لقيت منك احساس ضايع من الناس
في ذمتي ماكنت داري بوجودة

لقيت فيك الطيب من رغم الارجاس
بطبعك شقآوة بس روحك ودودة

كلمة لسانك قالها هدت الباس
خلت لساني يرتبش في ردودة

يوم اعتذرتي مني يااغلى من الماس
بلحظة الخطا مني,,تعدا حدودة

همي بعدها اشيل زولك على الراس
و اهيم في بستانك اقطف ورودة

و اعيش في حضنك الى اخر انفاس
روحٍ عصاها الوقت ولاهي بحقوده

لكن تلخبط لحظة البعد الاحساس
من بعد ماعلقت قلبي بوعوده

و الروح دقت في مسامعها الاجراس
يوم ابتدى شخصك علي بصدودة

و اخذت درسٍ مايعلمه كراس
دربٍ مشيته معك ماعاد اعوده

لكن لاباس و ماحصل خير,,ولاباس
مشكور يامنعم علي بجحوده


منقووووووووول