عـلى حـد الشـفـق - زوجــي و زوجتــي عالم الحياة الزوجية

التسجيل مجاناً
إتصل بنا

التسجيل مجاناً

زوجــي و زوجتــي عالم الحياة الزوجية المنتديات العامة دليل همس القوافـي عـلى حـد الشـفـق

القلم الجنوبي كبار الشخصيات

أشوف الشمس تنسج لي على حد الشفق ذكراك
. . . . . . . . . . . وصـوت المـوج زوّدها عليّ وكثّـر عتـابه

بحرت بمنظر اللوعة تبعته وانتهى بي هناك
. . . . . . . . . . هناك بشاطي الحسرة رسا بي عند أغرابه

وأنا ساهي مع الضيقه اسولف للشقاء فرقاك
. .. . . . . . . . على طاري الغروب اللي يسر الحزن بغيابه

سحرني بروعته واثره يحاديني على مجراك
. . . . . . . . . . مثل ذاك الكذوب اللي تبعـته ليـن أبوابه

تبعته واثرني جيتك وانا اللي ما هقيت القاك
. . . . . . . . . على جال الشعور المنجرف في ساقة إعجابه

جرفني غصب عن نفسي برضاي وحطني بملفاك
. . . . . . . . . . تركني عندك وقفى وسرى الخداع بركابه

اخذني للأسى حسبي عليه الله يوم اطراك
. . . . . . . . . . أثاري خافقي هاجس شقاه بنظرة اهدابه

أثر ماكل شي ينفعك لو أعجبك واغراك
. . . . . . . . . .وذا أكبر دليل إعجابي اللي ضعت باسبابه

وانا ما نيب ناكر عشرتك يوم ابتعد واجفاك
. . . .. . . . . . . ولابه عاشقٍ مغرم يعاف مواصل أحبابه

ولكن الظروف القاسية عن وصلنا تنهاك
. . . .. . . . . . . فمان الله واعذرني على الهجران وارهابه

عتقت الدمع بفراقك وانا مجبور يوم أنساك
. . . . . . . . . . . ولكن البحر أقدى وجار الموج بعتابه

وانا لو أدري أني بفقدك عند البحر والقاك
. . . .. . . . . . . قسم بالله ما فكر اجيه ولا اقرب ترابه

,
,
,

توقيع