شوف عيني وأنت تـدري بـ أنكسـاري - زوجــي و زوجتــي عالم الحياة الزوجية

Booov4live ..:: عضو مميز ::..

-

((( إنكساري )))

أنكسرت من الفراق وشوف عيني

شوف عيني وأنت تـدري بـ أنكسـاري

كل ما مدّيت لوصالك يميني

رحت تتجاهل يميني مع يساري

حتّى صرت آشوف جرحك في يديني

في يديني لـ جور صدّاتك .. مـواري

حس فيها .. لا.. بلاها .. حس فيني

لاتعبرها .. لكن .. رد أعتـبــاري

وين مقفي؟ جعل منت .. بمنتويني

بالجفا . والخوف . وأنواع العـزاري

ياهلي . يانصف ربعي . ياخديني

يا مواني غربتي . يــاروح داري

ياشموخي . يا أنكشافي . يا دفيني

ياعلوّي . يابقائي . يا أنحـداري

يا بداياتي . يا مائي . يا أكسجيني

يا أندثاري . يا أعتدالي . يا أزدهـاري

يا بلادة حسّي . وقمّة حنيني

يا أختياري.لا ..يا عشواء .. أختياري

أعشقك من عادني في أول سنيني

لين صرت آخذ مع نفسي قراري

من عرفتك وأنت ثالث والديني

واللّجوء أليك .. يعني لك فراري

ضمّني خل الضرر بينك وبيني

الضرر من ضمّتك .. شي أضطراري

خل يدّينك من الجور تحميني

من جمودي عيشني .. لين أنصهـاري

كل ماضاقت بعيني .. يا معيني

أبتسمت وصار لي ليلي نهاري

فلا سكتت .. تروح بالطيش اتحكيني

رجعي بطبعك وباسلوبك حضاري

ماذبحني فيك الاّ أنّك تبيني

وماسحرني؟ الاّ حكاك الإستعاري

لا حكيت آحس بأشياء .. تعتريني

ويخشع قلبي وتطري لي طـوااري

آعشق حكيك وأحفظه يا ضنيني

حفظ أبن تيميّه لـ حكي البخاري

ولا سرحت آآحط يدّي في جبيني

وأرجي الله مايطوّل بـ أنتظاري

أدري أنّي عندك وأسألك ويني؟

داري (ن) لكن ماكنّي بـداري

لين شيطاني تلفّظ كلمتيني

ورحت منّي ماتبي سمع أعتذاري

لا تبكّيني وتفرح عاذليني

لاتخسّرني بعد كبـــر أنتصاري

لاتخلّيني بعد فيضة كنيني

وأنت خابرني على الوصل .. أنتحاري

لاتروح بروحتك؟ كلّن يجيني

ماني مكااابر .. ولا حتّى مداااري

أنكسرت من الفراق وشوف عيني

شوف عيني وأنت تدري ...... بـ انـكـساري...

سعد علوش ...