**السلام عليكم ورحمة الله وبركاته**



خواتي الغاليات اليوم جايبه لكم بديل حليب نستله المحلى وبديل النوتيلا(شوكلاتة السندويتشات)...

ومن إختراعي والله يشهد علي وأحسن شئ إنكم تحفظونها في الثلاجه لمده طويله يعني ممكن إسبوع أو أكثر..

وهذي طريقة حليب النستله المحلى:-

المقادير:
3-بيالات حليب بودره..والبياله هي((الإستكانه-كوباية الشاي-قدح الشاي-الإناء الذي يشرب به الشاي))..أتمنى إنكم عرفتوها...
3-بيالات سكر..(خشن أو ناعم اللي يجي كله يصلح)..
2ونصف-بياله ماء..
رشة فانيلا حسب الرغبه(اللي يبي يحطها أو مولازم أنا أحيانا أحطها وأحيانا مأحطها)..
نصف ملعقه صغيرة زبده..

الطريقه:
توضع جميعها في قدر(طنجره) وتخلط بالسلك(المضرب اليدوي)جيدا وتوضع على نار هادئه مع التحريك المستمر علشان ماتنحرق حتى تغلي..بعد ماتبدأ الغليان نعد لها عشر دقايق أو ثمان دقايق ثم نطفي النار عنها ونتركها لين تبرد ونحطها في علبه زجاج ونحطها في الثلاجه وبعد كذا تستخدم وقت ماتبغون...

وهذي طريقة النوتيلا:-

المقادير:
1-علبة قشطة من أي نوع..
2-ملعقتين كبيره(حقت الأكل)كاكاو(شوكلاته) مسحوق (بودره)..
نصف ملعقه صغيرة نسكافيه..
2-ملعقتين كبيره حليب بودره..
1-قرطاس كريم كارميل(مغلف واحد فقط)..
2-بيالتين سكر مطحون..
رشة فانيلا حسب الرغبه..

الطريقه:
تخلط جميعها مع بعض في زبديه(باديه) وتضرب بالمضرب الكهربائي جيدا تم توضع في علبه زجاج(بطرمان زجاجي)..
وتوضع في الثلاجه لحين إستخدامها.. أنا أصلحها وأحطها في سندويشات عيالي للمدرسه والله يبنات يحسبون إنها نوتيلا مافرقوا في الطعم يقولون نفس طعمها..
وعلى فكره يبنات تراها تصلح للحلويات تحطينها على وجه الكيك أو مع البسكويت أو سينبون الشوكلاته أو إذا ماعندك شوكلاته مثل مارس أوميرو أو الشكولاته الساده علشان تسيحونها وتحطونها على الحلى مثل حلى السنكرس وغيره هذي الطريقه تغنيك عنهم أنا صلحتها اليوم مع حلى السنكرس وصراااااااااااحه أكثر من روعه وتصير دايما متوفره عندك



منـــــــ,,,