:sa7l. (163)::sa7l. (108)::sa7l. (108):[ALIGN=CENTER][TABLE1="width:95%;background-color:white;border:7px double darkred;"][CELL="filter:;"][ALIGN=center]
السلام عليكم ورحمة الله وبركاته
اولا اتمنى من الله العلي القدير ان يوفق كل زوجة مع زوجها ويبعد عنهم المشاكل .امين
ثانيا :ودي تشاركوني همي وتعطوني اراكم لاني بمشكلة ما يعلم بها الا الله .........
في البداية انا والدة ولسه بالاربعين وبقالي عشرة ايام واطلع منه .
المهم زوجي يجي عند اهلي يوم ورا يوم او كل يومين يشوف الاولاد عشر دقايق او اقل ومايصدق ينحاش انا طبعا ساكتة اولها بس بعدين طفح الكيل وصرت اتناقش معاه او بالاحرى انهاوش معاه ليش ماتجلس وش اللي جرالك انت ما تبيني من هالكلام.اخرهامن اربع ايام قالي راح اجي قلت الله يحييك المهم يوم جا قال معليش اصدقائي يحتروني بره هم اللي جايبيني بسيارتهم وقالولي نعطيك مهلة خمس دقايق وترجع .انا طبعا جن جنوني من الكلام ومن الاسلوب تهاوشت معاه قدام امي وقلتلو روح ولا توريني وجهك ابدا .
ثاني يوم اتصل فيني اكثر من سبع مرات ومارديت عليه وثاني يوم دق علي وما رديت عليه وصار يرسل رسايل وما ارد عليه لانه متساهل بالموضوع لاني زي الهبلة دائما ماازعل ولااسوي اي مشكلة فهو مقتنع اني ماني زعلانة .ودق علي اليوم ومارديت عليه وارسلي رسالة الى متى ؟؟؟؟؟فقط
فجيت ارسلت رسالة طويلة عريضة وتهزيئة من اولها لاخرها وكلام كبير ....
وهذا بعض من نص الرسالة .اذا حسيت انك غلطان بحقي ذالك الوقت ارد عليك .
واذا عرفت اني انسانة لهامشاعر واحاسيس ذاك الوقت ارد عليك ............................ووووووووووووووووو
المهم الرجال طرطع من الرسالة وارسلي رسالة ماراح تشوفيني بحياتك .....
والمشكلة الكبرى امي درت بالسالفة وانتم عارفين الام وقلبها دقت عليه امي وقال خلاص علشنك ياخالة ابجي وهالكلام ولاجا واخوي يقول وين رجلك معد جا وانا خنقتني العبرة وصرت اصيح قدام اخوي المشكلة اني اول مرة ازعل عند اهلي بحمك اني نفاس والحين مطنشني وش اسوي علموني ياحريم شاكرة لكم ...
طبعا انا قلبي مليان عليه من زمان من يوم انا حامل بارد برود قاتل ولاعنيد درجة اولى واستفزازي ولايقدر انا حامل والا نفاس .امي تقول خلاص منتي راحة لبيتك انتي ما عندك كرامة واخوي نفس الكلام وانا ندمانة علشان دريت الكل وخليتهم يدخلون لاول مرة بحياتي
[/ALIGN][/CELL][/TABLE1][/ALIGN]