فنون لا يتقنها ألا السعوديون .. << لآ يفوتكم ! - زوجــي و زوجتــي عالم الحياة الزوجية

التسجيل مجاناً
إتصل بنا

التسجيل مجاناً

زوجــي و زوجتــي عالم الحياة الزوجية المنتديات العامة الدليل العام فنون لا يتقنها ألا السعوديون .. << لآ يفوتكم !

فنون لا يتقنها ألا السعوديون .. << لآ يفوتكم !

حبيبة عزوز ..:: عضو مميز ::..

فنون لا يتقنها ألا السعوديون .. << لآ يفوتكم !

صباحكم مسائكم ورد مجفف

طبعاً فيه فئة في مجتمعنا السعودي بسم الله مشاء الله خمسه وخميسه عليهم
يتمتعون بمواااهب وفنون عجيبه غريبه واتقان للمهارات
بشكل ممتاز مماجعلهم محط انظار الكثيرين من الناس وللاسف هذي الفنون لاتودي ولاتجيب

اللقافه ثقافه كما يقول الكثير > وانا مع هالعبارة آحيآناً
واللقافه هي عبارة عن شي مخفي داخل جسم الانسان لم يتوصل العلماء لااسمه حتى الانسان
يجعل الانسان في حالة تلهف وشفاحه لشيء يود سماعه من شخص اخر
واللقافه عندنا بالذات يالسديراويين بزود يعني
والله يافي ناس اللقافه عندهم تمشي ملييييووون تحس تصخنه لو مايسأل ويتلقف وشو ليه كيف متى
مثلاً تأخرت على ربعك بالاستراحه ولاماحضرتي عزيمه مارديتي على جوالك
تجي من بكرة يشوفك ولايتصل عليك
وراك ماجيتا . ؟ منهم هالناس ؟ كثيرين ولاواجدين ؟
وش عشيتوهم ؟ متى جوكم ؟ متى راحوا ؟ يقربون لكم ؟
وهكذأ من الاسئلة اللي لاتنتهي ..
> طبعاً فيه اسئلة من اللي ذكرت نسألها بس موب كلها عاد
عند الحريم مثلاً معزوومات عند قهوه ولانفاس ووحده منهن ماراحت من بكرة تدق على اي وحده راحت
وش زينوا وش حطوا من جاهم من راح وش لابسه النفسا ؟حلو مجلسهم وش حلاهم وش فطايرهم
كشخه ولاعادي ؟عندهم ناس واجد ولا انتم ... الخ < اتعب وانا اكمل > المخآبرآت مآيسألون هالأسئلة
آخيراً مثل للحين اذكره من يومي صغيره للحين مانسيته
اللقافه قرافه
> تناقض مع المثل اللي فوق

