ما أدري من وين أبدى بس أنا بنت تزوجت بشهر سبعه وجلست مع زوجي شهر وهو مالمسني ابدن يعني بنت بكر بعد الشهر اهله قاموا يسئلون ويدورون ورا ولدهم وليش ماحملت ومن هالكلام انا كنت ساكته قال هو لأمه اني مالمست البنت ولا جيتها قالت له امه ليش قال هي ترفض وهو اصلا ماحاول عشان انا ارفض امه بدورها جلست تزن زن ع راسي لين ودوني مستشفى هي وولدها ونا معهم معهم مدري شسالفه رحنا المستشفى ودخلت عالدكتوره وكشفت علي وبعد ماكشفت جا سؤال كنه طامه ع راسي سئلت ام زوجي الدكتوره وقالت لها اهم شي عندنا هي بكر ولا لا يعني سبحان الله ولد مالمسني وش بكون غير اني بكر ؟؟ عجبي بس المهم
قالت الدكتوره هي بكر وسليمه واي رجل يقدر يجامعها طبيعي قال زوجي افتحوها بعمليه جراحيه قالت له الدكتوره مستحيل عمليه وتكاليف ماينفع ع شي مايسوى وجلس يترجها شوي ويبكي :crying: انا انصدمت منه ماتخيلت بووه رجال تسذا وتقوله فيها خطوره عليها يقول عادي المهم بعد الترجي بساعات الطوال قالت بعطيها ابرة بنج منومه وكتبتها بورقه المهم من بكره راح فيني المستشفى يبي يعطيني الابره ونا معهم معهم مدري شسالفه كل المستشفيات رفضو يقولون هالابره ممنوعه ومو مصرح بها وخطيره كثرت المشاكل بينه وبينه صار توتر وامه تدخل وبعد مره اخته عزمته للعشا اخته طبعا عزمته لوحده وهو قال لازم تروحين معاي ورحت وليتني مت قبل اروح اول مادخلت عندها قالت وش تبين انتي اطلعي برا مابيك تتعشين ببيتي زوجي كان واقف وسمع اخته وش قالت قالي خلاص روحي انتظريني بشارع لين اتعشا وجيك ؟؟؟؟؟؟؟؟؟ حسيت شي صفق براسي وش انتظريني بشارع العشا اهم من كرامتي ؟ طيب انا مدري ليش انطردت ؟ اسئل اختك ليش طاردتني ؟ شسويت ؟ ححسني اني عند زوج ؟ المهم طلعت الشارع وجلست ابكي ساعه ونص لين الاخ تعشا وشبع ونزل وسكت واقول بصبر بصبر بصبر مالي اربع اشهر من تزوجت رحنا البيت طبعا مايصرف علي ولايجلس معاي وياكل هو برا ونا ماشوف الاكل وطبعا مايلمسني لانمت يصحيني من النوم اطبخي لي الحين ونا بعز نومي اقوم اطبخ ولاطبخت وحطيته عالسفره يقول كليه انتي مابيه دايمن يسوي هالحركه ودايمن انا الغلط وهو الصح مهما كان يكون وجامعتي مايبيني اداوم ومايبيني اكلم احد وصبرت صبرت صبرت اخر شي ضربني قسم بالله لو انا غلطت بسكت بس بدون سبب ضربني قالي شيلي التيشيرت حقك قلت سبر بس بكوي الجكيت وبشيله وقام ضربني
رحت بيت اهلي خلاص طفح الكيل وجلست اسبوعين طبعا اخذت ذهبي وشوية ملابس بعد الاسبوعين هو جا عند اهلي وقال لابوي انا احبها واوعدها بتغير ومن هالكلام انا عفته وعفت كل شي فيه قلت لابوي مابرجع قال هالمره عشاني ولو يغلط عليكك مره ثانيه بربيه تخيلو ركبت السياره وهو معبس خشته:angry8: ونا معبسه فيسي فجئه بنص الطريق وقف وفتح شنطة السياره وفتح شنطتي واخذ الذهب كله واخذ الفلوس الي معاي وقااالي شفي ياحلوه لاتفكرين بطلقك ونتي مو خسرانه شي انا اخسر سمعتي ونتي تطلقين ونتي بكر انسي انسي والله لتعبك نفسين ونزلني بوسط الشارع انا وشنطتي وقال انقلعي خل ابوك يربيك ودقيت ع ابوي وجاء اخذني كنت منهاره كرهت نفسي كرهت كل الرجال كرهت الصبر والوفاء بعد شهر امه دقت علي تسبني وتدعي علي والله انها تدعي علي دعاء يهز البدن ونا بنت يتيمه شيبون فيني يبهذلوني وسكت راح سحب ملفي من الجامعه هدم علي مستقبلي ارقامي فصلها ملابسي قطعها وكبو عليها عصيرات ومكياجي وعطوري كسروها وارسلوها ع بالهم بيحرقون قلبي الحين صار لي عند اهلي 3 شهور وخلاص مابغاه لو يعطيني كنوز الدنيا بس هو مايبي يطلق من نفسه يقول تبي الطلاق تدفع مية الف هم ساكتين عشان يبون مهرهم الحين شسوي اجلس معلقه ولا شسوي لاتقولون ارجعي والله تعبت وصبرت مافيه الكفايه الطلاق الحل بس لو طلبته انا الشيخ بيحكم له كل المهر يرجع ؟ الرجال فيه عيب ؟ ولا لمسني ولا جاني ؟ يعني فيه امكانيه ماينحكم له شي او ينحكم له بنص المهر افيدووني قسم بالله بطق حسبي يالله ونعم الوكيل اللهم ابلاهم بمرض ماله علاج اللهم زلزل شملهم وشتتهم:crying: لتقولون احد يدخل بموضوع كل الرجال الي حاولو يصلحون يوم عرفوا اخلاقه انسحبوا طبعا ابوه لاحياة لمن تنادي الحريم هم الي يمشون كل شي طولت عليكم بس من حرتن بقلبي قال شنو زوجي انا بعضه وهو كلي عسا الله ياخذ عمره وارتاح