بسم الله الرحمن الرحيم
الحمد لله والصلاة والسلام على اشرف الانبياء والمرسلين ...

اخواني والله والله تعبت انا ابغى اخواني الرجال المتزوجين واللي عندهم خبرة بالحياة الزوجية ابغى اعرض مشكلتي مع زوجي اللي من اول ليلة وهو ماهو مرتاح معي ...

بداية حياتي معاه كانت ايام الملكة الله كانت ايام روووووعة يتصل بي كل يومين ويقول انه مشتاق وغيييييير الرسايل اللي تذوبني وكانت الرسائل يومية ..

بعد الدخلة مدري وش فيه تغير علي انا بعترف لكم اني قد اكون مخطئة في تصرف او معاملة بس معذورة انا لسى صغيرة وحتى هو بعيد عني ماهو من اقاربي يعني عاملته برسمية بس بعد تقريباً شهرين صار الوضع عاااادي عندي كاني اعرفه من سنين ...

تركني بعد الزواج بشهر ونام بمجلس الرجال لمدة اسبوع .. والله شي يقطع قلبي تخيلوا يا اخواني يجي للغرفة الساعة 12 بالليل ويجلس على الكرسي ويحط رجل على رجل ويلعب بسبحته ويقول انا عندك لين الساعة 4 يالله عندك شي يالله وش الجديد ... انا مرة تضايقت وقلت خير انت وش شايفني بنت من الشارع انا عندك لين الساعة اربع ؟؟!! وكل هذا وانا ماحولي احد لا قريب ولا صديق ولا أهل ....

وكان يقول : انا بس كلمة "تكرمون ماقلتها" اذا احد جاب طاري المره !!!

وقالي مرة : شوفي انا ماعندي مشكلة نفترق بس انا شايل همك عشان بعدين مايقولون "مطلقة" انا بعد هالكلمة كلمت ابوي وجا ياحياتي وقف معاي لانها كلمة جرحتني وهذا وانا لسى لي ثلاث شهور وانا عنده ...

اخواني تكفوووووووووون وش الحل معاه ..!!!

انا يوم واجهته قبل يجي ابوي قلت له يابن الناس ان كنت ماتبيني لاتعذبني وماحد مغصوب على احد قالي : انه يحس بضيقة اذا جاني ودخل غرفتنا .!!! انا مدري ليه مارتحت لكلامه وكأنها عذر هالضيقة ...!!!! بعدها قال : علمتك باللي فيني تبين تتحمليني والا شوفي لنا حل .؟؟!!!!!!!!!!!!!!!!!!!!!!


أووووووووووف تعبت تعبت تعبت ... لي الان 7 شهور وانا متزوجة وحامل بالشهر الثاني .. وادرس عند اهلي وهو بمدينة ثانية ونشوف بعض من وقت لووووووقت ومايجي علشاني لا اذا كان له شغل جا خلصه وقضى شغله معاي احس مالي قيمة عنده ... اترجاه يجي علشاني ولا يجي مع العلم انه فااااااااااااااضي يعني شغله بالسنة يروح له شهر او شهرين وطول السنة مابين استراحات وطلعات مال لامها دااااااعي ..
ومخليني عند اهلي يوم اشتاق لسماع صوته مايعطيني فرصة ويحطمني اتمنى اني ماتصلت عليه يقولي بالحرف الواحد : هاه وش عندك اخلصي تبين شي اقوله بس اشتقت لصوتك يقول يعني ماتبين شي يالله سلام ولا تدقين الا تبين حاجة ضرورية تفهمين ..!؟؟؟!!!! ولا عاد يرسل ولا يتصل وانا تركته من الاتصال بس الرسايل متواصلة معاه بين فترة وفترة ارسل له رسايل شوق .... وحتى ان كنت عنده وبسوي له ليلة رومنسية مايعلق بس يقول ايه لارسلت لك فلوس لاتشترين هالخرابيط؟؟؟؟ يعني يحطم


تكفون اخواني اللي عنده خبرة وابغى الرجال يساعدوني لانهم افهم لبعض وحالة زوجي وش هي .؟؟؟

تكفوووووون طالبتكم تساعدوني ....