فتى زهران ..:: عضو ::..

بسم الله الرحمن الرحيم
السلام عليكم ورحمة الله وبركاته
أسعد الله أوقاتكم بكل خير
أحبابي قصتي طويله عريضه ما تتحملها الجبال ولكن لا أقول إلا الحمد لله على قضائه وقدره
لعل الكثير من المشرفين والمشرفات يعلمون بقصتي السابقة مع زوجتي الأولى
إنتهت العلاقة بيننا بأمر قضائي من المحكمة وتزوجت والله يستر على عباده كل واحد راح بطريقه
تزوجت بأخرى أسأل الله أن يصلح حالي وحالها
بكل أمانه ما أقول فيها الا كل خير
لكن المشكله حدثت ليلة البارحه حيث أن أبنائي من زوجتي الأولى يعيشون معي في البيت
الأولاد الله يصلحهم جلسوا قرابة 4 سنوات مع أمهم ولا شافتهم عيني خلال هذه الفتره
وإذا جينا ننام الأولاد يبكون ما يبون يجلسون لحالهم وحنا نايمين
فقلت لها البارح بخلي الأولاد ينامون معانا في الغرفه مع أخواتهم
وياليييييت ما قلته
أنا والله ما قلته إلا من خوفي على أبنائي يصير فيهم شي من البكاء والخوف
المهم الحرمه الله يهديها ما مداني أقول لها ذا الكلام إلا وقامت تصايح وترفع صوتها
قلت لها يا بنت الناس الأولاد لا يجيهم شي من الخوف والبكاء
قامت تصايح زياده وتقول إذا منت واثق فيني وتخاف اني اسوي فيهم شي ليش تجيبهم ومن ها الكلام
قلت لها تعوذي من ابليس وصوتك لا يرتفع علي
قمت وديت الاولاد غرفتهم وقلت بنام عندهم وأيضا يا ليتني ما سويت اللي سويته
راحت وأتصلت على أمها بدون ما ادري وأنا نايم
ولا دريت الا وامي تدق علي تقول وش اللي صاير عندكم
قلت ولا شي / قالت الوالده أم زوجتك دقت علي وتقول كيت وكيت وكيت
قلت لها أنا لا دقيت ولا شي هذا انتي دقيتي وانا نايم والمفروض شي صار بين 4 جدران تبقى بينها
الوالده بينت لها اللي صار قالت تعوذوا من الشيطان هذا ابليس دخل بينكم ومن ذا الكلام
روحت لزوجتي الا وهي تكلم امها قلت لها ومن قال لك تدقين على امك
وترفع صوتها على وامها تسمع / قلت لها صوتك هذا زاد عن حده وهذي قلة أدب
ولا دريت الا واخوها دق علي يقول ترانا جايين
قلت له والله اذا جيتم مالكم الا الحشمه والكرامه ولاهي رايحه معاكم
أنا مادقيت عليكم ولا قلت تعالوا مشكله تحصل في كل بيت أنا ما أدخل الأهل فيها والله يستر عليكم لا تجون
بعد ما قفلت ناديت زوجتي في المجلس وحوار دام ساعتين والله طلعت أسبابها واهيه
أيضا هديت الوضع وقلت لها روحه منتي رايحه وأهلك ما احد بيجي الا اذا بيجون زياره حياهم الله
من احد الاسباب للأمانه اللي قالته ( إني دايما جالس في المجلس )
وهي صادقه لأني إنسان مدخن ولا أدخن في البيت داخل وجالس في المجلس والباب ما عمره تقفل
دايما الأولاد والحرمه والبنات موجودين عندي ونتكي ونسولف لكن أخذت هذا العذر سبب
المهم الحين الحرمه الله يصلحها ما عندها الا تبي تروح بيت اهلها وش الحل؟

توقيع
.
.
.

.
تملكني غلاك ..:: مشرفة المنتديات الإسلامية ::..

