بسم الله الرحمن الرحيم

أبداء بسؤال اختي ريحة عطر .. وكان سؤاله وش الي جذبك في هذه الفتاة .. بصراحة خذ اسمها من ثلاثة جهات
بوح حزني صمت
صمت بوحي حزن
حزن صمتي بوح
قرأت هذه الفتاة فقط من الإسم وبكل أمانة أنا جذبني فيها الثقل أنا بصراحة البنت المخفة أو الخفيفة في كل مكان تلقاها وفي كل زاويه لها كلمه وكل يوم بإسم وكل يوم داخلة بمشكلة وخارجه بمشكلة وكل بنت الا القليل تعرف الحب وفاهمه الحب وعندها إحساس وإحساسها يوصل للثرى أسف للثريا ..
ومع هذا كله غالب البنات هداهم الله محرومين من الثقة في داخلهم وحرمانهم هذا يخليهم يفرضون انفسهم على الشباب بكل طريقة خطاء وبصراحة بوصل أنا وإياكم إلى بوح حزني صمت .. بصراحة التوقعات كل من الغرفة تأثر من تلك القصيدة وأنا لم أكن أتوقع استنقاصاً لنفسي ولكن قلت الغيرة لها دور وأذكر بيت يقول
ياحيف من هذا الوضع ياحيف &&&& يوم الرجال تغار من بعضها بعض
الغيرة المعروفة بين النساء لكن الموت إذا صارت بين رجال فكان عندي تحفظ كبير خاصة مع كل المتواجدين والبنات خاصة ..
قبل اكشف لكم هل بوح حزني صمت زارتني على الخاص أو لا بكتب بيتين من تلك القصيدة ثم سأرحل وإياكم على ضفاف نهر الحزن والبوح والصمت ..
عليك اسم الله الرحمن ارددها وانا محتار &&&& وش اكتب في قمر كل الحلايا فيه مسكوبة
انتقل الصمت الثلجي في تلك الساعة وكانت مجرد ثواني ولن أقول دقايق والبرايفت الخاص بي يسلم فيه ذلك القلب الحزين بوح حزني صمت وكانت الفرصة الاولى والأخيرة في الشات وكان سؤالها بعد السلام ما راح ترجع بعد هذي المره قلت مستحيل ولكن يكفيني شرف أني شفت اسمك وقدرت اني لو مره اتواصل معك وغيره ما يهم ولكن إذا تبين تعرف سبب خروجي من الشات ما عندي مانع اعطيك خبر قالت ياليت أعرف قلت أنتي السبب وما كان منها الا أنها قالت العوض عندي هذا رقم جوالي ياليت الليله تكلمني ... ؟؟؟
بصراحة هذي الرسالة أقدمها لتلك البنت اللي وعدتها في المنتدى اكتب بعض الطرق الموصله للتعارف مع أي بنت ووضعها في شباك الذئاب وكانت هذي طريقه يمكن ما يتوقعها أحد أو يسويها أحد وقدرت أحصل على رقم الجوال في آخر لحظة من خروجي من الشات
إلى متى وانا وكل بنت غافلين ( تبون تعرفون ليش قلت غافلين ) .. لأني بصراحة بعد هذا كله لمن تكلمت مع بوح حزني صمت أنصدمت صدمة ما يتوقعها أحد ماكنت البنت اللي أتمنى تكون في حياتي كانت مجرد بنت تملك أسم مكون من ثلاث كلمات مجرد كلمات صورت لها أنا صورة غير وحسبت لها حسابات ثانية وللأسف خلال أسبوع واحد من المكالمات عرفت انها متزوجه واكتشفت أنها مجرد كذبة عشتها لسنة كاملة ولكن أنا من وضع الكذبة هذي للأسف ما كان فيها أي نوع من الإحساس المرهف بل كان عندي موعد لقاء معها خلال نهاية الإسبوع ولكن آثرت الأ اقابلها وقطعت كل إتصال بها وما كأنها كانت في حياتي وهذا جزء من حياتي الخاص ماعندي فيه مجاملة ولا مبالغة ولكن هذا اللي حصل وأنا أضن بل متأكد إنقطاعي عنها لم يكن ليؤثر فيها لأنها كانت مجرد اسم لايحمل من معانية سواء الإسم .. وبصراحة يا مكثير البنات و الشباب اللي يتصورون نفس تصوري ولكن في الأخير يبقى الخطاء خطاء !!
مرت الآيام وأنا في دوامة وبعدها بفترة بسيطة تعرفت على فتاة ثانية وكان عندي صدمة وما كان يهمني التعارف كنت مشغول بالعود والطرب وبحياتي العفنية .. ولكن مع هذا اصبح للواحد فينا هاجس ما يحب يكون بدون شئ يتسلى فيه .. صارت البنت عندي وعند غيري شي نتسلى فيه .. للأسف من شدة الإنحطاط صار كل شئ مهم وغالي بل أعز ما يملك الإنسان في هذي الدنيا الشرف صار بكل بساطة مجرد تسلية نتسلى فيها .. صارت البنت مجرد وسيلة لقضاء شهوة عفنة كان لها قيمة ولها حساب وقت ما تكون في مكانها الصحيح ..
اذكر في قصة لمرأة أسلمت على يد الرسول صلى الله عليه وسلم وبايعته على الإسلام فكان من ضمن الشروط أن تؤمنين بالله وبرسولة وأن لا تزنين قالت هذه المرأة التي لا تعرف الإسلام بل لتوها تريد الدخول في الإسلام قالت .. أو تزني الحرة .. مفهوم كلامها يارسول الحرة اللي بنت أحرار من نسل رجال تزني يعني ما عندها شرف ما عندها قيمة وهي كافرة تقول هذا الكلام أجل وش تقول عن بنات الرسالة المحمدية وش تقول عن بنات القبايل والحمايل وبنات المسلمين أجمعين وش تقول .. اقول لهم يا أخواتي ثقوا ثقة تامة من مجرب والله الذي لا إله إلا هو .. ما فيه حب في الشات ولا في المنتدى ولا حب بالتعارف وأتحدى من رجل من نسل رجال وهو الغالب بل أتحدى من كل نذل ومن كل من تطاوعه نفسه للتعارف على بنات المسلمين يجعل من تعارفه الزواج أتحدى وأتحدى وأتحدى تدرون ليش لأني أنا واحد من اللي تعرف وكانت غالب من تعرفت عليهم يبون الزواج وكنت أقول لهم اعذار وأعذار تخلي كل بنت ما تأيس تبقى على حلم يمكن يكون فيه زواج .. .. مع العلم أنها كانوا يحبنوني إلى حد الجنون على حد علمي وفي الأخير أنا في داخلي لا يمكن أتزوجها
العذر تعرفت علي اليوم وبكرة بتتعرف على واحد ثاني وبصراحة كل من يعارض كلامي أنا رهن كلامي يكتب في المنتدى ويثبت وأنا أثبت إما أن أكون غلطان أو يكون هو غلطان ..
خرجت عن موضوعي وعن قصتي ولكن أعود مع الإعتذار إن كان اللي كتبته يرضي الله فالحمدلله وأن كان العكس فأستغفر الله على كل حال ..

