هلا فيك أخوي
الله يسعد أوقاتك بكل خير يارب
والله يوفقك في حياتك الزوجيه وفي دراستك ويكون بعونكم يارب
أخوي أول حاجه هدي اعصابك ورتب افكارك قبل لاتبدأ بتأثيث بيتك وحاولوا قدما تقدرون
ماتستعجلون ,, صحيح الانسان يحب يستقل بنفسه لكن الأفضل انو يرتب أموره بهداوه عشان
مايجي يوم ويتمنى انو مااستعجل ... اعتذر لهالمقدمه لكن وربي انا انصحك من خلال تجربتي
طيب نبدأ ... أول ماتبدأ فيه جهز المطبخ لأنو أهم شيء بالبيت ,, طبعاً تبدأ بالأهم وهو اختيار
وتركيب الدواليب والفرن والثلاجه والغساله ( غسالة الملابس ) اذا كنت بتحطها في المطبخ
ولاتشغل نفسك في المواعين والادوات الكهربائه الصغيره تبع المطبخ وانت لسى ماخلصت
اساسيات البيت لأن هالاشياء على الرغم من أهميتها الا انو بالامكان تركها لين تنهي الأمور المهمه وبعدين تجيبها
طبعاً بعدما تركب المطبخ جهز غرفة النوم واذا إمكانياتك الماديه تسمح بعد تركيب غرفة النوم جهز
غرف استقبال الضيوف اللي هي بالعاميه :مجلس الحريم ومجلس الرجال
واذا خلصت من كل هذولا بإمكانكم الانتقال لشقتكم واكمال تأثيث المطبخ ومكن تبدأون
بالضروريات والمهمه لين الله يتمم لكم
المهم مثلما قلت لك أخوي حاولوا ماتستعجلون ابد يعني خلوا تأثيث شقتكم يكون راايق وهاادي
عشان ترتاحون على طول لأن الانسان مابيأثث كل شهر أو كل سنه
ونصيحه لك ولأي شاب ممكن يمر ويشوف ردي هذا الأدوات الكهربائيه مثل الفرن , الثلاجه ,
الغساله , المكنسه لاتآخذ حجم صغير لأنو راح يجي يوم وتتمنى انك ماشريتها أو تضطر لتغييرها
هذا اللي امكنني وقتي افيدك فيه وان شاء الله البقيه مايقصرون معاك
تمنياتي لك بالتوفيق
العرض العادي
