هلا فيك أختي
وكل عام وانتي بخير أسأل الله أن يبلغنا واياك شهر رمضان ونحن بصحه وعافيه
شوفي يالغلا الحكمه تقول العلم بالتعلّم والحلم بالتحلّم
الانسان ماخلق عالم أو حليم أوحكيم الانسان يعيش طول عمره يتعلم .. ويتعلم من الناس وتجاربه أكثر من الكتب
مشكلتنا نعلم اطفالنا العناد والعصبيه من غيرمانقصد وبعدها نعتب عليهم ونقول اشقياء .. الله لايجعلهم من الاشقياء ياارب
ياغلاي اللي تسويه بنتك ردة فعل لا أقل ولا أكثر هي يا انها فاقده حنانك وجالسه تسوي شغلات عشان تلفت نظرك لها أو انها تطبق تصرفاتك بما انك تقولي انك عصبيه
يعني ياغلاي اذا شفتي بنتك تسوي شغلات ماتعجبك حاولي ماتعصبين وحاولي تستخدمي طريقه من ثنتين .. ياإما انك تتغاضين ولو اني ما احب هالحركه ... أو انك تنسيها الشيء اللي تسويه بأسلوب هادي يعني تلفتي نظرها لحاجه تعرفين انها تحبها وتضحكيها وتلهيها عن اللي كانت مزعجتك عليه لين تنسى وبكذا تحس بحنانك وتنسى الشيء اللي كان تضايقك فيه ... والله يالغلا هذي افضل طريقه تروضين فيها بنتك لانها لسى صغيره والضرب والتوبيخ والعنف مابيزيدها الا عقد وعناد طول عمرها
المهم انتي تحاولين تضبطين اعصابك ولاتقولين ما اقدر .. لأ ان شاء الله مع التدريب والصبر راح تقدرين .. تذكري انك بتنشئي أجيال وهالأجيال ياتكون شاهده لك أوعليك لاقدر الله

والله يخليها لك ويحفظها يااارب

والله أصبتي يأخت ان ابنائنا نحن من نعلمهم العصبية حتى في رد فعلها وعنادها ترد نفس الحركات والاسلوب الي اتعامل فيه معاها لكن صدقيني نصيحتكي افادتني كثيرا وبإذن الله راح أعمل فيها الله يجزاكي ألف خير

في شررررررررررررررررررررررريط البوم كاسيت اسمه الا طفااال المزعجوون لا يفوتك

ابعطيك نقاط طبقيها
انا اخذت علاج للعصبيه ورتحت عليه
طبقت كلام جاني نصيحه
اولا خصصي وقت لطفلتك يكون لها لوحده ساعه بلعصريه مثلا
خذيها بحظنك وعينك بعينها لا تغصيها تناظر فيك اشوي شوي راح تناظر سولفي معه قولي لها قصه العبي معه دغدغيها لمدة 10 دقائق بعدين العبي معه غميضه اذا تعرفيها ارسمو سوى العبو الاعاب تحبها
وقت قهوتك انت وابوها احسبي حسابها بفنجان وكيك وملعقه وناديها تجلس معكم
اساليها تبن قهوه متاكده بتقول ايه قولي لها تبين اصب لك بفنجان قهوه ولا شاي
حاولي تسمين لها الاشياء مثلا وانت تلبسينها لا تقعدي ساكته لالا ابتسمي وسمي كل شي يعني (قولي يالله نلبس بجامة النوم اول شي البلوزه ادخلها بعدين اندخل اليد اليمين بلكم اليمين واليد اليسار بليد اليسار الحين البنطلون وهكذا وزرار انسكر ازرار الاول ازرار الثاني وشوي شوي بتحسين انها تغير

لانك اعطيتها حنان واهتمام دائما فاجئيها وهي تتفرج او تلعب من وراها وهي ماتدري ضميها بوسيها احمليها وقت النوم احكي لها قصة قبل النوم بوسيها غطيها واطلعي -----------دائما امدحيها قدام ابوها وانت تكلمين اختك امك سوي نفسك ماتدرين انها تسمع وانت تتعمدين انها تسمع وامدحيها بذات اذا سوت شي حلو لوطلبتي منها ترتب سريرها او رتبت العابها ---------------------------ادري كلامي كله دفش بس اتمنى اساعدك -------------عالمي وريف-----انا طبقت هذا الكلام وهي عمرها 4 سنوات والله تغير ت وصارت قمه بلادب والهدوء وتحترمني وتسمع كلامي وكنت الكل بلكل عندها -----------------اههههههههههههههوبعدين صارت لي مشاكل وكانت الضحيه بنتي بعصبيتي وتهوري خربت زهديت كل الي بنيته