بصراحة وصلت أنا وإياكم إلى ما قبل الهبوط ولكل شي خاتمة وخاتمة موضوعي في الجزء القادم بعد أن سئمت من الحياة وبعد كل جوله وصوله وبعد الذنوب وبعد المعاصي وبعد كل تجربه جربتها في حياتي وجدت أني في نفق مظلم ولكن إلى متى وأنا اعيش داخل هذا النفق وكأني حياتي مثل الفئران لا تعرف إلا كل مكان متسخ عفن مظلم .. بصراحة فكرت بعد هذي الحياة بثلاث أمور أولها الإنتحار وحاولت مرتين ولكن بفضل من الله ما كان بيني وبين الموت إلا لحظات لأني هذي هي حياة كل شاب وفتاه لا يعرفون من هو الله .. الله هو اللي صرف عني أن أنتحر الله هو القائل ومن أعرض عن ذكري فإن له معيشتاً ضنكنا .. ونحشره يوم القيامة أعمى .. ولكن بعد هذا فكرة في الخلاص .. وبديت اسأل وشلون أخلص نفسي وشلون أحررها ولذلك وصلت لتحرير نفسي ولكن في الجزء القادم بإذن الله
من كان له السبب في تحرير نفسي ( الأوهام ) ( الهواجيس ) ( الخيالات ) ( الويلات ) ( الهموم ) ( العذاب ) ( الرحمة )
التوبة التوبة التوبة
كلمة ختامية أقدمها لكم

لكم مني كل الدعاء الخالص .. اللهم وفقني وإياهم لما تحب وترضى .
تحياتي للجميع
اخوكم
ورد ~ وبارود