مقوله سمعتها ومدري هي صح ولا لا
يقولك مافيه شعب زي الشعب السعودي يتقن ميزة التحطيم
وهذي نقطه ايجابيه تحسب لنا ع الاقل تفوقنا في شي
والتحطيم فن يعتمد على زعزعة الثقه في نفس الشخص بكلمة تجعل الشخص يكره نفسه في بعض الاحيان
جاي مستانس شاري لك شي وبتتشقق من الوناسه به
يجيك رد كالصاروخ وععععععععع وش هالذوق المخيس
كنه حق عبيد وتكارنه
> حالتها تكره اللي شريت وودك تكسره وترزح به في جبهة اللي حطمك
شي اسمه مجامله ابدن مافيه الا من رحم ربي
شارية تنورة وكاشخه فيها تجيس امتس ولا احد من اخواتس
استغفر الله وش هالتنورة حقت جيازنه وع كنها خيشه وع كنتس زيديه فيها
> مدري الجيازنه مالهم رب ولا ايش
لا وتحطيمات الشياب تجي غيييييييييير تحس تنلخم عقبها ماتدري وش تقول
اشين شي جدي لاصار قافله معه وقسم صواريخ وقذائف تحطيم تصيحك الا حبتين
ولاقاعد مع واحد تسولف معه بكل براءة تعلمه انك مثلاً شريت شي جديد وكذا فجأه يقول لك طيب وش اسوي لك > الشرهه ع اللي يسولف معك انت وراسك
ولا منجسم بالسالفه وتشرح فجأه واحد من المبزره اللي قاعدين معكم يقول
ماسمعتوا اخر خبر ؟ < يعني كأن مافيه واحد هنا قاعد يسولف > ساعتها ودك
تفقع وجهه باقوى ماتملك
تشوف اثنين يتناقشون واحد يسأل الثاني دخلت نفسك معهم وسويت فاهم
يجيك رد يخليك تاكل تبن حنا سألناك الحين
ولد عمي يصيح مسويه فيها فاعلة خير اقول له تعال العبك سيارات حملت له لعبه اقوله ها وشرايك يقول وعه > حتى اطفالنا الاعزاء يتقنون هذا الفن
صديقتي تقول يوم كنت بخامس المعلمه سألت سؤال وانا متحمسه اعرف الجواب المهم وقعدت افكر فيما تقوم البنات وانغمست في التفكير وقومت بنت ثانيه وانا افكر
مادريت عنهم تقول وهي تصحح الدفاتر قمزت قلت الجواب ناظرتني بعديين قالت جاوبوها والمشكله اللي قلتيها تو قديمه مو الجواب نفسه > تحطيمه وفشيله بنفس الوقت
جآي واحد تبشره بشي تقول له خبر يقولك داري > الله يقطع اللي يجي يقول بعد ولابتقول شي جديد يجيك الرد الاليم > قدييييييييمه
آذكر دآيم هالموقف يصير لي مثلاُ يصبون عصير ولاشاهي ولاشي من هالقبيل
ويمدونه لي اقول لا لا والله مابي يقولون موب لتس لفلانه > أليييييمه التحطيمه
مثل من عندي ~> التحطيم يدمر الصميم والعقل السليم > شدعوه مخدرات خخخ

يعمد اليه احد المتحاوران بحيث ان جسمه يكون معك بس عقله موب لمك
> يعني يعطيك جوك بس مايدري وش تحسي عنه
تسأله عن شي يقول هاه وشو وش تقول ؟ ... يقول لك توني قايلك كذا ماسمعت ...
قال معليش ماانتبهت > الا والله تسلك ...
ولا قاعد تشرح له ومتحمس ومدري وشو تلقآه فجأه يضحك تقول ليه تضحك يقول ليه ماكنت تقول شي يضحك تو > اكبر مثال ع التسليك
متحمس جاي له تقوله سالفه وخلصت يقولك ايه كمل كمل >
السالفه قضت وانت كمل > تسليك على مستوى
في المسن معصب وجاي تشكي لاحد يقولك ايه ايه وتبتل ايه > تقوله وشو ايه قاعد اشكيلك وانت ايه ايه
> يقولك منيب فاضي لك > طيب من اول قل لاتسلك
ودايم تصير معنا مثلاً شفت واحد قلت من هذا يقولك فلان ولد فلان عرفته تقول ايه ايه > وانت اصلا ماعرفته بس تسلك
ولاتشوفين وحده تقولين من بنته هذي تقولتس فلانه اخت فلانه بنت فلان عرفتيهم تقولين ايه ايه >تسلكين طبعاً ... تكرر السؤال للتأكيد تقول هاه عرفتيهم
تقولين ايه ايه بنات فلان > الا انتي ملخبطه وجايبه عائلة ثانيه مال امهم دخل في السالفه
> وش يدل عليه انتس تسلكين ....
لابسه لبس جديد تورينه اختس ولاامتس ماتدرين الاهم يقولون لتس وع وش هالخلق ليه شاريته > طيب هماكم تقلون في المحل زين ولاتسلكون لي ؟! > اكيد يابعدي يسلكون لتس
ومن المواقف الجميله في التسليك وحدهـ آعرفهآ تقول دآخله محل مكيآج ومآمكيآج وانتم تعرفون اول ماتدخلون هالمحلات على طول يجونكم هالشوام والمصاريا طايرين
تبين اخر عطر نزل اخر روج اخر بلاشر ... الخ > عآد حنآ هنآ مانعرف الانسلك

