أضحك كأن الضحك مش ضحكي
وأبكي كأني باشوف غيري بيبكي
كأني واقف أطل علي نفسي
وأصرخ لكين الحس مش حسي
يا فرحه كنتي تغيبي وتعسي
باجي أفرحك الاقيكي بتبكي
وأضحك الاقي الضحك مش ضحكي
نفسي أعرف الدنيا ليه بتلف ع الفاضي ؟
واللي اتهمتوه يا ناس أهو عينوه قاضي
ورضيت بهمي لقيت الهم مش راضي
قاسيه يا دنيا علينا وليكي سيف ماضي
وشايف الدنيا كيف؟ يا ماشي متغمي
مهموم أنا وحاسس ان الهم مش همي
الجرح جرحي لكين الدم مش دمي
وأجي أصدق عيني يبتدي شكي
وأضحك كأن الضحك مش ضحكي
مش ضحكي..!!