وعليكم السلام ورحمة الله وبركاته
الله يهديها ويصلح بينكم انت ماغلطت تصرفك سليم مليون بالميه كيف يعني تبغاك تشوفك اطفالك
خايفين ويبكون وتتركهم !وش عذرها لاراحت بيت اهلها زعلانه عذرها انك نمت مع اطفالك!!الله يهديها
حاول تصلح الامور بينكم بدون تدخل احد اجلس معها وقول لها شلي مضايقك اني نمت مع عيالي ولا وجود عيالي بكبره مومتقبلته اذا ع النومه حاول تقرى عليهم قبل النوم ايات السكينه وخلك جنبهم لحدما ينامون اذا نامو روح لها اما اذا مومتقبله وجودهم فنصيحه خلهم عند امهم وخذهم يومين بالاسبوع طلعهم ومشهم وستانس معهم

توقيع
فلآش عجز لسآني وصفه وجزاه كل من عمله الجنة


أنصحك يَ تملكني غلاك مشاهدته..أتركك مع الفلآش:




[flash=http://www.emanway.com/media/flash/1271841618.swf]width=500 height=260[/flash]

كل دقيقه من أعمآرنآ >>أنفاس<< لآتعود
فلتكن لأنفآسك حلآوة {الأستغفار}في كل حين
وحشتني الذكريات ..:: مراقبة عــامه ::..

حي الله فتى زهران ....
ايه طبعااا اذكر كل مشاكلك ... والله يوم قريت العنوان قلت في نفسي كلمه ان شاءلله ماتزعلك . قلت هذا لمتى في مشاكل من الاولى للثانيه قلنا تسنعت اموره وزان حاله واذكرك كنت مره كاتب عنها انك ارتحت معاهاااا ... وش صاااار .
يااارجال بغض النظر عن مشكلتك هذي او القديمه
راجع نفسك .... ايييه انت لاتقول هي وهي وسوت وخلت وحطت وجابت وانا وانا وانا .
لاااااا افهم كلامي زين انا متزوجه مثلك وعارفه زين ولي سنين خبره ... ابغى انبهك لنقطه انت غافل عنهاااا واللي هي .
شخصيتك .... اسلوبك راجع نفسك كيف طريقة تعاملك ما اقول انك خيخه او مره لين بالمعنى الاخر ... لااااا محشوم يا اخوي بس مقصدي .
يمكن طريقة تعاملك او اسلوبك مع حريمك الاثنين الاولى اذكرهاا تبطرت عليك وهذي الثانيه ماشيه على حال الاولى .. طيب والحل .. لمتى ؟؟؟ .
الحل ياطويل العمر .. راجع نقاط ضعفك .. يمكن الصوت العالي والهواش والصياح ودموع الحريم لاشفتهااا اثرت فيك ... تراااا بعض المواقف ماينفع لهاااا ياحبيبتي معليش .. لااااا
انا ما اقولك كفخها لا مقصدي انك تطور من نفسك بأسلوبك وطريقة تعاملك .. لاتقولي ياورد وش دخل هالعلوم الجديده انا اشوف حالك ماتعدل اشوف انك ماشي على منهج واحد في التعامل وهو اللي خلا حريمك يتبطرون ... ترااا لو تتزوج ستين حرمه بيتصير مشاكل ... والسبه انت ...
بعض الاوقات الانسان اللي مايقدر ولا يحشم ولت يحس بتعب غيره عليه .... يتمرد طبعا هذي فئه من الناس انا ما اعم بس مثلا انسان شايف مديره في العمل متعاون مره مثلا يسمح له يخرج من الدوام ويسمح لك يغيب ولايرفع عليه تحقيق ومخليه يسرح ويمرح ومره يكمل عمله ومره لا يعني بالعربي انسان محترم معاه تتوقع هالموظف بيحترم المدير لاا بيقول ياارجال والله ماعليك منه عادي اغيب ولاهو بيكمل واجباته ولا حقوقه في العمل ... بالعربي ماحسب له حساب .... والعكس لو المدير نظامي ويطبق القوانين وصارم كل الموظفين بيمشون زي الالف ويحسبون له الف حساب لانهم عارفين انه فيه عقاب .... هذي الحكايه زوجتك تمردت لانهااااا مالقت منك اي شده او تصرف حازم منك ..... لاتقول انا وانا لاااااااا اذكر سالفه حرمتك الاولى انك حتى واجباتهااا مخليها على راحتها مره تطبخ والف لااا وغير هذا صارف لها راتب كمان .. علمني وش استفدت من تجربتك الاولى .... ماتلاحظ انها تكررت مع الثانيه ... هذا اللي بوصله لك غير من نفسك واجلس مع حرمتك وخلي كلامك واضح لهااا ... اول شي واهم شي وهو سبب خرال البيوت هو مشاكلكم لاخرجت برا البيت عمرها ماتصغر الا هي تكبر وتكبى وتتشعب ويصير فيها حقد من اهلها عليك ... فهمها بالعقل اللي بيني وبينك مايظهر براااا لو على قطع الرقاب هذي خصوصيه زوجيه مو سوالفك انتي وخوياتك لازم تكون لك قوانين وهي تمشي عليهاااا الحياه كذا .. زوجي يقولي شي لازم انفذه لانه اعلم مني وافهم ولا اتعدى حدوده اللي هو مسويهاا ماجات هالقوانين بين يوم وليله لا مع الوقت هي بتفهم .. الله يصلح حالكم ويسهل امرك لي عوده

