[align=center][table1="width:95%;background-color:gray;"][cell="filter:;"][align=center]
السلام عليكم

ويسعد مساكم مع صباحكم بالمسرات

هذي ابيات بسيطه كتبها الشاعر ماجد بمناسبة اول مولووود له عسى الله يحفظه ويخليه له..



ياروح ماجـــد هلابك يانظـــر عينـي

يازبـده الكــون من اول الى تالــــي

نسيت مــع جيتك مـتـاعب سنيني

ونسيت مع جيتك همــي وغربالي

غيــرت ياروح ماجـــد كل مافـيـنـي

وخليت مـر الشقا في دنيتي حالي

بدلت نظــرة عـيـوني بالمـحـبـيـني

دامك ملكت الغلا والحــب يالغــالي

انشهد ان البشــر ما عـاد تعنيني

والله ماغير شــوفك صــار يحــلالي

يابـعــد كــل الاوادم والمــلاينــي

يفداك كل البشـر ربعـي وعـذالـي

ياهو شعـورن خيالي وانت بيديني

تغمــرني افراح ما كانت على بالي

وشلون ابنثر شعـوري في دواويـنـي

يالي جعلت المشــاعر مالـهـا والـي

صـوتك يزيل التعب صـوتك يسليني

وريحك يخلي مــزاج الراس بالعـالي

لاتبكي الدمــع مـن عينك يبكيـنـي

يفداك حــالي ومـالي يابعـد حالــي

نواف والله غـلاتك هـسـتـرت فيني

لو راح يومـن بدونك شانت احـوالي

ماغـيـرك احـدن غلاته في شـرايـنـي

وما غيرك احدن يخلي خاطري سالي

ياشـيـن يومـي اذا ماشـافـتـك عيني

ويازين يومــي الا مـن شـفـتـك قبالي

الله يخـلـيـك لــي والله يـخــلــيــنــي

والله يمــدك عمــر وتـعـيـش يالغـالي


وسلامتكم


بقلم / ماجد الشمري

ابو نواف
[/align][/cell][/table1][/align]