المهم اختنآ في الله تبي تشتري روج طلع لهآ هاللي يبيع روج وقعد يشرح لها الصناعه وهالنوع فيه لمعه وهذا يعطي رونق ومادري ايش <- بعذرنـآ لو سلكنا من هالخرط آلمهم هي كانت واقفه جمب ـآمها وآمها كانت تكلم بالجوال وعاد هي قاعده تسمع امها وش تقول
وـآخينا بالله ماغير يهذر وهي تسلك ايه ايه آثره سـآلها اجيب لك منه وهي عاد قالت ايه ايه
يوم قفلت آمه آلجوال اثر الحبيب مولم لهم الروج وبيعطيها اياه قالت وشوله قال ان سألتس تبين مثله قلتي ايه تقول ومير اذكر اني كنت اسلك له وكل ماقال شي قلت ايه ايه

مره مستانسه فاله شعري كذا ومستشور طالع يهبل
رحت لجدي وانسفه يمين ويسار قلت هاه جدي وشرايك بالشعر قال هاه ايه ايه زين زين > وقسم حسيت في قرارة نفسي انه يسلك لي حتى ماكلف نفسه يناظرني
لا واشين شي تسلك لواحد وانت فيه النوم .. والله يافي وحده قالت لي موقف شي .. تقول اختي فيها النوم وتسولف عليها بنت خالتها المهم ونامت وذيك تسولف يوم جا من بكرة
قوموا البنت طمرت قالت ايه ايه فلانه كملي > ولو تراها ماسلكت ابد مانست السالفه
التسليك تسولف مع واحد مايبيك > حكم حكم

هو عبارة عن كلمة تنطقها يعصب منها السامع
لكن سرعان ماتتدراك التعصيبه وتبدلها بكلمه ثانيه يتحول بعدها الغضب الى رضا
عآد الترقيع آعتبرهـ آنآ موهبه من الله لآن موب كل واحد يعرف يرقع ..
لان فيه الناس الله المستعان ترقيعهم على غير سنع او بالاحرى مايمشي على غيرهم
طبعاً ياكثر المواقف اللي انحط فيها تستلزم مني الترقيع واكثرهآ بالمدرسه ..
آذكر مرة كنت آكل علك عند معلمه ومعطيتها ظهري واسولف مع البنات
قالت تآكلين علك قلت هاه وشو لا لا بس ضرسي يوجعني > وفعلاً لحظتها كان ضرسي يوجعني > ومشت عليها
ومرة بعد منسجمه مع شرح المعلمه ولاوحده من البنات نقزت عند اذني
قالت اسأليها متى بتعطينآ شهادات التكريم > بالله هذا وقته
قلت طيب طيب ومادريت الا المعلمه تقول وش عندكم وش تحكون فيه قلت
هاه ابد تسألني عن برنامج متى يجي قالت وشو هذا البرنامج
قلت ابد برنامج كواليس يجي في قناة ار تي 7 > ادعسسس يالترقيعه ومشت فعلا
بس احس الشيبآن ماتمشي عليهم الترقيعه لو اقعد ارقع لين بكرة احس ابطي عظم يصدقوني
وقسم اشين شي ودايم تصير لي اذب على المصاريا
مادري الا فيه مصريه قاعده يان وجهي يضيع لحظتها واقول هاه لامهوب المصريين اقصد الاردنيين
مرة تقولي مرت عمي ذاكري مابقى ع الاختبارات الا شهر قلت الله اكبر لو اني مصريه اذاكر
من الحين مادريت الا فيه مصريه جنبي قلت هاه اقصد
لواني وشو اذاكر من الحين لاحقه ع المذاكرة ومرت عمي تغمز وتنبز فيني قالت المصريه عادي عادي خذوا راحتكم بترقعها مرت عمي قالت ترى هذا دليل
على ان المصاريا اذكيآء يذاكرون وكذا >و نعم الترقيعه
وبعد مرة بنت خالتي ولدها يلمم فيها وكذا ويحبب قلت ولدتس مصري يحبب ويخمم فيتس وتغمز لي اثاري فيه مصريه جنبها بس تقل ماانتبهت
قلت لا بيطلع سوداني > حسيت اني خربت ام السالفه وفضحت عمري
ومن الامثله على اللي مايمشي ع الناس
تقول الفتاه المكلومه اللي هي صديقتي> حسيت اني اقص قصه فيها ابتزازخخخ
مره كنا جايبين حب انا وبنتين معي وناكل في الحصه في الرياضيات ونستهبل وعندنا ابلاء مخفه وكل شوي تقول ترى ابعلم عليكم الأداره
سلكنالها احنا وماعطيناها وجه وراحت للمديره ماتوقعناها تسويها خافو البنات قلت ماعليكم انا دبرها لكم .. وخذنا الحب وحطيته في الدرج وجت المديره رحت قدامها
قالت وين الحب فتحت يديني قلت مامعي حب الا صارت قشمه ناشبه في يدي
> سبحان الله دايم المجرم يترك اثار جريمته
قالت وهذي وشو تلفع وجهي قلت مدري سبحان الله يمكن جت من الدريشه >> خخخخخخخ قويه الترقيعه اي دريشه يختي
وبعد تقول ومره المعلمه قالت كلمه غلط في حصه عربي وضحكت عليها مار توقفني قااالت قولي لي ليش تضحكييين قلت مدري حر والله > صار الحر يضحك دنيا عجيبه فعلا
وهذي ترقعيتنا دايم لاتآخرنا عن الحصه الرابعه قلنا ماسمعنا جرس الفسحه دق > الا نسوي نفسنا مانسمعه
نكمل مع المواقف تقول ولا مره قالت المديره ليش متاخرين من بعد الفسحه قلت وش اسوي قاعده اركض يالله وصلت ومسويه الهث وكذا انا تعبت بالركض>> من كبر المدرسه يعني
شعب رائع فعلاً يتقن فن الترقيع بآنوآعه
قلت كلمة وحسيت انها ماعجبت اللي حولك ~> الترقيع هو الحل السريع

