللى تطلب لبناني او تركي في شكله بالله عليكم من وين نجيب واحد من هذي الجبال والصحراء .
طيب الحين نقول لكم ماهو الحب الذي مفروض توفره الزوجه الوفيه الصادقه مع زوجها والمره الجايه بعطيكم العكس انشاء الله

الحب الحقيقي الذي يتمناها الرجل من زوجته

1-ان تكون صادقه معه وفيه له مهما صدر منه وان لا ترد الغلط بالغلط
2- ان تقدر حالته النفسيه والتعب الذي يحصل له من الدوام او الحياه الاجتماعيه ( بعض الحريم الله يهديها تحاول تمشيه بمزاجها وهوه رجال يتحمل وهذا من اكثر اسباب المشادات الكلاميه التي تحصل في البيت)
3- ان تقدر حالته الماديه ( وهذي من الاشياء التي تنرفز المتزوجين حيث ان الزوجه لا تراعي حالته الماديه وخاصه وهوه مطفر)
4- الحاله الأسريه والاجتماعيه
5- التضحيه وهذي اهم امور في الحياه الزوجيه
6- اعانته على هموم الدنيا
7- تحفيزه في عمله ودراسته وفي امور دينه
8- توفير الغذاء والشراب
9- الحاله التي تخص الزوجه ( يجد زوجته ماده بوزها شبرين وزوج ناقص يدخل يضحك ويلق ظلام قدامه)
10- وايضا لبس الزوجه و مكياحها
11- تهيئه الراحه الكامله له ( خاصه اذا كان متعب والاولاد حوله)

هذي بعض الامور التي تثبت حب الزوجه لزوجها وليس هذي كل الامور
الان بفصل لكم عشان تعرفو كيف تقومون بها( بالعربي الزبده)

1- المقصود بأن تكوني صادقه معه ( ان لا تخبين عليه شي مهم الا اذا كان هناك هديه مثلا او مفاجأه وليس المقصود بأن تسمعين كلام من اهله او من احد أقاربه وتقومين بالفتنه عشان تبينين انك صادقه) اما تردين الغلط بالغلط هذي اكبر مصيبها الزوجه التي ترادد --على زوجها خليكي ذكيه امتصي غضبه بدل المرادده والمهاتره ( مثال على المرادده/ الزوج- الممثله الفلانيه او المغنيه الفلانيه حلوه او الحرمه الفلانيه ذكيه==طبعا شفو رد الزوجه- ايش حتى الممثل الفلاني حلو او الرجال الفلاني اذكى منك) هذي مصيبه بليزززززززززززز لا تردو كذا.

2- المقصود الحاله النفسه ( يعني مثلا جاي الظهر من الشمس والحر والهم والعمل بعد ما يدخل البيت! الزوجه نسيت اقلك الدجاج خلص او مافي خبز----- هذا مصيبه عند الزوج طيب ليه ما دقيتي بكل برود نسيت) يا اخواتي هذا الكلام ما ينفع راقبي بيتك اهتمي بنفسيت زوجك لا تكوني عايشه بدون مبالها وامثله كثير على هذا الشكل ....

3- المقصود بالحاله الماديه( اووووووه هذي حدث ولا حرج طلبات ما تنتهي غير مهمه زواجات وفساتين غالية الثمن ورايحه عند جارتي جيب فطاير وحلا او جب الطلبات رايحه عند امي جيب كذا ابي اغير الفرش غير دولابي غير المطبخ البيت ضيق علينا جب خدامه نبي الصيفيه في ماليزيا دبر عمرك ابي احج في حمله مريحه سدد فاتورت الجوال وهكذا من الطلابات التي ما تخلص) حرام عليكم بدل ما تقولين الدخلك جمعيه بكذا او وفر فلوسك عشان ناخذ بيت او نبي نقتصد بقدر المستطاع او المدرسات مثلا خلينا نخلي راتبي على جنب وهكذا بيني لزوجك انك تسعين في تحسين حالته الاجتماعيه مووووو تمصينه مص لا تخافين ماحد يقدر يفتح بيتين هذا الزمان يالله لقي ياكل اذا زادت فلوسه تورط في دين او في ارض لا تخافو ما حد بيتزوج عليكم طبعا موو كل الرجال بس الاغلب يالله على بيت واحد.

4- المقصود بالحاله الاجتماعيه والاسريه ( بعض الحريم تكون علاقات اجتماعيه مع جاراتها وتترك زوجها فترات طويله وهوه في حاجتها –طبعا موو معناتها تترك الناس وتجلس تصب له قهوه وشاهي بس يعني تختار الاوقات المناسبه __ اما الاسريه ان تقوم الزوجه بتكوين علاقة مشاكل مع ام الزوج او اخواته مما يسبب بتفكك الاسري – الزوج يتورط ما يدري من يرضي اهله ام زوجته لذلك يا بنات حااولو بقدر المستطاع ان تصلحو هذي الامور وعاد الامور هذي يبيلها شوية معامله حسنه وخاصه اذا ما كانو معاك في البيت اذا شفتي شي تكرهينه اقل شي اتخذي اسلوب المجاملات وتكفون لا تدخلون الرجال في السالفه.

5- المقصود بالتضحيه ( الله يهدي كثير من الزوجات هذا الموضوع ماهو في راسها وابين لكم ذلك أسئلي نفسك هل يوم من الايام شفتي زوجك في ضائقه ما ديه وقدمتي له ذهبك او جوالك او فلوس تدخرينها عندك؟؟؟ طبعا ليس كل البنات ليس عندهم تضحيه ولكن يا بنات والله لو تقدمين لزوجك في أي حال طفره لووو كلام بس فلن ينسى هذي الموقفه منك.

6- المقصود اعانته على هموم الدنيا( مشكلت بعض الزوجات انها تفكر ان الزوج الواجب عليه انه يكون هوه الذي يوقف معها والرجال ما عنده هموم (رجال هذا )--- هذا غلط اعطيكم مثال وحد مثلا عنده اختبار مهم او مقابله او ديون او احد ميت من اهله او سيارتة صدمت والزوجه وقت هذي المشكله / بالله وصلني زواج او بروح عند جارتي او وديني السوق يعني عدم اهتمام بليززززز الغي كل امور الحياه ووقفي مع زوجك.

7- المقصود بالتحفيز( وهذا كثير من الزوجات يغفلن عنه والله اكثر الازوج يحب التحفيز من زوجته في كل اموره في الحياه في عمله في دراسته في تهيئة الجو الكامل له في دراسته في مخططاته في امور دينه ولا تنسون ان رواء كل رجل عظيم امراه عظيمه ) لكن بعظ الزوجات ما يهمها الا نفسها --- ما جلست معي --- انت دلخ فاشل--- مستحيل تنجح--- انت داشر وغبي--- انت ما تصلي بقول لأهلي ( نكبه هذي) عشان كذا لابد ان تتنازل عن كل شي لكي ينجح زوجك لان نجاحه من نجاحك..

8- المقصود بالغذاء والشراب( عاد هذي عقدت النسااااء يقولون الرجال ما همهم الا بطونهم --- لازم تفهمون ان اكثر الرجال عاشو حياه عزابيه كلها مطاعم وقلق وكسل عاد يحلم بزواج ويشوف ان كل شي جاهز وطبخ النظيف والاكل اللى يفتح النفس وبعد الزواج يطلع عكس الذي شافه لا طبخ لا سفره مليانه --- بالله وش تبينه يسوي طارت كل احلامه لذلك يا اختي حاولي حتى لو انك ما قد طبختي او ما تعرفين ان تطبخين في البيت تجهزين له الطبخ الذي يحبه مسكين ولا تصدمينه بعنادك ولا عدم مبالاتك في الطبخ.

9- المقصود بالحاله التي تخص الزوجه ( يعني يا ناس والله بعض الزوجات الله يهديها دايم زعلانه دايم متضايقه دايم تحب الهوشه الزوج يجي من الدوام او من عند اقاربه او اصدقائه ويجد هذي ماده بوزها شبرين بدل ما تستقبله بالحنان والضم والتبويس والشوق تقلب عليه البيت وهذا خطاء ) اذا كان عندك شي قوليه بدل تعكير الجو الزوج يريد يتزوج وترك العزابيه لكي يجد من يسعد حياته موو ينكد عليه في الطلعه ونزله خليكي حذره حاولي ان تتبسمي ولو مجامله وبعد ذلك قولي له وانتم مرتاحين ما يضايقك ممكن يكون عنده الحل او يكون الغلط عليك.

10- المقصود باللبس ( بعض الزوجات ما ناقص الا تلبسها عباه من قوت التستر في البيت والبعض الاخر ما ناقص الا تنزل تجيب لها ملابس من السوق من الخلاعه الزايده ---- كل لبس يا بنات له موقعه اما الذي مفروض تتمسكي به هو الذي اختاره زوجك لك وانتي في السوق او اللبس الذي يحبه زوجك وليس المقصود تقعدين كل شويه تشوفين رايه الاخ بس يعني في بعض الايام غيري الجو باللبس اللذي يحبه اما منظرك بليزززز يا بنات حاولو بين فينه واخرا ان تغيروو من الشكل والمكياج ولون الشعر يعني حاولي تتزينين في اغلب الاوقات موقصدنا اليوم مثلا عندك غشيل او طبخ تروحي تصكي عدسات ومكياج عشان ينفتن الاخ نحن نقول في اوقات الوناسه والحب

11- المقصود بالراحه الكامله ( بعض الزوجات يمكن توصل بها الدرجه انها تستقبله عند الباب امسك امسك الولد او البنت بصلح الغداء او بسوي الشغله الفلانيه وهوه جاي طفشان مرهق يبي مويه يبي بوسه وهذي الله المستعان ما صدقت تشوفه --- برضه وقت النوم تدخل عليه الاولاد اوترفع التلفزيون او تقلب البت على راسه في وقت الراحه ) عاد حاولي بقدر المستطاع تعويضه وتحسيسه بالراحه.



مازلت معكم في هذا المنتدى العريق وفي المره الجاية الحب عند الرجال ياويلهم مني...