ياخوي بغيت ابكي انا والله

اقول تبي فزعة تبي شي امر بس ولا ايجك لو وين كنت

زي ما قالت لك اغانيج كلم كبار العايلة شيخ القبيلة اخوالك اخوياء خالك اللي يمونون عليه بقوة وخلي احد منهم يكلمة ويقولة بنيجك يوم كيذا
وخليهم يجو بيوم واحد عنده البيت وبعد بعاداتكم ويطلبونه ان زوجتك ترجع لك وما اظن انه بيردهم ابد اهم شي ركز في اللي ما راح يرد طلبهم

وفي حل ثاني بس ما اشوف انه مناسب
تقدم شكوى ضد ابوها وانه اخذ زوجتك من بيتك واظن بالمحكمة راح يسألو زوجتك تبين زوجك ولا تبين الطلاق منه بس قد يرغمها ابوها تطلب الطلاق وقد توافق انه ترجع لك لكن راح تصير مشاكل

الله يرجع لك زوجتك يارب ويسعدك ويسعد جميع المسلمين

تحياتي لك

اخي العزيز

اقول لك وبكل صراحه هي كانت غلطانه بالحيل ولكن غلطك كان اكبر يوم مديت يدك

لا تقولي الشيطان واصحابه خلهم على نجنب

كل السبب منك

يوم شفت تصرف مو زين كلمها مره ومرتين وثلاث

اجهرها يوم يومين لا تقول مقدر دامك تبي تغير اصبر شوي

يوم تكتم في نفسك وبعدين تقول لي الشيطان ولا عرفت بنفسي

عموما حبيت ابين هذي النقطه

بالنسبه لزوجتك الان ووضعكم الحالي

تعقد جدا واي ناس عندهم نخوه وعز ما راح يسمحون لها بالرجوع اليك

ولكن انصحك انك تدخل اهل الخير من اهلك وكبار السن فقط

من غير امك واخوانك

كبار السن من ترى فيهم الحكمه والقول الحسن

وتشرح لهم الموضوع وصدقني ان شاء الله ربي راح ييسر لك الامور


واتمنى من كل انسان او كل زوج بالاخص

انه لا يمد ايده على زوجته او اخته نهائي ياناس هم اجمل ما خلق ربي وهم اللي ذكرهم نبينا محمد صلى الله عليه وسلم ووصى فيهم

لذلك اتمنى منك في ظل المحاولات ان تجهز رضوه ماليه لهم من غير ما حد يقول لك او يطلب منك

ليكي على الاقل ترضي اهلها قبل لا ترضي زوجتك حتى ولو هي موافقه ترجع

واي مساعده او خدمه حاضر لك بس عطني خبر وابشر

وعسى ربي ان ييسر لك الامور ويرد لك زوجتك

تقبل مروري

سامحك الله

الضرب على الوجه منهي عنه

فما بالك بزوجتك وام عيالك

ياخي اقل شئ دفهااا او ضربه خفيفه على الكتف

اما الوجه

والله صعبه

والخطاء الاكبر منك انت

لو مهدي الامور ومخليهااا اسبوع او اسبوعين عند اهلها

وجاااي ومعاك رضووهـ ورجال كبير بالسن يمون على خالك ويقدره خالك

ويطلبه ومن هالكلام الزين تمشئ الامور


ياخي انت ماترضاها على اختك

لايهموك الى يقولون ليش تطلع من البيت ومن هالكلام

وبيني وبينك الله لايلومها انت للاسف قليل خبره وراح تندم
اجل باليل ضارب بنتهم وبالصباح متهاوش مع ابوها واخوانهااا

تخيل الحركه مسويها نسيبك مع اختك ايش راح يكون موقفك


وبعدين اخوك وامك ايش دخلهم في الموضوع

يعني بياخذون زوجتك بالغصب

حتى لو الزوجه تبيك وموافقه ترجع لك

الموقف اللى صار منك صعب ينسونه

هد الامور شووي ومثل ماقلت لك خذ لك شخص كبير واطلب خالك وحب على راسه وحتى اعتذر من عيال خالك

لايوجد انسان لا يخطي .