هذي المواهب والفنون غيض من فيض وللحديث بقيه بس مدري متى خخخخخ
اهم شي وحط هالشي حلأه في ودانك
ارفع راسك انت سعودي غيرك ينقص وانت تزودي
وسلامتكم

همسات غريبة ..:: كـــ vip ــــبار الشخصيات ::..

هههههههههههههههههههههههههههه

هلا والله باهل السعودية ولجافتهم

تحيااااتي

توقيع

رجعـــــت للمنتدى.. وكلــــي شــــوق لكـــم

مـشــتـآقة لــكم مـــآتدرون شكثــر مشتـآقة
مشتـــآقة لــكـم أكثــر من الشـــوق فينــــي
كثــر المحبــــه والغـــــلأ كثــر الاشوأق
كثــر الغــر1م اللــــي فضحنــي بعينـــي

عـطـر 7ــساس ..:: عضو مميز ::..

ههههههههههههههههههههههه احلى شي الترقيع فن لايتقنه الا الفنان خخخخخخ

تسلمييين عالطرح

توقيع

يَدري { إنّ أسْبآب ضعْفِي " نَظرته " . .
يَدري { إنّي مآ أقأومْ . . " ضَحكتَه " . ~
يَدري { إنّ الْروُح ،. مآ تِغلى عَليه !.!
{لَو دَعآها } ،، جَت تلَبي ‘ دعْوتَه ‘

فاقدة الحنان ..:: عضو مميز ::..

انت اولهم اتقنت التحطيم
ليش كذا متحاملة على السعوديين تراك على الهواء الكل يرى و البعض ما يصدق السمعة السئية يلصقها في السعوديين من الغيرة طبعا واتن كذا بنت السعودية وتزيدي الطين بلة
كل مكان فيه حاسد وملقوف ومفسد ومصلح وفاشل وناجح
سامحيني على الرد القاسي

توقيع

:sa7l. (42):
[rainbow] زوجي الحبيب كم احبك!!!!!!
فاجعل رضاي نصب عينيك[/rainbow]

أنتظرتك ..:: عضو مميز ::..

ههههههههههههههههههههههه
صدقتي حبيبة عزوز
اشكررررررك

توقيع

<<, ألا, السعوديون, يتقنها, يفوتكم, فنون

الموضوع التالي

قد يُعجبك ايضاً

الصمت .. اجابة بارعة لا يتقنها الكثيرون... ! السعوديون يستغلون أجواء العيد في صنع «الأمثال الشعبية» السعوديون و شاعر المليون لا يفوتكم للهدايا فنون

Adsense Management by Losha

( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )