بسم الله الرحمن الرحيم
السلام عليكم ورحمة الله وبركاته
أسعد الله أوقاتكم بكل خير ومسره
أنا جيت أستشيركم في أمري لأني يعلم الله الصداع أهلكني
والهم أكلني ماعاد أدري وش أسوي
دون أدنى شك الكل عارف مصيبتي وأوضاعي مع زوجتي
يوم أمس ( الجمعه ) العصر كلمت عمي
بعد السلام والإطمئنان عليه وعلى العيال دار الحديث التالي :
قلت له : ياعم الحين البنت لها شهرين عندكم ولأسباب تافهه تحدث في أي بيت
وبيت أطهر المرسلين النبي صلى الله عليه وسلم حدث بينه وبين زوجاته الخلاف
الحين انا في الرياض وبعد العصر بكلمك ابغاك تعطيني الخبر الأكيد هل أني آجي وآخذ زوجتي
وأعوذ بالله من الشيطان الرجيم ويادار مادخلك شر أو إن في راسها علم ثاني
قال لي : والله انا جالس أحاول فيها من ذاك اليوم لكن البنت باقي على حالها
قلت له : ياعم انا والله إنسان ما أقدر أجلس باقي عمر عزوبي وأنا بصراحه إنسان بتزوج إذا مارجعت زوجتي
وعيالي أنا باخذهم .
قال لي : العيال خذهم .
المهم جايت الساعه 4 العصر ودقيت عليه أول مره رد علي ولا يتكلم ، ثاني مره أعطاني مشغول ، ثالث مره قفل جواله
عاد أنا مشيت من الرياض للمنطقة الشرقية مقر عملي
بعد ماوصلت للشرقيه في الليل إتصلت عليه وقلت له والله ياعم انا انتظرت مارديت ودقيت عليك لكن ما فيه أي رد
قال كنت في الصلاه يوم دقيت قلت له كان عندك صوت ناس يسولفون قال ايه كنت في المستشفى أزور واحد
سبحان الله تغيرت من مسجد لزياره <<< :angry8:
الموهييييم
قلت له : كان أرسلت لي رساله على الأقل قول لي فيها يا ولدي والله الامور ان شاء الله طيبه لكن اصبر شوي
قال لي : وش عندك الحين .
قلت له : علمي سلامتك انا قلت لك أنا والله إنسان بتزوج ما أقدر أجلس باقي عمري في إنتظار بنتك
والبنت الله يحللك فيها وإن شاء الله إني لرسل لك كرت الزواج وتحضر انت وهي لزواجي وزي ماقلت لك عيالي باخذهم
قال لي : اللي في راسك سوه .
قلت له : على خير إن شاء الله .
وأنتهت المكالمه ........... طوط طوط طوط
بعدها بساعه او ساعتين تقريبا كلمتني أختي تقول وش اللي سويته ؟؟!!!!!!
قلت وش سويت عساه خير
تقول زوجتك اتصلت علي وتقول إنها كانت بترجع الأسبوع هذا لكن أسلوبك مع أبوها كان جاف
وإني أتهدده بالمحكمه ومن ذا الكلام
قلت لها والله يا أختي والله ماصار هذا الشيء انا ما أعتبره الا في مقام الوالد قبل يكون عمي
ولا غلطت عليه بالعكس احترمته وقدرته لكن هو غلط علي وسكتت فوق هذا
بالله عليكم وش معنى اللي راسك سوه ؟؟؟
أيضا إتصلت علي زوجة الوالد تقول أبشرك
ترا زوجتك ردت علي أخيرا :clap:
المهم تقول زوجة الوالد إن زوجتك تقول والله انها تبغى ترجع
لكن يوم انك تهدد ابوها انك بتتزوج وانك بتشتكيه في المحكمه
قتل لها أول شي هذا زي الوالد كيف ارفع صوتي عليه
وثاني شي والله لا هددته ولا شي انا قلت له إذا مارجعت زوجتي
فأنا والله ما اقدر أصبر تراي بتزوج والعيال باخذهم يعيشون معاي
هذا كل اللي صار
والله والذي لا يحلف بغيره ماهددته ولا شي
لكن الله يعين الله طيحني في عم مايعرف سنوم الرجال والقبايل
الله يهديهم وكان
على كل حال
أخواني / أخواتي
هل أنا غلطان في الكلام اللي صار بيني وبين عمي ؟؟؟؟
ماهي نصيحتكم لي بعد اللي صار لي ؟؟؟
والله الأسئله كثيييييييييييييييييييييره جدا لكن حبه حبه نبني قبه ( هع )
إحترامي
العرض العادي
