عليكم السلام ورحمة الله وبركاته


هلا فيك أختي


شوفي ياغلاي فيه رجال طبيعتهم جافه وينقصهم فن التعامل مع الزوجه


يعني يتعامل معاها كانها واحد من اصحابه ,,يمكن زوجك رمى كلمه من هنا والا من هناك عليك

بغير قصد يعني مزح لكن ماعرف يختار الكلام المناسب ,, وهذا اللي اتوقع انو زوجك كان يسويه

بالنسبه لأنو يمكن مايحبك فانا ما اتفق معاك في هالنقطه لأن كلامك يثبت غير كذا

فإنتي قلتي انو صار يلبي لك أكثر رغباتك وطلباتك وهذا أكبر دليل على حبه لك لأن مثل ماقلت لك قبل

بعض الرجال ينقصه فن التعامل والواضح ان زوجك من النوع اللي يبين حبه لك بالعمل مو بالكلام

وهذا اللي المفروض تحمدين ربك عليه ,, لأن بعض الرجال مع احترامي الشديد لأي رجل يشوف ردي

عليه لسان ينقط عسل لكن في الاصل مو صادق ..!!


اما انك تدخلين اليوتيوب وتصيرين تقارنين نفسك باللي تشوفينهم من المنحطات نسأل الله العفو والعافيه

فهذا كمان ما أأيدك فيه لأن معظم اللي تشوفينهم مثل الصلصال كل شوي بشكل وكل شوي عملية


تجميل وشد وشفط ومدري وشو .!! المهم ياغلاي خلي ثقتك في الله ثم في نفسك كبيره

ولا توهمين نفسك انك شينه فتصيرين شينه بالفعل لأن عقلك الباطن راح يثبت ويكبر هالفكره عندك ومع

الوقت راح تصير حقيقه والكل راح يشوفها فيك واولهم زوجك فأتمنى تطردين هالفكره من راسك نهائيا


بالنسبه للعاده السريه أسأل الله الكريم رب العرش العظيم ان يباعد بينك وبينها

اسمحي لي يالغلا والله انتي اللي عطيتي للشيطان الفرصه أنو يسيطر عليك فيها لأن مادامت مو شهوه

جامحه فهي وساوس شيطان وماضريتي فيها الا نفسك

وانا متأكده انك عارفه حرمتها ومضارها واللي يترتب عليها وأولها انو بيجي يوم ماتحسين بلذة أنو نشوه

الجنس الا بها نسأل الله العافيه ..


اتمنى مايكون في كلامي أي مضايقه لك لكن يعلم ربي مدى حرصي عليك


وأسأل الله ان يبعد عنك كيد الشيطان


ينقل لقسم ( مشكلتي الزوجيه )

صح لسانك اميره

وعســــــــــآآك ع القوه
اختي اميره مااقصرت معاك كفت ووفت ماشاءلله عليهاا واعطتك المفيد

بس اتمنى منك انك تتوبي توووبه نصوووح
مو توبه وترجعين للذنب مره ثانيه

الله يهديك ويصلحك ويخفف عليك همك

الاخت اميره مااقصرت
اسئل الله لك التوفيق والسعااده مع زوجك

تحياتي لك .. ياحياتي حمود ..
وأحيي فيك شجاعتك .. وانتصارك على وساوس الشيطان ..
خذي نذر على نفسك ماتسويها .. عشان تحرمي نفسك من هذي العادة ...
الجمال سواء في الوجه او الجسم مو مهم ... لدرجة تسوين الحرام !!..
هذي خلقة ربي ...
هل انتي خلقتي ملامح وجهك ؟
هل انتي خلقتي تقسيم جسدك؟
لا
الله اللي خلقنا .. في احسن صورة ..نحمد الله على نعمه ..
احمدي ربك على النعم ... غيرك معوق وعايش حياته برضى ..
نعم صحيح انك تهتمين في نفسك .. في لبسك .. في كل شيء
بس ماتكلفين نفسك اكثر من طاقتها ..
حرام عليك .. اتقي الله في نفسك وذاتك ..
خليك رحيمه مع نفسك ..
هل زوجك من ممارستك للعاده استفاد شي؟
لاطبعا
هل انتي ضريتي جسدك ؟ وحملتي نفسك اكثر من طاقتها ؟
نعم .
طيب ليه هذا كله .. استفدتي شي؟لا
ياعزيزتي .. الدنيا ماانتهت عند جمال او جسم..
حياتك تنتهي اذا اغضبتي خالقك ..
كيف تبغين زوجك يشوفك ملاك ويرضى عنك ... وانتي ربي مو راضي بفعلك هذا ؟
الله يحفظك يمكن انتي تكوني ناقمه على نفسك في عدم اطراء زوجك لك ..
بس مو حله كذا ..
حاول تتثقفي من الناحية الجنسية ..
حاولي تهتمي بجسمك بشرتك بشعرك .. واهم من هذا كله .. دينك وعلاقتك بربك ..
خليك واثقه من نفسك .. وانظري لنفسك نظرة ايجابيه متفائله ..
صديقيني نظرتك هذي تعكس لزوجك وينظر لك بنفس ماترين نفسك ..
الله ينور لك دربك ويبعد الشيطان عنك ..
.. سبحانك اللهم وبحمدك اشهد ان لااله الا انت استغفرك واتوب اليك ..