شخصية مجهوله شخصية مجهوله مخصصه ( فقط لطرح المشاكل )

السلام عليكم ورحمة الله وبركاته
اتمنى تلاقون لي حل مع مشكلتي اللي لها فتره طويله
انا أمرأه متزوجه من عدة سنين
لي عدد من الاطفال
زوجي متأكده انه يحبني بس ما اعرف اذا كان حبه لي تعود او غيره
مشكلتي معاه هي الضرب والتجريح باللسان
لسانه سم اذا زعل يطلع كلام يجرح ويذبح ولو فتحت فمي بكلمه او رد على طول يضرب
طبعا هذا اسلوبه حتى مع اطفالي
ينصح الناس ويتكلم على اخوانه وحرام عليكم وزوجاتكم واطفالكم وكيت وكيت بس احنا لا
صحيح انه يرجع ندمان ويعتذر بس في كل مره يعاهدني تكون الاخيره بس يرجع يعيدها ثاني
تخيلوا في مره جاني ارتجاج في راسي بسببه من قوة الضرب على الارض
وفي مره قدام شغالة اهله ومره ثانيه قدام اختي ومره قدام اخوانه
ومره قدام حريمهم عاد اخر مرهرحت لاهلي وخليت عياله عنده رجع متندم وعاهدني قدام ابوي وابوه ما يعيدها وطلبت رضاوه خمسة الاف وجابها
امس العصر كنا معزومين وصارت سالفه تافهه لأنه يتهمني بالكذب قدام اخوه اني متأخره وهو السبب وربي عصبت قلت لاعاد تكذب كل شي تحطه براسي رماني بالشبشب وماجات فيني اشرت له بحركه انك ماعاد تهمني رجع علي بالكف على وجهي وربي رحت العزومه وصدري ضايق كان واضح علي اني متضايقه بس انا قلت للجميع اني مريضه

اليوم ارسلت له رساله مفادها انه يشوف حياته ويتزوج بعيد عني وعن عيالي ابي احس بالامان والله العظيم تعبت كل يوم اقرا الاذكار عشان افتك منه ومن مشاكله هل تتخيلون القلق النفسي اللي انا فيه طلبت منه يطلع من حياتي لأني مو قادره استمر معاه صحيح اني باقي صغيره بس ما اقدر اطول بهالمعاناه والتعب النفسي

اختكم المجروحه

وحشتني الذكريات ..:: مراقبة عــامه ::..

ياحياتي
الله يفرج همك ويصلح الحال
صدقيني لو تزوج وشاف حاله راح تزيد همومك زياااااااااده عن الحين
فكري زين
لحظه / وين اهلك ....
خير يعني يضرب بنتناااااا ونسكت له
وكلي امرك لله ثم اهلك وعزوتك وخليهم يتعاملون معاه بالتصرف اللي هو يتصرفه معاك ...
يعني تضرب بنتنااا نضربك ونتوطى بطنك .. .......
وربي يتوب ويخاف وخصوصا اذا اكل ضرب وعرف كيف مقدار الالم اللي مسببه لك ولعيالك



شي يقهر وربي
لا تساامحينه ولا تقبلين اعتذاره اذا جاء واعتذر لك الا بشروووط
واولهم /
مااله حق يمد يده عليك
مدام انتي ما غلطتي ...


وربي يفرج همك ويصلح الحال يااخيتي

تحياتي /
ورد الحربي

توقيع
يارب اهدني ثم اهدني ثم اهدني ثم خذني اليك روحا طاهره
صوت الشرقيه ..:: عضو ::..

رمضان مبارك
أولا/ماله اي حق يمد يده عليك لان الي يضرب أمره انسان ضعيف وشخصية ضعيفه
ثانيا/اهلك مفروض من المره الاول يوقفونه عند حده وصديقني ياختي الخمسة الف ماهي حل
روحي لشيخ اذ عندك اخون كلميهم يتفهمون معه يمكن ربي يهديه
ثالثا/ تبين الصدق ان أختي بداية حياته الزوجية ضربه زوجه وجت واشتكت طبعا حنا ٧اخوان
طلبنا من الولد ما يتدخل في الموضوع المهم طلبنا الزوج عشان يقبلنا طبعنا ازمنه في الاستراحة بعيد عن الولد المهم يوم جا الاستراحة ضربناه ضرب وجلد لين عرف ان الله حق و وعدنا ماعاد يعيدها ، والحين صار لهم ٨ سنوات ماعاد مد يده عليها وتوب

ياختي بعض الأزواج يحسب بنت الناس لعبة بيده و مهمه الا الامور الجنسيه

الله يوفقك وييسر أمرك

الهاوِي موقوف مراجعة الإداره

من وجهة نظري أخيتي إما أن تصبري وتتحملي زوجك وعلى فكرة هو لن يتغيّر طالما أنه كررها وفعلها مرارا وتكرارا ،ولم يرتدع ،ولم يجد العقوبة من أحد ومن أمن العقوبة أساء الأدب ،والله يعينك عليه لأنه كما يبدو لي ولاتزعلين مني اختي لئيم وحقير وقليل أدب وشخص ماتربى ،واللي يمد يده على زوجته ليس برجل بل إنه أخس من الخسيس مع احترامي له ،والحل الثاني وهو الراجح لدي كرامتك فوق كل شي اتركيه ولاتعودي له مرة أخرى لأنه سيستمر بأهانتك ،ومافعله لايقره عقل ولادين ولا منطق ،وهل يعقل أن يقوم رجل عاقل بضرب زوجته أمام الجميع ! إنني على يقين بأنك بين نارين إما الصبر وإما الطلاق والثاني وربي أرحم لك من هالشخص الغير سوي وأنا متأكد بأنه يعاني من شي ،ولا أريد الدخول في تفاصيل هذا الشي لأنك أدرى الناس به ! وأخيرا أعانك الله .

أرواح هائمه ..:: جديد ::..

حبيبتي انا اشوف كرامتك فوق كل شي

وماراح يعتدل دام انه كررها اكثر من مررره

هذي اهاانه لك .. ادعي الله ان ربي يختار لك مافيه الخير حتى لو كان بالانفصال

بس خلي الانفصال اخر شي تفكري فيه عشان خاطر عيالك..

تحياااااتي ,,,

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

Powered by: vBulletin
 ©2000 - 2024, Enterprises Ltd.
المنتدى برعاية مميزون العرب للخدمات الرقمية
www.z777z.com
Adsense Management by Losha
( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )
جميع الحقوق محفوظة زوجــي و زوجتــي عالم الحياة الزوجية
جميع الحقوق محفوظة زوجــي و زوجتــي عالم الحياة الزوجية