من بداية الحمل والدكتورة تقوللي انه كل شئ تمام وانها تتوقع الولادة الطبيعية بنسبة 80%

لكن وبأرادة رب العالمين جائني ألم المخاض في الاسبوع الاربعين من الحمل فرحت للمستشفى

وكان عندي كل شئ تمام وعلى استعداد للولادة الطبيعية لكن الاستاذ عيسى كان واضع ايديه قدام راسه كأنه راكع

ولما الدكتورة جاءت لحتى تشوف التوسعات ...عيسى مسك ايد الدكتورة (شقي من يومه)

فالدكتورة قالت نستنى شوي على امل انه يشيل ايديه لكن الاستاذ عيسى ماخد قراره هههههههههه

فقررت الدكتورة اني لازم اولد بعملية...ولما قالتلي خفت مع اني كتير حضرت عمليات قيصرية بحكم عملي

وصار جسمي يرجف لكنني بدأت اقرأ قراّن وسبحان الله هديت وراح التوتر وصرت ادعي ربنا انه يخلصني من

الغربة وبصراحة والله على ما اقول شهيد ما بعرف ليش اول ما بدا الوجع معي اجت ببالي عضوة هون اسمها

مسلمة وكمان رحمة من الله وضليت ادعيلهم انه متل ما ربنا يكرمني انه الله يكرمهم بالحمل

ولما دخلت غرفة العمليات صرت انظر حوالية كأني اول مرة بشوف هالغرفة

اعطوني ابرة الظهر وبدأوا بالولادة وخلال 10 دقائق كنت والدة عيسى

ورجوني اياه ...تخيلوا اخدته من ايد الممرضة وصرت ابوس فيه

والدتورة لسة بتخيط مكان العملية

يقبر قلبي لما شفته نسيت كل شئ