توقيع
يارب اهدني ثم اهدني ثم اهدني ثم خذني اليك روحا طاهره
نظره جارحه ..:: جديد ::..

هي معاها حق ايش الي اطفال في الغرفه ؟لكن اسلوب ماعندها يمكن منفسنه عشان حست اهتمامك بالاوباد اكتر منها وماشافت تميز بالمعامله هي تبي تحس بحنانك الخاص الي يحسسها زوجه حتى قدام اولادك عشان يحترموا خصوصباتكم ونفس الشي ماتهمل اولادك احلا شي التوازن في كل شي بالحياه

** احساس ** عاشــق** ..:: تاج المنتدى ::..

السلام عليكم

خلها تروح مع الف سلامه دائماً اذا شفت نفسك مو غلطان لا تجعل الغلط ينحط عليك
قل اذا جلستي زوجتي ومعززه مكرمه وانا ما غلطت عليك بشي واعتقد اي شخص
بيسوي مثلي وأكثر ومعي حق في اللي قلته واللي سويته وانتي غلطانه بتروحين بيت اهلك
الله يستر عليك وخلك حازم وجاد وكلم اخوها قل اختك الغلطانه وإذا انت معها
في الغلط تعال اخذها

وتشوف كيف بكره يترجونك ويعتذرون منك

اسأل الله لك التوفيق والحياة السعيدة

بعيدا عن المشاكل ترا في حريم اذا ما تضغط ع الزناد ما ترضخ ههههه وبعضهن تحب كذا
بعدين اترك المجلس ولا حط عندك سرير ضيافة لها يمكن ذبحها الشوق قصدي البرد قصدي الوحدة
المهم الله يصلح حالكم وأطفالك أمن لهم شغاله أفضل علشان انت ماتقصر معهم بشي والشغاله تسوي لهم
كل مايحتاجون من اكل وغسيل ملابس وغيرها وتشوف كيف تتغير زوجتك

توقيع

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

Powered by: vBulletin
 ©2000 - 2024, Enterprises Ltd.
المنتدى برعاية مميزون العرب للخدمات الرقمية
www.z777z.com
Adsense Management by Losha
( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )
جميع الحقوق محفوظة زوجــي و زوجتــي عالم الحياة الزوجية
جميع الحقوق محفوظة زوجــي و زوجتــي عالم الحياة الزوجية